ព័ត៌មានជាតិ
អ្នកនាំពាក្យអប់រំ ៖ ជំនន់ទឹកភ្លៀងមិនរាំងស្ទះដំណើរការប្រឡងបាក់ឌុបទេ ទោះសាលាខ្លះលិចទឹក
អ្នកនាំពាក្យក្រសួងអប់រំ យុវជន និងកីឡា បានអះអាងថា ជំនន់ទឹកភ្លៀងមិនបានរាំងស្ទះដល់ដំណើរការប្រឡងសញ្ញាបត្រមធ្យមសិក្សាទុតិយភូមិ ឬ បាក់ឌុប នៅឆ្នាំនេះទេ បើទោះបីជាមានសាលាខ្លះបានរងការលិចលង់ក៏ដោយ។
លោកស្រី ឃួន វិច្ឆិកា អ្នកនាំពាក្យក្រសួងអប់រំ យុវជន និងកីឡា បានមានប្រសាសន៍នៅព្រឹកថ្ងៃទី ២០ តុលានេះថា ទោះបីជាមានខេត្តខ្លះទទួលរងគ្រោះដោយទឹកជំនន់ក៏ដោយ ក៏មិនរាំងស្ទះដល់ដំណើរការប្រឡងបាក់ឌុបឆ្នាំនេះ ដែលនឹងប្រព្រឹត្តិទៅនាថ្ងៃទី ៦ និងទី ៧ ខែវិច្ឆិកា ឆ្នាំ ២០២៣ ខាងមុខនេះដែរ ព្រោះថា មណ្ឌលប្រឡង ក្រសួង បានពិនិត្យជ្រើសរើសសាលានៅទីប្រជុំជន មានហានិភ័យទាបពាក់ព័ន្ធនឹងទឹកជំនន់។
លោកស្រីបានបន្តថា ទន្ទឹមនេះ ក្រសួង ក៏ធ្វើការជិតស្និទ្ធនឹងមន្ទីរអប់រំ យុវជន និងកីឡា នានា ដើម្បីតាមដានស្ថានភាពជាប្រចាំដែរ។ លោកស្រីបន្តទៀតថា «ដូច្នេះយើងជឿជាក់ថា ប្រសិនមិនមានប្រធានសក្តិណាមួយកើតឡើង មណ្ឌលដែលបានជ្រើសរើសរួចមិនប្រឈមនឹងហានិភ័យទេ»។
លោកស្រីបន្ថែមថា សម្រាប់ការប្រឡងបាក់ឌុបឆ្នាំនេះ ក្រសួងនឹងរៀបចំនៅថ្ងៃទី ០៦ វិច្ឆិកា និងប្រកាសលទ្ធផលប្រឡងនៅថ្ងៃទី ២៩ ខែវិច្ឆិកា ឆ្នាំ ២០២៣ ដោយគ្រោងនឹងចំណាយថវិកាប្រមាណ ២២,៣២១,៤៨៦,០០០ ឬ ជាង ២២ ពាន់លានរៀល ស្មើនឹងជាង ៥ លាន ៥ សែនដុល្លារ សម្រាប់រៀបចំដំណើរការប្រឡង ដោយផ្តោតលើការឧបត្ថម្ភគណៈកម្មការនានា ក្នុងកិច្ចដំណើរការប្រឡង មាន ៤ ដំណាក់កាល គឺការតាក់តែងប្រធានវិញ្ញាសា ពេលសំណេរ ពេលកំណែ និងបូកស្រង់ដោយកុំព្យូទ័រ។
សម្រាប់ឆ្នាំនេះមានបេក្ខជនចុះឈ្មោះចូលរួមប្រឡង សរុប ១៣៧ ៤១៣ នាក់ ស្រី ៧៣ ២៧៩ នាក់ កើនឡើងជាង ១ ម៉ឺននាក់ ក្នុងនោះ បេក្ខជនថ្នាក់វិទ្យាសាស្ត្រ ៤១ ៣៧៩ នាក់ ស្រី ២៤ ៧៨៩ នាក់ និងថ្នាក់វិទ្យាសាស្ត្រសង្គម ៩៦ ០៣៤ នាក់ ស្រី ៤៨ ៤៩០ នាក់ ចែកជា ២២៧ មណ្ឌល ក្នុងនោះមណ្ឌលថ្នាក់វិទ្យាសាស្ត្រ ៧២ និងមណ្ឌលថ្នាក់វិទ្យាសាស្ត្រសង្គម ១៥៥ ចែកជា ៥ ៥៤៣ បន្ទប់ ក្នុងនោះ ថ្នាក់វិទ្យាសាស្ត្រ ១ ៦៨២ បន្ទប់ និងវិទ្យាសាស្ត្រសង្គម ៣ ៨៦១ បន្ទប់។
យោងតាមរបាយការណ៍របស់គណៈកម្មាធិការជាតិគ្រប់គ្រងគ្រោះមហន្តរាយបានឲ្យដឹងថា ចាប់ពីថ្ងៃទី ១៦ កញ្ញា រហូតមកដល់ថ្ងៃទី ១៩ ខែតុលា ឆ្នាំ ២០២៣ នេះ មានខេត្តចំនួន ១២ បានរងគ្រោះដោយសារជំនន់ទឹកភ្លៀង ក្នុងនោះបណ្តាលឲ្យប៉ះពាល់សាលារៀន ១៧៦ សាលា ផងដែរ៕
អត្ថបទ ៖ សំអឿន
ភាគខាងជើង ថៃ ក៏កើតភ្លើងឆេះព្រៃខ្លាំង ឯនៅ បាងកក ក៏កំពុងរងទុក្ខដោយរញ្ជួយដី
រយៈពេល ១សប្តាហ៍ មានអ្នកអានសៀវភៅលើសួននៅក្រុងស្ទឹងត្រែង ១០០០នាក់
ប្រទេសអាស៊ីអាគ្នេយ៍មួយទៀត ជួបគ្រោះរញ្ជួយដី
រញ្ជួយដីនៅមីយ៉ាន់ម៉ា៖ មនុស្សស្លាប់កើនដល់ ១ ៦៤៤នាក់ និងរបួសជាង ៣ ៤០០នាក់
រកឃើញសញ្ញាមនុស្សមានជីវិត១៥នាក់ កប់ក្រោមអគារបាក់ ដោយរញ្ជួយដីនៅ បាងកក
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ភាគខាងជើង ថៃ ក៏កើតភ្លើងឆេះព្រៃខ្លាំង ឯនៅ បាងកក ក៏កំពុងរងទុក្ខដោយរញ្ជួយដី
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group គោរពវិញ្ញាណក្ខន្ធសពឯកឧត្តម ហ៊ុន សាន
-
ព័ត៌មានអន្ដរជាតិ២ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ