ព័ត៌មានជាតិ

អាជ្ញាធរ ដាក់កម្លាំងលាងសំអាតទាំងកណ្តាលយប់ បន្ទាប់ពីមានប្រេងរំអិលកំពប់លើស្ពាន

បានផុស

៤ years មុន

នៅ

ថ្ងៃអង្គារ ៣ វិច្ឆិកា ២០២០

ដោយ

អាជ្ញាធរខណ្ឌច្បារអំពៅ រាជធានីភ្នំពេញ បានដាក់កម្លាំងលាងស្ពានព្រះមុនីវង្សថ្មីទាំងកណ្តាលយប់ខណៈមានប្រេងរំអិលកំពប់លើស្ពាន បង្កឲ្យមានអ្នកដំណើររអិលដួល និងរបួស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពពី លោក ហ៊ត គឹមនី អភិបាលរងខណ្ឌច្បារអំពៅ បានឲ្យដឹងថា កាលពីយប់រំលងអធ្រាត្រ ឈានចូលថ្ងៃទី៣វិច្ឆិកានេះ មានប្រេងកំពប់លើទ្រូងស្ពានព្រះមុនីវង្សថ្មី ស្ថិតក្នុងសង្កាត់ច្បារអំពៅទី១ ដែលបង្កឲ្យអ្នកបើកបរម៉ូតូដួលត្រឡប់ត្រឡិន និងរងរបួសទៀតផង។

បន្ទាប់ពីមានហេតុការណ៍នេះកើតឡើង លោក ចេង មុនីរ៉ា អភិបាលខណ្ឌច្បារអំពៅ បានប្រមូលកម្លាំង ដោយមានរថយន្តលាងផ្លូវ រថយន្តបាញ់ទឹក ចុះទៅលាងសំអាតជាបន្ទាន់ ព្រមទាំងដាក់កម្លាំងសម្រួលចរាចរណ៍ បញ្ចៀសពីកន្លែងប្រេងកំពប់ ដើម្បីការពារកុំឲ្យរងគ្រោះដល់អ្នកធ្វើដំណើរ។

លោកអភិបាលរង បញ្ជាក់ថា ការដាក់កម្លាំងលាងសំអាតទ្រូងស្ពាន រហូតដល់ម៉ោង៧ ព្រឹកថ្ងៃទី៣ខែវិច្ឆិកានេះ ទើបលាងជម្រះស្អាតដូចដើមវិញ។

ចំពោះសកម្មភាពលាងសំអាតស្ពានទាំងកណ្តាលយប់នេះ ធ្វើឲ្យអ្នកដំណើរ បានសម្តែងការអរគុណដល់អាជ្ញាធរខណ្ឌច្បារអំពៅ ដែលចុះលាងសំអាតទាន់ពេល កុំអីមិនដឹងជាមានអ្នកជួបគ្រោះថ្នាក់ប៉ុន្មានទៀតទេ៕