ព័ត៌មានជាតិ

ខំទុកចិត្តឲ្យទារលុយគេ២០០០ដុល្លារ តែបែរជាចង់ស៊ីដាច់ ត្រូវសមត្ថកិច្ចឃាត់ខ្លួន

បានផុស

៤ years មុន

នៅ

ថ្ងៃសៅរ៍ ៦ កុម្ភៈ ២០២១

ដោយ

បុរសម្នាក់ ត្រូវបានម្ចាស់ផ្ទះជួលប្ដឹងប៉ូលិសឲ្យឃាត់ខ្លួនបន្ទាប់ពីបុរសរូបនោះ ត្រូវបានម្ចាស់ពឹងឲ្យជួយដើរប្រមូលលុយតាមបន្ទប់ជួលបានលុយចំនួន ២០០០ដុល្លារហើយប្រុងស៊ីដាច់មិនព្រមប្រគល់ឲ្យម្ចាស់ផ្ទះគេវិញ។

មន្ត្រីប៉ុស្តិ៍នគរបាលរដ្ឋបាលផ្សារថ្មីទី៣ បានឲ្យដឹងថា ករណីរំលោភលើទំនុកចិត្ត(ប្រមូលលុយផ្ទះជួលចំនួន ២០០០ដុល្លារអាមេរិក មិនប្រគល់ឲ្យទៅម្ចាស់ផ្ទះវិញ)។ នៅថ្ងៃទី០៥ ខែកុម្ភៈ ឆ្នាំ២០២១ វេលាម៉ោង១៣និង១៥នាទី មានករណីរំលោភលើទំនុកចិត្ត ប្រមូលលុយថ្លៃឈ្នួលផ្ទះបានចំនួន ២០០០ដុល្លារអាមេរិក ហើយមិនព្រមប្រគល់ឲ្យម្ចាស់ផ្ទះវិញ នៅចំណុចមុខផ្ទះលេខ ១២២អឺ០ ផ្លូវ៥៣ ភូមិ០៥ សង្កាត់ផ្សារថ្មីទី៣ ខណ្ឌដូនពេញរាជធានីភ្នំពេញ ។

អត្តសញ្ញាណជនសង្ស័យ០១ម្នាក់ ឈ្មោះ គាង រ៉ូឡង់ ភេទប្រុស អាយុ៣៤ឆ្នាំ ជនជាតិខ្មែរ មុខរបរ បើកបររថយន្ត ស្នាក់នៅផ្ទះលេខ១២២អឺ០ ផ្លូវ៥៣ ភូមិ០៥ សង្កាត់ផ្សារថ្មីទី៣ ខណ្ឌដូនពេញ រាជធានីភ្នំពេញ។ ជនរងគ្រោះឈ្មោះ ចាន់ ធឿន ភេទស្រី អាយុ៦៦ឆ្នាំ ជនជាតិខ្មែរ មានទីលំនៅផ្ទះលេខ១២២អឺ០ផ្លូវ៥៣ ភូមិ០៥ សង្កាត់ផ្សារថ្មីទី៣ ខណ្ឌដូនពេញ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដំណើររឿងហេតុនៅមុនពេលកើតហេតុថ្ងៃទី០៥ ខែកុម្ភៈ ឆ្នាំ២០២១ វេលាម៉ោង ០៩:០០ នាទី ជនរងគ្រោះបានឲ្យជនសង្ស័យ ឈ្មោះ គាង រ៉ូឡង់ ភេទប្រុស អាយុ៣៤ឆ្នាំ ដើរប្រមូលលុយថ្លៃជួលផ្ទះរបស់ខ្លួនចំនួន ០៣ កន្លែង សរុបទឹកប្រាក់ចំនួន ២០០០ដុល្លារអាមេរិក លុះដល់ម៉ោង ១៣និង១៥ នាទី ជនរងគ្រោះក៏បានទារលុយ ដែលប្រមូលបានថ្លៃឈ្នួលផ្ទះ តែជនសង្ស័យមិនព្រមប្រគល់ឲ្យជនរងគ្រោះទេ ទើបជនរងគ្រោះមកដាក់ពាក្យបណ្តឹងនៅស្នាក់ការប៉ុស្តិ៍នគរបាលរដ្ឋបាលផ្សារថ្មីទី៣ ដើម្បីចាត់ការតាមនីតិវិធីច្បាប់ហើយក៏ដល់ការឃាត់ខ្លួនជនសង្ស័យតែម្តង៕

អត្ថបទ៖ រស្មី

សូមចុចអាន៖

Related Topics:ករណីឆបោក