ព័ត៌មានជាតិ
បញ្ចប់នៅឆ្នាំ ២០២៣ កម្រងឯកសារសំលៀកបំពាក់ខ្មែរ ១០ សម័យកាល ចងក្រងជាសៀវភៅទុកដល់មនុស្សជំនាន់ក្រោយ
ពាក់ព័ន្ធទៅការចងក្រងឯកសារសំលៀកបំពាក់ខ្មែររបស់រាជបណ្ឌិត្យសភាកម្ពុជា គណៈកម្មការបានសម្រេចលើកយកការស្លៀកពាក់របស់ប្រជាជនខ្មែរពី ១០ សម័យកាលខុសគ្នា មកចងក្រងចេញជាសៀវភៅដើម្បីទុកដល់មនុស្សជំនាន់ក្រោយ។ ការឲ្យដឹងបែបនេះតាមរយៈការគូសបញ្ជាក់ពីលោកបណ្ឌិត ប៊ុត សាម៉េត គណៈកម្មការមួយរូបនៃកិច្ចការស្រាវជ្រាវរាជបណ្ឌិត្យសភា។
លោកបណ្ឌិត ប៊ុត សាម៉េត គណៈកម្មការមួយរួបក្នុងការងារចងក្រងឯកសារសំលៀកបំពាក់ខ្មែរនៃរាជបណ្ឌិត្យសភាកម្ពុជា បានឲ្យ «កម្ពុជាថ្មី» ដឹងថា ក្រុមការងារស្រាវជ្រាវនៃរាជ បណ្ឌិត្យសភាកម្ពុជា បានសិក្សាស្រាវជ្រាវលើគម្រោងការចងក្រងឯកសារសំលៀកបំពាក់ខ្មែរនេះមានរយៈពេល ២ឆ្នាំមកហើយ ដែលគ្រោងបញ្ចប់នៅឆ្នាំ ២០២៣ នេះ។
លោកបណ្ឌិត មានប្រសាសន៍ថា នៅក្នុងឯកសារសំលៀកបំពាក់ខ្មែរ ក្រុមការងារស្រាវជ្រាវ ដោយបានសិក្សាស្រាវជ្រាវ និងបានលើកយកម៉ូតសំលៀកបំពាក់ខ្មែរមានចំនួន ១០សម័យកាលផ្សេងគ្នា ដែលមាន ៧០៩ម៉ូតសំលៀកបំពាក់មកបង្ហាញ។
ជាក់ស្ដែង សម័យកាលទាំង ១០ដែលគណៈកម្មការស្រាវជ្រាវសម្រេចយកមកបង្ហាញមានដូចជា សម័យនគរភ្នំ បាន ១២ម៉ូត, សម័យចេនឡា បាន ៩ម៉ូត, សម័យអង្គរ បាន ២៨១ម៉ូត, សម័យចតុមុខ ១៨ម៉ូត, សម័យលង្វែក ១២ម៉ូត, សម័យឧត្តុង្គ ១១៩ម៉ូត, សម័យបារាំង ២២៣ម៉ូត, សម័យសង្គមរាស្ត្រនិយម ៩ម៉ូត, សម័យសាធារណៈរដ្ឋខ្មែរ ២០ម៉ូត និងចុងក្រោយគឺសម័យកម្ពុជាប្រជាធិបតេយ្យមាន ៦ម៉ូត។
លោកបណ្ឌិត ប៊ុត សុម៉េត បានគូសបញ្ជាក់បន្តថា «បើនិយាយពីម៉ូតសំលៀកបំពាក់ទាំង ១០សម័យកាល ក្រុមការងារស្រាវជ្រាវមកមានច្រើនលើសពី ៧០៩ម៉ូត ប៉ុន្តែក្រុមការងារបានសម្រេចជ្រើសរើសយកម៉ូតសំលៀកបំពាក់ណាដែលមានលក្ខណៈខុសប្លែកគ្នា ចំពោះម៉ូតដែលមានលក្ខណៈប្រហាក់ប្រហែលគ្នា ឬខុសគ្នាបន្តិចបន្តួចមិនត្រូវបានជ្រើសរើសយកទេ ដូច្នេះម៉ូតសម្រេចបានចំនួន ៧០៩ម៉ូត»។
ស្របពេលជាមួយនេះ លោកបណ្ឌិត ប៊ុត សាម៉េត បានបន្ថែមដែរថា មុនអាចសម្រេចបានការចងក្រងឯកសារសំលៀកបំពាក់ខ្មែរនេះដែរ ក្រុមការងារនៃកិច្ចការស្រាវជ្រាវ បានចុះសិក្សាស្រាវជ្រាវនៅគ្រប់បណ្ដាខេត្ត និងរាជធានី មានតាមប្រាសាទ សារមន្ទីរ វត្តអារាម ឯកសារចាស់ៗ ចាស់ទុំដែលមានការយល់ដឹងពីសំលៀកបំពាក់បុរាណ និងតាមតំបន់មួយចំនួនដែលនៅមានរក្សាសំលៀកបំពាក់បែបបុរាណនេះផងដែរ។
គណៈកម្មការកិច្ចការស្រាវជ្រាវសំលៀកបំពាក់ខ្មែរនៃរាជបណ្ឌិត្យសភារូបនេះ បានចង្អុលបង្ហាញបន្តថា សម្រាប់ការងារចងក្រងនេះ រាជបណ្ឌិត្យសភាកម្ពុជាមានគោលបំណងសំខាន់ៗមួយចំនួនដូចជាទី១ គឺ ប្រមូល និងចងក្រងនូវម៉ូតសំលៀកបំពាក់ខ្មែរតាមសម័យកាលនីមួយៗទុកជាឯកសារ ទី២. បង្កើតសារមន្ទីរជាតិសំលៀកបំពាក់ខ្មែរ ដើម្បីតាំងបង្ហាញស្នាដៃដល់ភ្ញៀវជាតិ និងអន្តជាតិ ទី៣. ថែរក្សានូវមរតក ស្នាដៃ ដ៏មានតម្លៃរបស់បុព្វបុរសខ្មែរ និងទី៤ ដើម្បីទុកជាឯកសារសម្រាប់ការសិក្សាស្រាវជ្រាវបន្ត។
លោក បណ្ឌិត ប៊ុត សុម៉េត គូសបញ្ជាក់ទៀតថា សៀវភៅសំលៀកបំពាក់ខ្មែរនៃរាជបណ្ឌិត្យសភាកម្ពុជា នឹងបញ្ចប់ការងារស្រាវជ្រាវនៅចុងឆ្នាំ២០២៣ នេះ ដែលមាន ២៧០៧ទំព័រ និងចែកចេញជា ២ភាគ៕
អត្ថបទ៖ ឌិត ថារី
តារាខ្មែរណាខ្លះ ដែលស្ថិតនៅប្រទេសថៃពេលកំពុងជួបគ្រោះរញ្ជួយដី?
ប្រទះឃើញសពអណ្តែតទឹក ទើរនៅគល់ស្ពានទន្លេមេគង្គក្រចេះ
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
កម្ពុជាមិនទាន់មានចម្លើយពីការចូល BRICS ទេ
ឌីជេ ក្តិប បំផុសអ្នកសិល្បៈជួយសង្រ្កាន្តតាមវិទ្យាល័យដោយពុំគិតប្រាក់កម្រៃ
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២៣ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៤ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ