ព័ត៌មានជាតិ
ប្រឡងបាក់ឌុបឆ្នាំនេះយកគោលការណ៍ធំ ៤ ធានាយុត្តិធម៌ បេក្ខជនអស់ចិត្តទទួលយកលទ្ធផល
ដំណើរការប្រឡងសញ្ញាប័ត្រមធ្យមសិក្សាទុតិយភូមិសម័យប្រឡងថ្ងៃ ០៦ វិច្ឆិកា ២០២៣ នឹងត្រូវប្រព្រឹត្តិទៅតាមគោលការណ៍សំខាន់ចំនួន ៤។ នេះបើតាមការគូសបញ្ជាក់ពីលោក ហង់ជួន ណារ៉ុន រដ្ឋមន្រ្តីក្រសួងអប់រំ យុវជន និងកីឡានាសន្និសីទនៅរសៀលនេះ។
គោលការណ៍ទាំង ៤ ដែលលោករដ្ឋមន្រ្តីបានលើកឡើងនោះគឺគោលការណ៍ច្បាប់ យុត្តិធម៌ តម្លាភាព និងលទ្ធផលទទួលយកបាន។
លោក ហង់ជួន ណារ៉ុន បាអះអាងថា ការដាក់ចេញគោលការណ៍ទាំង ៤ ដើម្បីធានាសុក្រិត្យភាពនៃការប្រឡងពោលគឺ «អ្នកចេះជាប់»។ លោករដ្ឋមន្រ្តីលើកទឹកចិត្តដល់បេក្ខជនទាំងអស់ត្រូវមានជំនឿជឿជាក់លើសមត្ថភាពខ្លួនឯង ដែលបានពីការប្រឹងប្រែងរៀនសូត្ររយៈពេល ១២ ឆ្នាំកន្លងមកនេះ។
លោករដ្ឋមន្រ្តីក៏ក្រើនរំលឹកដល់បេក្ខជនប្រឡង ត្រូវគោរពបទបញ្ញត្តិនៃការប្រឡងឲ្យបានល្អប្រសើរដោយមិនត្រូវលាក់ទុកឧបករណ៍អេឡិចត្រូនិកគ្រប់ប្រភេទ ឬសំណៅឯកសារផ្សេងៗចូលមណ្ឌលប្រឡងឬបន្ទប់ប្រឡងដាច់ខាត។ លោករដ្ឋមន្ត្រីព្រមាននឹងមិនលើកលែង ដោយលើកឡើងឧទាហរណ៍ស្រាប់កន្លងទៅមានការប្រកាសដាក់ឲ្យបេក្ខជនមួយចំនួនធ្លាក់ដោយស្វ័យប្រវត្តិដោយសារល្មើសមិនគោរពតាមគោលការណ៍នៃការប្រឡង។
ទាក់ទងវិញ្ញាសាប្រឡងនៅឆ្នាំនេះ លោក ហង់ជួន ណារ៉ុន បានបញ្ជាក់ថារៀបចំសមស្របតាមកម្មវិធីសិក្សា។ បើតាមលោករដ្ឋមន្រ្តី ដូចបណ្តាឆ្នាំមុនៗការប្រឡងមានចំនួន ៧ មុខវិជ្ជា។ ក្នុងនោះមានវិញ្ញាសារជម្រើសដែលក្រសួងកំណត់យកមានមុខវិជ្ជាប្រវត្តិវិទ្យាសម្រាប់ថ្នាក់វិទ្យាសាស្រ្ត និងមុខវិជ្ជាផែនដីវិទ្យានិងបរិស្ថានវិទ្យាសម្រាប់ថ្នាក់វិទ្យាសាស្រ្តសង្គម។
ចំណែកប្រធានវិញ្ញាសាប្រឡងមានពីរប្រភេទគឺប្រធានវិញ្ញាសាចម្លងតាមក្តារខៀន និងប្រធានវិញ្ញាសាចែកជូនដល់បេក្ខជន។
ការប្រឡងសញ្ញាបត្រទុតិយភូមិសម័យប្រឡងនៅថ្ងៃ ០៦ វិច្ឆិកា ២០២៣ មានបេក្ខជនចុះឈ្មោះប្រឡងសរុបចំនួន ១៣៧ ៤១២ នាក់ ក្នុងនោះបេក្ខជនថ្នាក់វិទ្យាសាស្ត្រមានចំនួន ៤១ ៣៧៩ នាក់ និងថ្នាក់វិទ្យាសាស្ត្រសង្គមមានចំនួន ៩៦ ០៣៣ នាក់។
មណ្ឌលសម្រាប់រៀបចំការប្រឡងមានចំនួន ២២៧ មណ្ឌល ក្នុងនោះថ្នាក់វិទ្យាសាស្ត្រមាន ៧២ មណ្ឌល និងថ្នាក់វិទ្យាសាស្រ្តសង្គមមានចំនួន ១៥៥ មណ្ឌល៕
ជប៉ុន ក្លាយជាគូប្រជែងសម្រាប់ថៃ លើទិសដៅទេសចរណ៍កំពូលប្រចាំអាស៊ី
ក្រុមហ៊ុនអាកាសចរណ៍អាមេរិក ប្រទះឃើញសាកសពក្នុងកន្លែងដាក់កង់យន្តហោះដ៏កម្របំផុត
រដ្ឋមន្ត្រីដាក់ចេញទិសដៅសំខាន់ៗដើម្បីលើកកម្ពស់វិស័យសុខាភិបាលឲ្យកាន់តែប្រសើរ
ខ្សែប្រយុទ្ធចូលសញ្ជាតិវៀតណាមថ្មី Rafaelson លេង២ប្រកួត ស៊ុតបាន៣គ្រាប់
ខេត្តរតនគិរី៖ ដំឡូងមីធ្លាក់ថ្លៃ អ្នកដាំស្នើអ្នកទិញកុំទម្លាក់តម្លៃខ្លាំងពេក តែអ្នកទិញថា តម្លៃទិញ វាអាស្រ័យលើតម្លៃលក់ចេញ
ស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់
ឆេះផ្ទះលក់ទូរស័ព្ទដៃ២ទីតាំងទាំងស្រុង ផ្អើលពលរដ្ឋជិតវត្តសន្សំកុសល
អាមេរិក រកឃើញ ថ្នាំបន្តក់ភ្នែកមួយប្រភេទ មានមេរោគផ្សិត អាចបណ្តាលឲ្យខ្វាក់ ឬស្លាប់
រុស្ស៊ី បាញ់ទម្លាក់ F-16 ដែលលោកខាងលិច ជួយដល់អ៊ុយក្រែន
ខ្មាន់កាំភ្លើងបាញ់ប្រហារជាច្រើនគ្រាប់លើជនបរទេសម្នាក់ស្លាប់ពេលបញ្ជូនដល់មន្ទីរពេទ្យ
-
ជីវិតកម្សាន្ដ១ សប្តាហ៍ agoលោក សុះ ម៉ាច ស្នើឱ្យបញ្ឈប់ការយកស្នាដៃចម្រៀងមរតកដើម មកកែទំនុក បម្រើប្រយោជន៍បុគ្គល
-
ព័ត៌មានជាតិ៧ ថ្ងៃ agoUN អនុម័តសម្រាប់ការចាកចេញរបស់កម្ពុជាពីក្រុមប្រទេសអភិវឌ្ឍន៍តិចតួច
-
សន្តិសុខសង្គម២ ថ្ងៃ agoដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
-
សន្តិសុខសង្គម៣ ថ្ងៃ agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ចរាចរណ៍៦ ថ្ងៃ agoស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
-
ព័ត៌មានជាតិ៦ ថ្ងៃ agoផលដំឡូងមី កសិករត្រៀមប្រមូល ហាងឆេងទីផ្សារបានត្រឹម ១៧០ រៀលប៉ុណ្ណោះក្នុង ១ គីឡូក្រាម
-
សន្តិសុខសង្គម២២ ម៉ោង agoស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់
-
ព័ត៌មានជាតិ១ សប្តាហ៍ agoក្រសួងសុខាភិបាលណែនាំឲ្យពលរដ្ឋប្រុងប្រយ័ត្នចំពោះការបរិភោគអាហារសមុទ្រដើម្បីបង្ការការឆ្លងវីរុសណូរ៉ូ