Connect with us

ព័ត៌មានជាតិ

លោក​ ស សុខា ផ្ដល់អាហារូបករណ៍ ៤០០ កន្លែង ខណៈ​ខេត្ត​ចំនួន ៣ មានអាទិភាព​ខ្ពស់

បានផុស

នៅ

លោក ស សុខា រដ្ឋ​មន្ត្រី​ក្រសួង​មហាផ្ទៃ បាន​ប្រកាស​ផ្ដល់​អាហារូបករណ៍​ចំនួន ៤០០ កន្លែង សម្រាប់ថ្នាក់​បរិញ្ញាបត្រជាន់ខ្ពស់ និងថ្នាក់​បរិញ្ញាបត្ររង​នៅវិទ្យាស្ថាន​ខ្មែរ​ជំនាន់​ថ្មីនៅ​ក្នុង​ឆ្នាំ​សិក្សា​​២០២៣-២០២៤​។ ​ក្នុង​នោះមាន​ថ្នាក់​បរិញ្ញាបត្ររង-ថ្នាក់​បរិញ្ញាបត្រ ចំនួន ៣០០ កន្លែង និង​ថ្នាក់​បរិញ្ញាបត្រ​ជាន់ខ្ពស់ចំនួន ១០០ កន្លែង​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​អាហារូបករណ៍​ទាំង ៤០០​ កន្លែង​នឹង​ផ្តល់​សម្រាប់​​សិស្ស-និស្សិត​​ទូទាំង​ប្រទេស ប៉ុន្តែ​នឹង​ផ្តល់​អាទិភាព​​ពិសេស​​សម្រាប់​សិស្ស-និស្សិត​មក​ពីខេត្ត​ព្រៃវែង បាត់ដំបង និង​ខេត្ត​បន្ទាយមានជ័យ។

I.លក្ខខណ្ឌ​សម្រាប់​សិស្សនិស្សិត​​ដាក់​ពាក្យ​ស្នើសុំ

ផ្ដល់​ជូន​សិស្ស-និស្សិត​ទូទាំង​ប្រទេស និង​ពី​ខេត្ត​ព្រៃវែង បាត់ដំបង និង​ខេត្ត​បន្ទាយ​មានជ័យ (ទទួល​បាន​អាទិភាព) ក៏​ដូច​ជា​សិស្ស-និស្សិត​ធ្លាប់​បាន​ចូលរួម​សកម្មភាព​ការងារ​សង្គម ឬ មាន​ជីវភាព​ខ្វះ​ខាត (ទទួល​បាន​អាទិភាព) ត្រូវ​ភ្ជាប់​មក​ជា​មួយ​នូវ​លិខិត​បញ្ជាក់។ ត្រូវ​បំពេញ​ពាក្យ​ស្នើ​សុំ ប្រវត្តិ​រូប​សង្ខេប សលាកបត្រ​ឯកត្តជន និង​ត្រូវ​បំពេញ​កិច្ចសន្យា​ខិតខំ​រៀន​សូត្រ និង​គោរព​តាម​វិធាន​បទ​បញ្ជា​ផ្ទៃក្នុង​របស់​ក្រុម​ការងារ។

II. លក្ខខណ្ឌ​ជ្រើសរើស​កម្រិត​សិក្សា

សម្រាប់​ថ្នាក់​បរិញ្ញាបត្រ​ជាន់​​ខ្ពស់ ត្រូវ​មាន​សញ្ញាប័ត្រ​ថ្នាក់​បរិញ្ញាបត្រ។ ចំពោះ​ថ្នាក់​បរិញ្ញាបត្រ ត្រូវ​មាន​សញ្ញាប័ត្រ​មធ្យមសិក្សាទុតិយភូមិ ឬ​សញ្ញាប័ត្រ​ដែល​មាន​តម្លៃ​សម​មូល និង​ថ្នាក់​បរិញ្ញាបត្រ​រង ត្រូវ​មាន​សញ្ញាប័ត្រ​មធ្យម​សិក្សា​ទុតិយភូមិ ឬ​ប្រឡង​ធ្លាប់​មធ្យម​សិក្សា​ទុតិយភូមិ។

III. ជំនាញ​សិក្សា​

. ថ្នាក់​បរិញ្ញាបត្រ​​ជាន់ខ្ពស់ មាន​ជំនាញ​ វិទ្យាសាស្ត្រ​អប់រំ និង​រដ្ឋបាល​សាធារណៈ។

២.ថ្នាក់​បរិញ្ញាបត្រ​រង-ថ្នាក់​បរិញ្ញាបត្រ មាន​ជំនាញ​ គណនេយ្យ, ធនាគារ និង​ហិរញ្ញវត្ថុ, សេដ្ឋកិច្ច, ទីផ្សារ, គ្រប់គ្រង​, អក្សរសាស្ត្រ​អង់គ្លេស, វិទ្យាសាស្ត្រ​កុំព្យូទ័រ, នីតិសាស្ត្រ និង​រដ្ឋបាល​សាធារណៈ។

IV. ការ​ដាក់​ពាក្យ​ស្នើ​សុំ

សិស្ស-និស្សិត អាច​ដាក់​ពាក្យ​ស្នើ​សុំ​អាហារូបករណ៍​​នៅ​ទីស្នាក់ការ​អាហារូបករណ៍​របស់​លោក​ ស សុខា និង​តាម​រយៈ Google Form។​ ការ​ទទួល​ពាក្យ​អាហារូបករណ៍​ចាប់​​ពីថ្ងៃ​ផ្សាយ​ដំណឹង​នេះរហូត​ដល់​​ថ្ងៃ​ទី​១៥ ខែ​មករា ឆ្នាំ​២០២៤ សម្រាប់​ការ​ចូល​រៀន​លើក​ទី​១ និង​បន្ត​ទទួល​ដល់​ថ្ងៃ​ទី​១៦ ខែ​មីនា ឆ្នាំ​២០២៤៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៣ ម៉ោង មុន

សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា

ព័ត៌មានជាតិ២១ ម៉ោង មុន

ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន

ព័ត៌មានអន្ដរជាតិ៣ ម៉ោង មុន

ភាគខាងជើង ថៃ ក៏កើតភ្លើងឆេះព្រៃខ្លាំង ឯនៅ បាងកក ក៏កំពុងរងទុក្ខដោយរញ្ជួយដី

ព័ត៌មានជាតិ២២ ម៉ោង មុន

ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ

ព័ត៌មានជាតិ២៣ ម៉ោង មុន

អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group គោរពវិញ្ញាណក្ខន្ធសពឯកឧត្តម ហ៊ុន សាន

Sokha Hotels

ព័ត៌មានពេញនិយម