ព័ត៌មានជាតិ
លោក ឡុង ឌីម៉ង់ បង្ហាញពីសក្តានុពលសេដ្ឋកិច្ចខេត្តព្រះសីហនុ ទៅកាន់មន្ត្រីជាន់ខ្ពស់វៀតណាម
នៅក្នុងជំនួបពិភាក្សាការងារជាមួយលោក Do Hung Viet អនុរដ្ឋមន្ត្រីការបរទេស នៃសាធារណរដ្ឋសង្គមនិយមវៀតណាមកាលពីថ្ងៃទី២៦ តុលា លោក ឡុង ឌីម៉ង់ អភិបាលរងខេត្តព្រះសីហនុ បានឡើងអំពីស្ថានភាពភូមិសាស្ត្រ សក្តានុពល ស្ថានភាពសេដ្ឋកិច្ច វប្បធម៌ សង្គម ផែនការអភិវឌ្ឍន៍របស់ខេត្តព្រះសីហនុ ព្រមទាំងកិច្ចសហប្រតិបត្តិការមួយចំនួនដែលរដ្ឋបាលខេត្តកំពុងអនុវត្ត ទៅកាន់លោក Do Hung Viet ។
នៅក្នុងជំនួបនេះ ភាគីទាំងពីរបានបង្ហាញឆន្ទៈខិតខំធ្វើយ៉ាងណាបង្កើនសាមគ្គីភាព កិច្ចសហប្រតិបត្តិការរវាងប្រជាជននិងប្រជាជន, ប្រទេសនិងប្រទេស ឱ្យកាន់តែជិតស្និតបន្ថែមទៀត។
ទន្ទឹមនេះ គណៈប្រតិភូក៏បានទៅទស្សនាទីតាំងសំខាន់ៗមួយចំនួននៃខេត្តព្រះសីហនុមានដូចជា៖ រូបសំណាកព្រះថោងនាងនាគ និងកំពង់ផែស្វយ័តក្រុងព្រះសីហនុ ដើម្បីស្វែងយល់ពីការអភិវឌ្ឍ និងសក្តានុពលរបស់ខេត្តក្នុងវិស័យសេដ្ឋកិច្ច ពាណិជ្ជកម្ម ទេសចរណ៍ និងការវិនិយោគជាដើមផងដែរ។
សូមបញ្ជាក់ថា គោលបំណងនៃការអញ្ជើញរបស់គណៈប្រតិភូវៀតណាមមកកាន់ខេត្តព្រះសីហនុនាពេលនេះ គឺដើម្បីចូលរួមកិច្ចប្រជុំពិគ្រោះយោបល់ នៃគណៈកម្មការចម្រុះកម្ពុជា-វៀតណាមលើកទី៨ ដែលឆ្នាំនេះខេត្តព្រះសីហនុត្រូវបានជ្រើសរើសជាម្ចាស់ផ្ទះរៀបចំកិច្ចប្រជុំ។
លោក ឡុង ឌីម៉ង់ បានគូសបញ្ជាក់ថា នេះជាកិតិ្តយសមួយសម្រាប់ខេត្តព្រះសីហនុ ដែលគណៈកម្មាធិការបានជ្រើសរើសយកខេត្តព្រះសីហនុ ធ្វើជាទីតាំងនៃកិច្ចប្រជុំដ៏មានសារៈសំខាន់នេះ៕
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៥ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា