ព័ត៌មានជាតិ
ម្ចាស់កសិដ្ឋានមួយបង្ហើបតិចនិកចិញ្ចឹមជ្រូក ២ របៀបតាមបែបធម្មជាតិ មិនមានក្លិនស្អុយ
លោក ប៊ុន ចាន់វីរៈ ម្ចាស់កសិដ្ឋានចិញ្ចឹមចៀម គៀតហ្វាម (KEAT FARM) បានបង្ហើបពីរបៀបចិញ្ចឹមជ្រូកតាមបែបធម្មជាតិ ២ បែបខុសគ្នា ហើយទទួលបានសាច់ជ្រូកល្អ ស្របតាមធម្មជាតិ និងមិនមានផលរំខានដោយក្លិនលាមក។
ម្ចាស់កសិដ្ឋានចិញ្ចឹមចៀម គៀតហ្វាម លោក ប៊ុន ចាន់វីរៈ បានឲ្យ «កម្ពុជាថ្មី» ដឹងថា នៅក្នុងកសិដ្ឋានរបស់លោក ក្រៅពីចិញ្ចឹមចៀម ក៏មានចិញ្ចឹមជ្រូក ពពែ ទន្សាយ និងគោទឹកដោះ បន្ថែមទៀតផងដែរ។
ដោយឡែកទាក់ទងការចិញ្ចឹមជ្រូក លោកបានបង្ហាញពីបច្ចេកទេសចិញ្ចឹម ២ របៀប ដែលធ្វើឲ្យជ្រូកមានសាច់ល្អតាមធម្មជាតិ និងមិនមានផលរំខានដោយក្លិនលាមក។
លោកថា ទី១ ការចិញ្ចឹមនៅក្នុងទ្រុង តាមបែបអតិសុខុមប្រាណ ដោយមិនចាំបាច់សំអាតលាមក និងមិនមានក្លិនស្អុយ ទី២ ការចិញ្ចឹមជ្រូកនៅលើវាលស្មៅ ដែលស្រដៀងគ្នាទៅនឹងជ្រូកព្រៃដែរ ព្រោះត្រូវការទីតាំងធំនិងការប្រើសំណាញ់ឆក់ ដើម្បីកុំឲ្យជ្រូកចេញក្រៅផុតពីរង្វង់ដីដែលបានព័ទ្ធសំណាញ់ និងត្រូវផ្លាស់ប្ដូរកន្លែងជារៀងរាល់ ២-៥ ថ្ងៃម្តង។
លោក ចាន់វីរៈ លើកឡើងបន្តថា ការចិញ្ចឹមជ្រូកតាមរបៀបទី១ ដែលស្ថិតនៅខាងក្នុងទ្រុងជាការចិញ្ចឹមល្អ ព្រោះលាមកមិនមានក្លិនភាយមកខាងក្រៅ ហើយការចិញ្ចឹមនៅលើវាលស្មៅ អាចមានក្លិនភាយត្រឹម ២-៣ ថ្ងៃ នោះលាមកនឹងក្លាយទៅជាជីវិញបន្ទាប់ពីផ្លាស់ប្ដូរទៅកន្លែងថ្មី។
លោកបានគូសបញ្ជាក់ថា «ការចិញ្ចឹមជ្រូកតាមបែបអតិសុខុមប្រាណ ដោយសារខ្ញុំបានមើលឃើញថា ប្រជាពលរដ្ឋនៅក្នុងសហគមន៍ ភាគច្រើនចិញ្ចឹមជ្រូកនៅក្នុងផ្ទះ ក្នុងភូមិ ណាមួយគាត់ក៏មិនមានដីធំចិញ្ចឹមនៅលើស្មៅដែរ ដូច្នេះខ្ញុំគិតថាប្រសិនអ្នកភូមិជ្រើសរើសការចិញ្ចឹមតាមបែបអតិសុខុមប្រាណ គឺល្អខ្លាំង »។
លោក ចាន់វីរៈ បានសិក្សាស្រាវជ្រាវការធ្វើជីតាមបែបធម្មជាតិនិងអតិសុខុមប្រាណនេះអស់រយៈពេលជាង ២ឆ្នាំមកហើយ ដោយយកជីធម្មជាតិមកលាយជាមួយធាតុផ្សំផ្សេងទៀតប្រមាណជា ១០ មុខ និងលាយអតិសុខុមប្រាណធ្វើឲ្យលាមកជ្រូកមិនមានក្លិន និងប្លែងទៅជាជីកំប៉ុសដោយខ្លួនឯង។
ម្ចាស់កសិដ្ឋានរូបនេះបានបញ្ជាក់បន្ថែមថា ការរៀបចំទ្រុងបែបអតិសុខុមប្រាណនេះមានកម្ពស់ ១ ម៉ែត្រ ដែលមានដាក់ស្លឹកឈើ គល់ឈើ អាចម៌រណា អំបិល ធ្យូង និងអតិសុខុមប្រាណ ដែលធ្វើម្តងអាចប្រើប្រាស់បានរយៈពេលដល់ជាង ១០ឆ្នាំ ហើយលាមកជ្រូកនឹងបំប្លែងទៅជាជីកំប៉ុសដោយខ្លួនឯង មិនមានក្លិនស្អុយឡើយ។
ទៀតសោត ការអនុវត្តវិធីចិញ្ចឹមជ្រូកតាមរបៀបអតិសុខុមប្រាណ នេះអាចឲ្យកសិករទទួលបានផលប្រយោជន៍ជាច្រើនដូចជា បាតទ្រុងធ្វើម្តងប្រើបាន ១០ឆ្នាំ មិនជីកស្រះ ប្រើដីតូច មិនមានក្លិនស្អុយ លាមកជ្រូកអាចលក់ធ្វើជី ប្រព័ន្ធការពារជ្រូកខ្លាំង មិនប្រើថ្នាំ មិនសូវមានបញ្ហាក្នុងការចិញ្ចឹម គុណភាពសាច់ខ្ពស់ ឆ្ងាញ់ខុសពីគេ មិនមានក្លិន មិនសូវមានខ្លាញ់។ មួយវិញទៀត ពេលលាយចំណីធម្មជាតិម្តង ប្រើបាន ១ខែ ចំណាយតិចងាយស្រួលប្រកួតប្រជែងទីផ្សារ លក់បានថ្លៃ ចំណាយពលកម្មតិច មិនប្រើទឹកបាញ់ទ្រុង ឬបាញ់ជ្រូក និងមិនមានសម្លេងរំខានជាដើម។
លោក ប៊ុន ចាន់វីរៈ បានបន្តទៀតថា បច្ចុប្បន្ននេះកសិដ្ឋានរបស់លោកមានចិញ្ចឹមជ្រូកសាច់ ៥០០ ក្បាល ដែលមានសមត្ថភាពអាចផ្គត់ផ្គង់នៅលើទីផ្សារ សាច់ជ្រូក ១២០ក្បាលក្នុង ១ខែ ហើយលោកក៏មានគម្រោងនឹងពង្រីកការផ្គត់ផ្គង់សាច់ ៣០០ ក្បាលក្នុង ១ខែ រៀបចំបង្កើតកសិទេសចរណ៍ និងកែច្នៃផលិតផលជាច្រើនមុខទៀត។
បើតាមម្ចាស់កសិដ្ឋានរូបនេះក៏បានបង្រៀនសិស្សប្រមាណជា ៣០០នាក់ រួចហើយ ពីរបៀបនៃការចិញ្ចឹមជ្រូកបែបអតិសុខុមប្រាណ ដើម្បីឲ្យប្រជាកសិករអាចចិញ្ចឹមបានតាមធម្មជាតិ ព្រោះនៅក្នុងភូមិស្រុក អ្នកចិញ្ចឹមជ្រូកគឺមានក្លិនស្អុយខ្លាំង និងបង្កផលប៉ះពាល់ដល់អ្នកជិតខាង។
គួរជម្រាបថា កសិដ្ឋានចិញ្ចឹមចៀម គៀតហ្វាម(KEAT FARM) របស់លោក ប៊ុន ចាន់វីរៈ មានទីតាំងស្ថិតនៅភូមិខ្វិតទួលឃ្លាំង ឃុំក្បាលទឹក ស្រុកទឹកផុស ខេត្តកំពង់ឆ្នាំង។ ក្នុងកសិដ្ឋានរបស់លោក ក៏មានចិញ្ចឹមសត្វចៀម ១ ពាន់ក្បាល ក្នុងនោះមានជ្រូកសាច់ ៥០០ ក្បាល ទន្សាយ ១០០ក្បាល ពពែទឹកដោះ ៣០ ក្បាល គោទឹកដោះ ២០ក្បាល ព្រមទាំងដូងក្រអូប ៥ ហិកតា ដំណាំផ្លែឈើចម្រុះជាង ២០០ មុខ ចំនួន ៥ ហិកតា៕
អត្ថបទ៖ ឌិន ថារី
រូបភាព៖ គៀតហ្វាម(KEAT FARM)
កសិករនៅស្រុកបារ៉ាយណ៍ បង្ហាញក្ដីសប្បាយរីករាយ ក្រោយអ្នកឧកញ៉ា ឡេង ណាវ៉ាត្រា បន្តក្នុងបុព្វហេតុរួមគ្នាជួយកសិករយើង រួមគ្នាជួយជាតិ និងប្រជាជនយើង
មនុស្ស៣នាក់បានស្លាប់ និង២នាក់ទៀតកំពុងជួយសង្គ្រោះ សង្ស័យករណីពុលស្រា ស
ប្រធានសហគមន៍ដែនជម្រកសត្វព្រៃសង្ឃរុក្ខាវន្ត អំពាវនាវប្រជាពលរដ្ឋ ឱ្យបញ្ឈប់លបលួចបរបាញ់ និងដាក់អន្ទាក់សត្វព្រៃ ក្នុងតំបន់អភិរក្ស
សង្គមស៊ីវិល សហជីព និងពលរដ្ឋចាត់ទុកកម្មវិធី«ផ្តល់ដី ការពារព្រៃ» គឺជាយន្តការដោះស្រាយបញ្ហាដីធ្លីជូនគ្រួសារក្រីក្រយ៉ាងពិតប្រាកដ
ផ្លូវថ្មើរជើង(Walk street) ចាប់ពីមុខប្រៃសណីយ៍ដល់ ព្រះបរមរាជវាំងនឹងដំណើរការ នៅថ្ងៃទី០១កុម្ភៈ
Breaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
ផ្លូវថ្មើរជើង(Walk street) ចាប់ពីមុខប្រៃសណីយ៍ដល់ ព្រះបរមរាជវាំងនឹងដំណើរការ នៅថ្ងៃទី០១កុម្ភៈ
Selena ត្រូវគេគំរាមឲ្យចេញពីអាមេរិក ខណៈ Justin បែរបង្ហោះរូបសើចហាក់ឌឺដង
ត្រឹម ២៥ ម៉ោង “ថីអ្ហែងថី” របស់លោក G-Devith មានអ្នកទស្សនា ១០ លានដង បំបែកកំណត់ត្រាដើមឆ្នាំ ២០២៥
បុរសម្នាក់ ដុតផាវលេងមិនប្រយ័ត្ន ផ្ទុះបែកប្រអប់ដៃម្ខាង នៅខេត្តមណ្ឌលគិរី
-
ចរាចរណ៍៥ ថ្ងៃ agoពលរដ្ឋអ្នកធ្វើដំណើរ គាំទ្រចំពោះការដាក់រនាំងដែកពុះចែកទ្រូងផ្លូវ នៅផ្លូវ ៦០ ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍
-
ព័ត៌មានអន្ដរជាតិ៥ ថ្ងៃ agoអាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ជីវិតកម្សាន្ដ៣ ថ្ងៃ agoនាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
ព័ត៌មានអន្ដរជាតិ២២ ម៉ោង agoBreaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ព័ត៌មានជាតិ២ ថ្ងៃ agoក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»
-
ព័ត៌មានអន្ដរជាតិ២ ថ្ងៃ agoអគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
-
ព័ត៌មានជាតិ៣ ថ្ងៃ agoក្រសួងធម្មការកំពុងពិនិត្យវិធានការលើបុគ្គលដែលថាព្រះសង្ឃជាបន្ទុកពលរដ្ឋ និងមើលងាយព្រះត្រៃបិដក
-
ព័ត៌មានអន្ដរជាតិ៧ ថ្ងៃ agoអ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង