ព័ត៌មានជាតិ
អភិបាលខេត្តកែប ស្នើអាជ្ញាធរខេត្តកំពត ជួយសម្រួលរបាំងលើដងផ្លូវលេខ ១៣៣៥ ចេញ មុនថ្ងៃបុណ្យសមុទ្រចូលមកដល់
លោក សោម ពិសិដ្ឋ អភិបាលខេត្តកែប បានស្នើអាជ្ញាធរខេត្តកំពត ជួយសម្រួលរបាំងលើដងផ្លូវលេខ ១៣,៣៥ ចេញ មុនថ្ងៃបុណ្យសមុទ្រចូលមកដល់។
ការស្នើនេះ ខណៈ លោក សោម ពិសិដ្ឋ អភិបាលខេត្តកែប អញ្ជើញចូលរួមក្នុងកិច្ចប្រជុំរបស់គណៈកម្មការអន្តរក្រសួងរៀបចំពិធីបុណ្យសមុទ្រលើកទី ១០ ជុំទី ៣ ឆ្នាំ ២០២៣ នៅសាលាខេត្តកែប កាលពីថ្មីៗ នេះ។
ជាមួយគ្នានេះ លោក នៃ គង់ អភិបាលរងខេត្តកំពត បានបញ្ជាក់ដែរថា នឹងយកបញ្ហាមួយនេះដាក់ជូនទៅថ្នាក់ដឹកនាំខេត្តកំពត ដើម្បីពិនិត្យមើល និងដោះស្រាយ។
ដោយឡែក លោក សុខ សូកេន រដ្ឋមន្ត្រីក្រសួងទេសចរណ៍ ក៏បានស្នើភាគីពាក់ព័ន្ធទាំងអស់ ត្រូវសហការគ្នាស្វែងរកដំណោះស្រាយសមស្រប ដើម្បីអាចឲ្យពិធីបុណ្យសមុទ្រលើកទី ១០ ជុំទី ៣ ដែលនឹងប្រារព្ធនៅលើទឹកដីខេត្តកែប នាថ្ងៃទី ០១ ដល់ទី ០៣ ខែធ្នូ ឆ្នាំ ២០២៣ ខាងមុខ ប្រព្រឹត្តិទៅដោយភាពសប្បាយរីករាយ និងជោគជ័យខ្ពស់។
គួរជម្រាបថា ផ្លូវលេខ ១៣៣៥ ដែលភ្ជាប់គ្នារវាងផ្លូវជាតិលេខ ៣ ស្រុកឈូក ខេត្តកំពត និងផ្លូវជាតិលេខ ៣៣ ស្រុកដំណាក់ចង្អើរ ខេត្តកែប តាមរយៈតំបន់ភ្នំវល្លិ៍ ទើបតែស្ថាបនារួចរាល់។ ក្នុងនោះ នៅកំណាត់ផ្លូវត្រង់ព្រំប្រទល់ នៃខេត្តកំពត ចូលមកខេត្តកែប មានដាក់របាំងលូធំៗ រឹងមាំ ជាមួយរបារផងនោះ ស្ទើរតែរថយន្តមិនអាចបើកបរឆ្លងកាត់បាន ហេតុនេះដើម្បីសម្រួលដល់ការធ្វើដំណើរ ជាពិសេសប្រជាពលរដ្ឋ និងក្រុមប្រតិភូថ្នាក់ជាតិដែលមកបុណ្យសមុទ្រនាពេលខាងមុខនេះ អភិបាលខេត្តកែប បានសំណូមពរដល់រដ្ឋបាលខេត្តកំពត យករបាំងនោះចេញជាបណ្ដោះអាសន្នមុនពិធីបុណ្យសមុទ្រចូលមកដល់។
ក្រៅពីបញ្ហារបាំងផ្លូវនៅបណ្ដោយផ្លូវ ១៣៣៥ នេះ លោក សោម ពិសិដ្ឋ ក៏បានសំណូមពរដល់ក្រសួងសាធារណការ និងដឹកជញ្ជូន ជួយសម្រួលផ្លូវជាតិលេខ ៣៣ ដែលកំពុងកែលំអនេះ ធ្វើយ៉ាងណាត្រួសត្រាយឲ្យបានស្អាត ដើម្បីផ្តល់ភាពងាយស្រួលក្នុងការធ្វើដំណើរ ដោយសារបច្ចុប្បន្នផ្លូវមួយខ្សែឆ្លងកាត់ខេត្តកែប និងកំពតនេះ មានសភាពហុយ និងជង្ហុកច្រើនកន្លែង៕
អត្ថបទ ៖ សឹង រ៉ាត់
ព្រះរាជដំណាក់ស្តេច ជាកន្លែងកត់ត្រា ទុកជាប្រវត្តិសាស្ត្ររបស់យុវជនជំនាន់ក្រោយ
បណ្ឌិត គិន ភា៖ ៤០ឆ្នាំមកនេះ សម្តេចតេជោ ហ៊ុន សែន បានកសាងសមិទ្ធផលធំៗចំនួន៩ជូនប្រជាជាតិកម្ពុជា
ជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
អភិបាលក្រុងខេមរភូមិន្ទ ជំរុញដល់ពលរដ្ឋយកចិត្តទុកដាក់ថែរក្សាសុខភាព ខណៈអាកាសធាតុចុះត្រជាក់
នាវាដឹកប្រេង៧គ្រឿងចាកចេញពីសិង្ហបុរី ក្រោយអាមេរិកដាក់ទណ្ឌកម្មនាវាដឹកប្រេងរុស្ស៊ី
ជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
ភូមិគ្រឹះនៅ LA តម្លៃជិត ៩លានដុល្លារ ឈរយ៉ាងរឹងមាំ ទោះជាភ្លើងឆេះជុំវិញសល់តែផេះក្ដី
រលកខ្យល់ល្បឿនជាង១០០គ.ម/ម៉ោង នឹងធ្វើឲ្យ LA កើតភ្លើងឆេះព្រៃ កាន់តែសាហាវៗថែមទៀត
អ្នករករ៉ែ១០០នាក់ជាប់គាំងក្នុងអណ្តូងរ៉ែស្លាប់ដោយសារការអត់អាហារជាច្រើនខែ
កម្ពុជា បន្តចុះត្រជាក់ ១៨°C ដល់ថ្ងៃទី១៦មករា
-
ព័ត៌មានជាតិ៥ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍១ ថ្ងៃ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ចរាចរណ៍៤ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ព័ត៌មានជាតិ៦ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ជីវិតកម្សាន្ដ៣ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ព័ត៌មានជាតិ៤ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៦ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
-
ព័ត៌មានជាតិ៣ ថ្ងៃ agoស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ