ព័ត៌មានជាតិ

បញ្ជូនក្មេងស្ទាវមួយក្រុមទៅតុលាការ ក្រោយដើរអុកឡុក និងដេញកាប់គេឲ្យតែមើលមុខ

បានផុស

៤ years មុន

នៅ

ថ្ងៃសុក្រ ៥ កុម្ភៈ ២០២១

ដោយ

កន្លងមកមានក្រុមយុវជន៤នាក់ គ្មានការងារធ្វើដើរធ្វើសកម្មភាពកាប់បំផ្លាញអុកឡុកក្នុងក្រុងប៉ោយប៉ែតយ៉ាងសកម្ម ប្រជាពលរដ្ឋមានការភ័យខ្លាចខ្លាំង តែត្រូវបានបង្ក្រាបហើយនៅវេលាម៉ោង ២ល្ងាច កាលពីថ្ងៃ៤ ខែកុម្ភៈ ឆ្នាំ២០២១នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ឯក សៅ សារឿន អធិការនគរបាលក្រុងប៉ោយប៉ែត បានឲ្យដឹងថា ដោយ អនុវត្តតាមបទបញ្ជារបស់លោក ឧត្ដមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ លោកបានឲ្យកំបាំងជំនាញចុះបង្ក្រាបក្មេងទំនើងទាំងអស់នេះឲ្យបាន។ ក្រោយពីទទួលបានបទបញ្ជា ហើយលោកបានដឹកនាំកម្លាំង១ក្រុមបានចុះសហការជាមួយប្រជាពលរដ្ឋ

និងកម្លាំងជំនាញព្រហ្មទណ្ឌកំណត់មុខសញ្ញានិងធ្វើការឃាត់ក្មេងទំនើងទាំង៤នាក់នេះ បានជាបន្តបន្ទាប់ដែលកំពុងធ្វើសកម្មភាពកាប់បំផ្លាញទ្រព្យសម្បត្តិអ្នកដទៃ ក្នុងភូមិ សាស្ត្រ ក្រុង ប៉ោយប៉ែត។ លោកវរសេនីយ៍ឯក សៅ សារឿន បានបញ្ជាក់ឲ្យដឹងបន្តទៀតថា ជនសង្ស័យទាំង៤នាក់ ទី១. ឈ្មោះ សេង ណាឃីម ភេទប្រុស អាយុ១៥ឆ្នាំ, ទី២. ឈ្មោះ ឃី សំឡី ហៅខ្លី ភេទ ប្រុស អាយុ១៦ឆ្នាំ, ទី៣. ឈ្មោះ សេង សម្បត្តិ ភេទប្រុស អាយុ១៦ឆ្នាំ និង ជនសង្ស័យ ទី៤. ឈ្មោះ វង់ ភ័ក្ត្រា ហៅប៉ាប៉ាត្រា ភេទប្រុស ជនសង្ស័យទាំង៤នាក់ រស់នៅក្នុងសង្កាត់ប៉ោយប៉ែត ក្រុង ប៉ោយប៉ែត ខេត្តបន្ទាយមានជ័យ។

លោកបានបញ្ជាក់ឲ្យដឹងទៀតថា ក្មេងទំនើងទាំង៤នាក់នេះ គឺជាក្រុមក្មេង ដែលតែងតែបង្ករឿងនិងធ្វើសកម្មភាពកាប់គ្នាបំផ្លាញទ្រព្យសម្បត្តិអ្នកដទៃជាញឹកញាប់ណាស់ ដោយគ្មានជម្លោះអ្វីធំដុំ គ្រាន់តែមើលមុខក៏ពួកគេវាយកាប់ ឬ បំផ្លាញទ្រព្យសម្បត្តិអ្នកដទៃ ផងដែរ។ ក្រោយសមត្ថកិច្ចឃាត់ខ្លួនជនសង្ស័យ បានឆ្លើយសារភាពថា ក្រុមរបស់ខ្លួនពិតជាបានបង្កអុកឡុកក្នុងស្រុកភូមិកន្លងមកពិតប្រាកដ ដោយបានចម្លើយសារភាព ដោយមានការប្តឹងពីពលរដ្ឋផងជនសង្ស័យបានបញ្ជូនមកស្នងការនិងរៀបចំឯកសារបញ្ជូនទៅតុលា ដើម្បីដាក់ទៅតាមច្បាប់ហើយ៕

អត្ថបទ៖ វ៉ាន់ ណាង

សូមចុចអាន៖ ចាប់ឃាតក ដែលអារកសម្លាប់ស្ត្រីម្នាក់ក្នុងចម្ការស្វាយបានហើយ

Related Topics:ក្មេងស្ទាវ