ព័ត៌មានជាតិ
លោកបណ្ឌិត ផុន ណារិន ផ្តាំទៅនិស្សិតទាំងអស់ បើចង់ជោគជ័យសូមព្យាយាមធ្វើការស្រាវជ្រាវ
លោកបណ្ឌិត ផុន ណារិន នាយកវិទ្យាស្ថានពាណិជ្ជសាស្ត្រអេស៊ីលីដា និងជាប្រធានគណៈកម្មការដឹកនាំការសរសេរសារណាបញ្ចប់ការសិក្សា បានអំពាវនាវឲ្យនិស្សិតទាំងអស់នៅប្រទេសកម្ពុជាចូលយកចិត្តទុកដាក់ធ្វើការស្រាវជ្រាវដើម្បីទទួលបាននូវចំណេះដឹងទូលំទូលាយ។ ការថ្លែងបែបនេះត្រូវបានធ្វើឡើងក្នុងឱកាសវិទ្យាស្ថានពាណិជ្ជសាស្ត្រអេស៊ីលីដាបានរៀបចំកម្មវិធីការពារសារណាបញ្ចប់ការសិក្សា និស្សិតថ្នាក់បរិញ្ញាបត្រ ជំនាន់ទី៤ នាថ្ងៃទី១៨ ខែតុលា ឆ្នាំ២០២៣។
លោកបណ្ឌិតបានបន្ថែមថា ប្អូនៗនិស្សិតទាំងអស់បើចង់ជោគជ័យសូមព្យាយាមធ្វើការស្រាវជ្រាវ ដើម្បីទទួលបានចំណេះដឹង និងជំនាញច្បាស់លាស់ទៅថ្ងៃខាងមុខ ហើយចំពោះកិច្ចការស្រាវជ្រាវនេះដែរទាំងសាស្ត្រាចារ្យបង្រៀននៅវិទ្យាស្ថានពាណិជ្ជសាស្ត្រអេស៊ីលីដា ក៏តម្រូវឱ្យធ្វើនិក្ខេបបទ ក្នុងមួយឆ្នាំម្តង ដើម្បីស្វែងរកអ្វីដែលថ្មី ពោលគឺត្រូវធ្វើជារៀងរហូត ព្រោះវិទ្យាសាស្ត្រនាពេលបច្ចុប្បន្នមានការវិវឌ្ឍន៍ទៅមុខឥតឈប់ឈរ និងជឿនលឿនខ្លាំង បើមិនដូច្នេះទេ យើងមិនអាចតាមគេទាន់ឡើយ។
វិទ្យាស្ថាន ពាណិជ្ជសាស្ត្រ អេស៊ីលីដា បានរៀបចំកម្មវិធីការពារសារណាបញ្ចប់ការសិក្សា និស្សិតថ្នាក់បរិញ្ញាបត្រ ជំនាន់ទី៤ ជំនាញ ហិរញ្ញវត្ថុ និងធនាគារ រួមទាំងពាណិជ្ជកម្មអន្តរជាតិ សម្រាប់ឆ្នាំសិក្សា២០២២-២០២៣ ក្រោមអធិបតីភាពរបស់ លោកបណ្ឌិត ផុន ណារិន នាយកវិទ្យាស្ថាន និងជាប្រធានគណៈកម្មការដឹកនាំការសរសេរសារណាបញ្ចប់ការសិក្សា។
កម្មវិធីការពារសារណាបញ្ចប់ការសិក្សានេះដែរ ត្រូវបានរៀបចំ ដោយគណៈកម្មការនានា ដែលបានចាត់តាំងដោយក្រសួងអប់រំ យុវជន និងកីឡា ដឹកនាំ និងត្រួតពិនិត្យ ដោយឯកឧត្តមបណ្ឌិត ទូច វិសាលសុខ រដ្ឋលេខាធិការ ក្រសួងអប់រំ យុវជន និងកីឡា និងជាប្រធានគណៈកម្មការទទួលបន្ទុករួម។ដំណើរការសរសេរសារណា ត្រូវបានចាប់ផ្តើមឡើងតាំងពីពេលនិស្សិតចូលសិក្សាដើមឆ្នាំទី៤ ដោយចែកចេញជា២ដំណាក់កាល រួមមាន៖ ការការពារគម្រោងសារណាដែលប្រព្រឹត្តទៅនៅថ្ងៃទី១៦ ខែកុម្ភៈ ឆ្នាំ២០២៣ និងការការពារសារណាបញ្ចប់ការសិក្សាដែលប្រព្រឹត្តទៅនៅថ្ងៃទី១៨ ខែតុលា ឆ្នាំ២០២៣ នេះតែម្តង។ ក្នុងកម្មវិធីការពារសារណាបញ្ចប់ការសិក្សានេះ មាននិស្សិតសរុបចំនួន ៨នាក់ (ស្រី ៥នាក់) ចែកចេញជា ៥ប្រធានបទដូចខាងក្រោម៖
– ប្រធានបទទី១៖ ផលប៉ះពាល់នៃគុណភាពសេវាកម្ម ភាពពេញចិត្តរបស់អតិថិជន កេរ្តិ៍ឈ្មោះធនាគារ និងទំនុកចិត្ត ទៅលើភាពស្មោះត្រង់របស់អតិថិជននៅក្នុងធនាគារពាណិជ្ជ (ករណីសិក្សានៅធនាគារអេស៊ីលីដា ភីអិលស៊ី)
– ប្រធានបទទី២៖ កត្តាដែលជះឥទ្ធិពលដល់ភាពជោគជ័យរបស់ Starbucks៖ ករណីសិក្សាស្តីពីការពេញចិត្តរបស់អតិថិជនចំពោះកាហ្វេ Starbucks ក្នុងរាជធានីភ្នំពេញ
– ប្រធានបទទី៣៖ ការទទួលយកនូវឧបករណ៍ទូទាត់បែបឌីជីថលPayBand តាមរយៈគំរូនៃការទទួលប្រើបច្ចេកវិទ្យា(TAM) និងនវានុវត្តន៍បច្ចេកវិទ្យា(DIT)៖ ករណីសិក្សាលើ ACLEDA PayBand”
– ប្រធានបទទី៤៖ វិភាគលើកត្តាដែលជះឥទ្ធិពលទៅលើឥរិយាបថក្នុងការសម្រេចចិត្តវិនិយោគ នៅក្នុងទីផ្សារមូលបត្រកម្ពុជា។
– ប្រធានបទទី៥៖ ដំណើរការនៃការផ្ដល់ឥណទានសហគ្រាសខ្នាតមធ្យមនៅធនាគារអេស៊ីលីដា។
ប្រធានបទទាំងអស់នេះ គឺជាប្រធានបទដែលមានសារសំខាន់ ហើយនិស្សិតចាប់អារម្មណ៍ជ្រើសរើសយកមកធ្វើការសិក្សាស្រាវជ្រាវ ដើម្បីពង្រីកចំណេះដឹងបន្ថែមទៅលើចំណេះ និងជំនាញដែលបានសិក្សា៣ឆ្នាំរួចមកហើយ ឲ្យកាន់តែ ទូលំទូលាយ និងស៊ីជម្រៅ ពាក់ព័ន្ធនឹងវិស័យធនាគារ ហិរញ្ញវត្ថុ វិនិយោគ និងពាណិជ្ជកម្មអន្តរជាតិ។ ក្រៅពីចំណេះដឹងដែលមានសារសំខាន់ខ្លាំងចំពោះនិស្សិតផ្ទាល់ លទ្ធផលនៃការស្រាវជ្រាវនេះក៏បានចូលរួមចំណែកជាប្រយោជន៍សម្រាប់សាធារណជន ប្រតិបត្តិករ និងអ្នកពាក់ព័ន្ធក្នុងវិស័យទាំងនេះផងដែរ។
មកដល់ពេលបច្ចុប្បន្ន វិទ្យាស្ថាន ពាណិជ្ជសាស្ត្រ អេស៊ីលីដា បានលើកកម្ពស់ និងគាំទ្រការស្រាវជ្រាវយ៉ាងសកម្ម តាមរយៈការលើកទឹកចិត្តឲ្យនិស្សិតធ្វើការសរសេរសារណា និងការសរសេររបាយការណ៍ស្រាវជ្រាវ ក៏ដូចជាការបោះពុម្ពទស្សនាវដ្តីវិទ្យាសាស្ត្រផងដែរ។ ជាលក្ខណៈតំបន់ បុគ្គលិកអប់រំពេញម៉ោងរបស់វិទ្យាស្ថាន ចំនួន៣រូបបានចូលរួមបោះពុម្ពអត្ថបទស្រាវជ្រាវនៅក្នុងទស្សនាវដ្តីវិទ្យាសាស្ត្រអន្តរជាតិ។ នៅកម្រិតជាតិ វិទ្យាស្ថានបានបោះពុម្ពទស្សនាវដ្តីវិទ្យាសាស្ត្រ ចំនួន៣ (AIB Research Series Volume 1, 2 & 3) ដែលទស្សនាវដ្តីវិទ្យាសាស្ត្រទាំង៣នេះ មានការចងក្រងអត្ថបទស្រាវជ្រាវ ចំនួន២៧របស់គណៈគ្រប់គ្រង បុគ្គលិកអប់រំពេញម៉ោង និងវេលាការ ហើយនិងអតីតនិស្សិត ដែលបានបញ្ចប់ការសិក្សា។ សម្រាប់កម្រិតវិទ្យាស្ថាន មាននិស្សិតថ្នាក់បរិញ្ញាបត្រចំនួន៤ជំនាន់រួចមកហើយដែលបានជ្រើសរើសការសរសេរសារណាដើម្បីបញ្ចប់ការសិក្សា និងនិស្សិតថ្នាក់បរិញ្ញាបត្រជាន់ខ្ពស់ជំនាន់ទី១ កំពុងសរសេររបាយការណ៍ស្រាវជ្រាវ ដើម្បីបំពេញលក្ខខណ្ឌប្រឡងបញ្ចប់ការសិក្សាផងដែរ។ សម្រាប់និស្សិតបរិញ្ញាបត្រទាំង៤ជំនាន់នេះ មាននិស្សិតសរុបចំនួន៥៥នាក់ (ជំនាន់ទី១ មាន១៨នាក់ ជំនាន់ទី២ មាន៩នាក់ ជំនាន់ទី៣ មាន២០នាក់ និងជំនាន់ទី៤ មាន៨នាក់) បានជ្រើសរើសការសរសេរសារណាជាឯកត្តជន និងក្រុម ហើយសម្រាប់និស្សិតបរិញ្ញាបត្រជាន់ខ្ពស់ជំនាន់ទី១ មានចំនួន១៤នាក់ ដែលកំពុងតែសរសេររបាយការណ៍ស្រាវជ្រាវជាឯកត្តជនផងដែរ។
កម្មវិធីការពារសារណាបញ្ចប់ការសិក្សាលើកទី៤នេះ សបញ្ជាក់ឲ្យឃើញថាវិទ្យាស្ថានពាណិជ្ជសាស្ត្រ អេស៊ីលីដា កំពុងតែយកចិត្តទុកដាក់លើកកម្ពស់គុណភាពអប់រំ និងពង្រឹងសមត្ថភាពធនធានមនុស្ស ដើម្បីគាំទ្រដល់ចក្ខុវិស័យ បេសកកម្មរបស់វិទ្យាស្ថាន ក៏ដូចជារួមចំណែកគាំទ្រគោលនយោបាយលើកកម្ពស់ការស្រាវជ្រាវ នៅតាមគ្រឹះស្ថានឧត្តមសិក្សា របស់ក្រសួងអប់រំ យុវជន និងកីឡា ជាពិសេសដើម្បីចូលរួមចំណែកអនុវត្តយុទ្ធសាស្ត្របញ្ចកោណ (ដំណាក់កាលទី១) រាជរដ្ឋាភិបាល នានីតិកាលទី៧ នៃរដ្ឋសភាជាតិ៕
ដោយ ៖ សុខា
លោក ទៀ សីហា ណែនាំឱ្យរដ្ឋបាលខេត្តសៀមរាបរួមគ្នាបន្តថែរក្សាសន្តិភាពឱ្យបានល្អ ទប់ស្កាត់ភាពវឹកវរក្នុងសង្គម
លោក ម៉ៅ សុផាន់ ប្រាប់អាជ្ញាធរខេត្តព្រះវិហារឱ្យបម្រើប្រជាជន បើមានបញ្ហាត្រូវដោះស្រាយភ្លាម
រដ្ឋមន្ត្រីសំខាន់ៗរបស់រដ្ឋបាលលោក ដូណាល់ ត្រាំ នៅក្នុងអាណត្តិទី២
បញ្ជាប្រតិបត្តិសំខាន់ចំនួន១០ ដែលលោក ត្រាំ ចុះហត្ថលេខា នៅថ្ងៃដំបូងក្នុងនាមប្រធានាធិបតីអាមេរិកទី៤៧
រកឃើញសាកសពរាប់សិបនាក់នៅតំបន់ហ្គាហ្សាចំពេលបទឈប់បាញ់រវាងអ៊ីស្រាអែលនិងក្រុមហាម៉ាស
ចូលកាន់តំណែងភ្លាម លោក ត្រាំ ប្រកាសអាសន្ននៅព្រំដែនជាប់ ម៉ិកស៊ិក ភ្លែត
ចាក់សោផ្ទះទៅផ្សារមួយភ្លែត សង្ស័យឆ្លងចរន្តអគ្គិសនី ឆាបឆេះអស់សម្ភារៈមួយចំនួន
Elon Musk សប្បាយអរជាងគេជាងឯង ពេលឮ ត្រាំ សន្យាដាក់ទង់ជាតិអាមេរិកលើភពអង្គារ
សហភាពអឺរ៉ុបរកឃើញសំណល់ថ្នាំកសិកម្មលើសកម្រិត ក្នុងអង្ករកម្ពុជា ខណៈអង្ករមួយចំនួនត្រូវដឹកត្រឡប់មកវិញ
TASS: ត្រាំបញ្ជាឲ្យរៀបចំសន្ទនាតាមទូរស័ព្ទជាមួយ ពូទីន នៅថ្ងៃឡើងកាន់អំណាច
-
ព័ត៌មានអន្ដរជាតិ៤ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ចរាចរណ៍១ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានជាតិ៧ ថ្ងៃ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
សន្តិសុខសង្គម១ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៥ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៤ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៥ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ចរាចរណ៍២ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់