ព័ត៌មានជាតិ
ឯកឧត្តម ឌី វិជ្ជា ស្នើឲ្យបងប្អូនបន្តគាំទ្រក្រុមបាល់ទាត់ជម្រើសជាតិកម្ពុជា
ឯកឧត្តម ឧត្តមសេនីយ៍ឯក ឌី វិជ្ជា អគ្គស្នងការងនគរបាលជាតិ និងជាអ្នកស្រឡាញ់វិស័យកីឡាបាល់ទាត់មួយរូប បានអរគុណដល់បងប្អូនប្រជាពលរដ្ឋទាំងអស់គ្នាដែលស្រឡាញ់វិស័យកីឡាបាល់ទាត់កម្ពុជា និងបានស្នើឱ្យអ្នកគាំទ្របន្តការគាំទ្រលើកទឹកចិត្តកីឡាករកម្ពុជាបន្ថែមទៅមុខទៀត។ ឯកឧត្ដម ឌី វិជ្ជា បានស្នើដល់អ្នកគាំទ្របែបនេះ គឺបន្ទាប់ពីក្រុមបាល់ទាត់ជម្រើសជាតិកម្ពុជា បានប្រកួតចាញ់ក្រុមប៉ាគីស្ថាន ១-០ កាលពីថ្ងៃអង្គារ ហើយរងការរិះគន់ និងការមិនសប្បាយចិត្តយ៉ាងខ្លាំងពីអ្នកគាំទ្រ។
![](https://www.kampucheathmey.com/wp-content/uploads/2023/10/image-1176-1024x768.png)
ក្រៅពីស្នើឱ្យអ្នកគាំទ្របន្តគាំទ្រក្រុមជម្រើសជាតិបាល់ទាត់កម្ពុជា ឯកឧត្ដម ឌី វិជ្ជា ក៏បានប្រកាសគាំទ្រការលើកឡើងរបស់ឯកឧត្តម សៅ សុខា ប្រធានសហព័ន្ធកីឡាបាល់ទាត់កម្ពុជាដែលបានទទួលយកការរិះគន់ និងប្តេជ្ញាខិតខំរកវិធីដោះស្រាយការមិនសប្បាយចិត្តរបស់អ្នកគាំទ្របាល់ទាត់កម្ពុជា។
ក្នុងនាមជាអ្នកទទួលខុសត្រូវលើវិស័យបាល់ទាត់កម្ពុជា ឯកឧត្តម សៅ សុខា បានចេញមុខមកដោះស្រាយបញ្ហានេះជាមួយអ្នកគាំទ្រកម្ពុជា។ ឯកឧត្តម បានលើកឡើងដូច្នេះថា៖«គេនិយាយពិតជាត្រឹមត្រូវ សុំទទួលយកព្រោះជាការពិតវាកើតឡើងអញ្ចឹងមែន។ ពួកគេគាំទ្រជម្រើសជាតិ គេស្រឡាញ់ទើបគេតាមដាន គេដឹង និងរិះគន់។ សម្រាប់យើងមានតែប្រឹងប្រែងរកវិធីល្អណា ដើម្បីដោះស្រាយនូវការមិនសប្បាយចិត្តរបស់អ្នកគាំទ្រតែប៉ុណ្ណោះ»។ ឯកឧត្តម ឌី វិជ្ជា បានប្រកាសគាំទ្រ និងពេញចិត្តយ៉ាងខ្លាំងចំពោះការលើកឡើងរបស់ឯកឧត្តម ប្រធានសហព័ន្ធកីឡាបាល់ទាត់កម្ពុជានេះ។
![](https://www.kampucheathmey.com/wp-content/uploads/2023/10/Cambodian-national-team.2jpg-1-1024x683.jpg)
ជាមួយនឹងការប្រកាសគាំទ្រនេះ ឯកឧត្តម ឌី វិជ្ជា ក៏បានអំពាវនាវដល់ប្រជាពលរដ្ឋកម្ពុជាទាំងអស់ដែលស្រឡាញ់វិស័យកីឡាបាល់ទាត់កម្ពុជា បន្តការគាំទ្រ និងលើកទឹកចិត្ត ដល់កីឡាករបាល់ទាត់ជម្រើសជាតិថែមទៀត។ ឯកឧត្តម ឌី វិជ្ជា បានគូសរំលេចឡើងថា៖ «បើយើងសង្កេតមើលឱ្យដល់ធៀបទៅនឹង ១០ ឬ ២០ឆ្នាំមុន គឺគ្រាប់បាល់យើងឱ្យគេនោះ មិនតិចជាង៥-១០គ្រាប់ទេ តែឥឡូវនេះ ឃើញថា ពីមួយឆ្នាំទៅមួយឆ្នាំ វិស័យកីឡាបាល់ទាត់ និងកីឡាករយើង មានការវិវត្តច្រើនណាស់ផងដែរ បើយើងមិនស្មើជាមួយគេ ឬយើងមិនឈ្នះគេ ក៏ត្រឹម ១ ឬ២ គ្រាប់ ហើយមានពេលខ្លះ យើងក៏ឈ្នះគេដែរ»៕ ក្នុងនាមជាអ្នកស្រឡាញ់វិស័យបាល់ទាត់កម្ពុជា ឯកឧត្តម ឌី វិជ្ជា បានអរគុណដល់បងប្អូនប្រជាពលរដ្ឋទាំងអស់គ្នាដែលស្រឡាញ់វិស័យកីឡាបាល់ទាត់កម្ពុជា និងបន្តការគាំទ្រលើកទឹកចិត្តកីឡាករកម្ពុជាបន្ថែមទៅមុខទៀត៕
![](https://www.kampucheathmey.com/wp-content/uploads/2023/10/Cambodia_0_0_Pakistand_2026_FIFA_World_Cup_Qualification_KPT_Sport-1024x683.jpg)
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម៩ ម៉ោង ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៩ ម៉ោង ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៤ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ៦ ថ្ងៃ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៥ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៥ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ព័ត៌មានអន្ដរជាតិ១ សប្តាហ៍ ago
Breaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ជីវិតកម្សាន្ដ៤ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច