ព័ត៌មានជាតិ
រោងចក្រ សហគ្រាស ១៧ រងគ្រោះដោយជំនន់ទឹកភ្លៀង ប៉ះពាល់កម្មករនិយោជិត ជិត ៨ ពាន់នាក់
គិតត្រឹមថ្ងៃទី ១៨ ខែតុលា ឆ្នាំ ២០២៣ នេះ មានរោងចក្រ សហគ្រាស ចំនួន ១៧ នៅតាមរាជធានី-ខេត្ត ចំនួន ៤ បានរងគ្រោះដោយសារជំនន់ទឹកភ្លៀងបណ្ដាលឲ្យប៉ះពាល់ដល់កម្មករនិយោជិតប្រមាណជិត ៨ ពាន់នាក់។
លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានមានប្រសាសន៍នៅរសៀលថ្ងៃទី ១៩ តុលានេះថា ជំនន់ទឹកភ្លៀងបានបណ្តាលឲ្យរោងចក្រសហគ្រាសចំនួន ១៧ ទឹកលិច មានកម្មករ និយោជិត សរុប ៧៧២០ នាក់ ស្រី ៥០០៦ នាក់ នៅរាជធានីភ្នំពេញ, ខេត្តកំពង់ស្ពឺ, និងខេត្តតាកែវក្នុងនោះរួមមាននៅតំបន់សួនឧស្សាហកម្មវីលសុន ស្ថិតនៅសង្កាត់កំបូល ខណ្ឌកំពូល រាជធានីភ្នំពេញ មានរោងចក្រសចំនួន ៤ ស្មើនឹងកម្មករនិយោជិតសរុប ២២១២ នាក់ ស្រី ១៧៥២ នាក់ ដែលបានលិចទឹកជុំវិញរោងចក្រ ប៉ុន្តែចូលធ្វើការធម្មតាវិញ។
ស្រុកគងពិសី ខេត្តកំពង់ស្ពឺ មានរោងចក្រសរុបចំនួន ១០ រោងចក្រ ស្មើនឹងកម្មករនិយោជិតសរុប ៤៧៤៧ នាក់ ស្រី ២៧២៩ នាក់ ដោយ ១ រោងចក្រ បានលិចទឹកចូលដល់អគារផលិតកម្ម និង ១ រោងចក្រ បានលិចទឹកជុំវិញរោងចក្រ ក្នុងនោះរោងចក្រចំនួន ៧ ចូលធ្វើការធម្មតាវិញ។ រោងចក្រចំនួន ១ គ្រោងនឹងបើកចូលធ្វើការវិញនៅថ្ងៃទី ២០ ខែតុលា ឆ្នាំ ២០២៣ មានកម្មករនិយោជិតសរុប ៧៦៨ នាក់ ស្រី ៦២៤ នាក់។ រោងចក្រចំនួន ២ ស្ថិតនៅក្នុងការព្យួរកិច្ចសន្យា ការងារដែលគ្រោងនឹងបើកដំណើរការវិញនៅពាក់កណ្ដាលខែវិច្ឆិកា ឆ្នាំ ២០២៣ មានកម្មករនិយោជិតសរុប ១៧០៥ នាក់ ស្រី ១២៣០ នាក់។
ចំណែកស្រុកបាទី ខេត្តតាកែវ មានរោងចក្រសរុបចំនួន ៣ រោងចក្រ ស្មើនឹងកម្មករនិយោជិតសរុប ៧៦១ នាក់ ស្រី ៥២៥ នាក់ ដោយ ២ រោងចក្រ បានលិចទឹកចូលដល់អគារផលិតកម្ម និង ១ រោងចក្របានលិចទឹកជុំវិញរោងចក្រដែលគ្រោងនឹងបើកចូលធ្វើការវិញនៅថ្ងៃទី ២៣ ខែតុលា ឆ្នាំ ២០២៣។
លោកបានបន្តថា នាយកដ្ឋានអធិការកិច្ចការងារ នឹងបន្តសហការជាមួយមន្ទីរការងារ និងបណ្ដុះបណ្ដាលវិជ្ជាជីវៈ និងអង្គភាពពាក់ព័ន្ធ ដើម្បីបន្តតាមដានស្ថានភាពទឹកជំនន់ និងចាត់វិធានការណែនាំបង្ការមុនការបើកដំណើរការសហគ្រាស គ្រឹះស្ថានឡើងវិញ ស្របតាមសេចក្ដីណែនាំលេខ 090/23 ចុះថ្ងៃទី ១៧ ខែតុលា ឆ្នាំ ២០២៣ ស្តីពីវិធានការសុវត្ថិភាព និងសុខភាពការងារ សម្រាប់កម្មករ និយោជិត ក្នុងករណីមានគ្រោះជំនន់ទឹកភ្លៀង៕
អត្ថបទ ៖ សំអឿន
ខេត្តរតនគិរី៖ ស្វាយចន្ទីធម្មតាថ្លៃជាងពូជM23 ប៉ុន្តែឆ្នាំនេះចន្ទីមិនសូវមានផ្លែ ក៏អាចលក់បានតម្លៃសមរម្យ
ខាត់ ស្រីច័ន្ទ ជឿថា សារិតុលា នឹងជោគជ័យនៅពេលក្រោយ បើទោះពេលនេះបានត្រឹមលំដាប់រងទី២ MSC
រដ្ឋមន្ត្រីសុខាភិបាល ជំរុញថ្នាក់ដឹកនាំ និងបុគ្គលិកមន្ទីរពេទ្យកុមារជាតិ ខិតខំបន្ថែមទៀត ដើម្បីកាត់បន្ថយអត្រាស្លាប់កុមារកាន់តែប្រសើរ
អភិបាលខេត្តតាកែវ ដឹកនាំប្រតិភូចុះសួរសុខទុក្ខកងកម្លាំងឈរជើងការពារព្រំដែនប្រាសាទតាមាន់
សម្តេច ម៉ែន សំអន អញ្ជើញប្រារព្ធពិធីជូនពរ និងអបអរសាទរបុណ្យចូលឆ្នាំខ្មែរ នៅខេត្តស្វាយរៀង
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
ត្រឹមមួយថ្ងៃដើមខែមេសា ប្រទេសអាស៊ីអាគ្នេយ៍ចំនួន៣ កើតគ្រោះអគ្គិភ័យរន្ធត់ដំណាលគ្នា
ត្រាំ ប្រកាសដំឡើងពន្ធទ្រង់ទ្រាយធំជាសកល ក្នុងនោះកម្ពុជា រងគ្រោះខ្លាំង
សភាពាណិជ្ជកម្មអាមេរិកនៅកម្ពុជា ស្នើឱ្យដោះស្រាយបញ្ហាពន្ធអាមេរិកថ្មី ដើម្បីបញ្ចៀស «វិបត្តិសេដ្ឋកិច្ចជ្រាលជ្រៅ»
អាមេរិកថាកម្ពុជាយកពន្ធខ្លួន ៩៧ ភាគរយ តែអតីតប្រធាន EuroCham នៅកម្ពុជា ហៅតួលេខនេះថា «បំភ័ន្ត» ជំរុញដោយនយោបាយ
-
ព័ត៌មានជាតិ២ ថ្ងៃ agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៦ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ២ ថ្ងៃ agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ២២ ម៉ោង agoមីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
សន្តិសុខសង្គម១ សប្តាហ៍ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៦ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
សន្តិសុខសង្គម៣ ថ្ងៃ agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ចរាចរណ៍២ ថ្ងៃ agoរថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល