ព័ត៌មានជាតិ
ចិន នឹងរៀបចំពិព័រណ៍អប់រំ ចិន-អាស៊ាន ជាលើកដំបូង នៅកម្ពុជា នាដើមខែធ្នូ ខាងមុខ
សមាគម កម្ពុជា-ចិន ដើម្បីផ្លាស់ប្ដូរការអប់រំ និងសមាគមអប់រំ និងតម្រង់ទិសសិស្សមធ្យមសិក្សាកម្ពុជា នឹងរៀបចំពិព័រណ៍អប់រំ ចិន-អាស៊ាន ជាលើកដំបូងនៅប្រទេសកម្ពុជា នាថ្ងៃទី ១ និងទី ២ ខែធ្នូ ឆ្នាំ ២០២៣ ខាងមុខ នៅផ្សារទំនើបអូឡាំព្យាដ ដើម្បីធ្វើការទាក់ទាញនិស្សិតកម្ពុជា ទៅសិក្សានៅប្រទេសចិន ឲ្យបានកាន់តែច្រើនបន្ថែមទៀត ខណៈបច្ចុប្បន្នចំនួននិស្សិតកម្ពុជារៀននៅចិនមានចំនួនតិចតួចនៅឡើយ។
ថ្លែងក្នុងសន្និសីទសារព័ត៌មានស្តីពី ពិព័រណ៍អប់រំ ចិន-អាស៊ាន នៅព្រឹកថ្ងៃទី ២៨ តុលានេះ លោក កាវ ជាន ប្រធានសមាគមកម្ពុជា-ចិន ដើម្បីផ្លាស់ប្ដូរការអប់រំ បានមានប្រសាសន៍ថា ការរៀបចំតាំងពិព័រណ៍នេះធ្វើឡើងក្នុងគោលបំណងដើម្បីជំរុញកិច្ចសហប្រតិបត្តិការ និងធ្វើការផ្លាស់ប្ដូររវាងប្រទេសចិន និងអាស៊ាន ក៏ដូចជាប្រទេសកម្ពុជាផងដែរ ទាក់ទងនឹងវិស័យអប់រំ។
លោកបានបន្តថា ក្នុងរយៈពេល ២០ ឆ្នាំចុងក្រោយនេះ សេដ្ឋកិច្ចប្រទេសចិន ឈរលំដាប់ទី ២ នៅលើពិភពលោក ហើយទន្ទឹមនឹងការរីកចម្រើនសេដ្ឋកិច្ចរីកចម្រើន ធ្វើឲ្យវិស័យអប់រំនៅប្រទេសចិន ក៏មានការរីកចម្រើនផងដែរ។ ប៉ុន្តែនិស្សិតកម្ពុជា នៅមិនទាន់មានការយល់ដឹងឲ្យបានទូលំទូលាយពីវិស័យអប់រំនៅប្រទេសចិននៅឡើយទេ។
លោកបានបន្តទៀតថា បើតាមក្រសួងអប់រំចិន បច្ចុប្បន្នមានប្រទេសចំនួន ១៥ បានបញ្ជូនសិស្សទៅរៀននៅប្រទេសចិន ក្នុងនោះមាន ១២ ប្រទេស នៅទ្វីបអាស៊ីមាន ៧ ប្រទេស នៅក្នុងតំបន់អាស៊ាន ក្នុងនោះប្រទេសថៃឈរលំដាប់ទី ១ បន្ទាប់មកប្រទេសឥណ្ឌូណេស៊ី ម៉ាឡេស៊ី និងប្រទេសឡាវ។ ចំណែកប្រទេសកម្ពុជា មានសិស្សរៀននៅកម្ពុជាតិចជាងគេ គឺស្ថិតនៅលំដាប់ទីប្រទេស ១៥។
យោងតាមតួលេខរបស់ស្ថានទូតចិនប្រចាំនៅកម្ពុជា មាននិស្សិតកម្ពុជាប្រមាណ ៥០០ នាក់ បានទៅសិក្សានៅប្រទេសចិនជារៀងរាល់ឆ្នាំ។
លោកបានបន្ថែមថា ដូចនេះទើបយើងរៀបចំពិព័រណ៍នេះឡើងដើម្បីផ្សព្វផ្សាយពីវិស័យអប់រំនៅប្រទេសដល់សិស្សនិស្សិតកម្ពុជាបានយល់ដឹង ព្រោះពិព័រណ៍នេះមានការផ្តល់អាហារូបករណ៍ ៥០០ កន្លែង សម្រាប់ផ្តល់ជូនដល់និស្សិតកម្ពុជា និងមានសាកលវិទ្យាល័យជាង ៥០ កន្លែង មកពីប្រទេសចិន និងសាកលវិទ្យាល័យនៅកម្ពុជាជាង ៥០ កន្លែង ចូលរួមពិព័រណ៍ផងដែរ ដោយរំពឹងថា ក្នុងរយៈពេល ២ ថ្ងៃ នឹងមាននិស្សិតចូលរួមទស្សនាពិព័រណ៍ប្រមាណ ២ ម៉ឺននាក់។
លោកសង្ឃឹម និងជឿជាក់ថា តាមរយៈពិព័រណ៍នេះ នឹងផ្តល់ឱកាសព័ត៌មាននានាដល់សិស្សានុសិស្សនៅកម្ពុជាដែលមានបំណងទៅសិក្សានៅប្រទេសចិន។
លោក ហែម ស៊ីណារ៉េត ប្រធានមន្ទីរអប់រំ យុវជន និងកីឡា រាជធានីភ្នំពេញ បានគាំទ្រយ៉ាងពេញទំហឹង ចំពោះសមាគមអប់រំ និងតម្រង់ទិសសិស្សមធ្យមសិក្សាកម្ពុជា និងសមាគម កម្ពុជា-ចិន ដើម្បីផ្លាស់ប្តូរការអប់រំ ដែលបានខិតខំប្រឹងប្រែងសហការងាររួមគ្នាក្នុងការបង្កើតឲ្យមានកម្មវិធីពិព័រណ៍អប់រំ ចិន-អាស៊ាន ដែលនឹងរៀបចំឡើងនៅរាជធានីភ្នំពេញនាចុងឆ្នាំ ២០២៣ ខាងមុខនេះ។
លោកប្រធានមន្ទីរ បានមានប្រសាសន៍ថា «ជាការពិតណាស់ កម្មវិធីពិព័រណ៍អប់រំ ចិន-អាស៊ាន ពិតជាមានសារៈសំខាន់ណាស់ក្នុងការផ្តល់ព័ត៌មាន សិក្សានៃសាកលវិទ្យាល័យនានារបស់ប្រទេសចិន ជូនដល់សិស្សានុសិស្សនៅក្នុងប្រទេសកម្ពុជាដែលមានបំណងចង់បន្តការសិក្សានៅប្រទេសនាពេលអនាគត មួយផ្នែកទៀតក៏អាចទាក់ទាញសិស្សានុសិស្សរបស់ប្រទេសចិនមកបន្តការសិក្សានៅ ប្រទេសកម្ពុជាវិញដូចគ្នា»។
លោកប្រធានមន្ទីរ បានបន្តថា «ក្នុងនាមថ្នាក់ដឹកនាំមន្ទីរអប់រំ យុវជន និងកីឡា នៃរាជធានីភ្នំពេញ និងក្នុងនាមរូបខ្ញុំផ្ទាល់ ខ្ញុំសូមគាំទ្រជាឱឡារិក និង ត្រៀមខ្លួនជានិច្ច ក្នុងកិច្ចជួយសម្រួល ដើម្បីជំរុញការផ្សព្វផ្សាយ ស្ដីពី កម្មវិធីពិព័រណ៍អប់រំចិន- អាស៊ាន ដែលនឹងរៀបចំឡើងនៅរាជធានីភ្នំពេញនាចុងឆ្នាំ ២០២៣ ខាងមុខនេះ ឲ្យកាន់តែទូលំទូលាយ និងទទួលបានការគាំទ្រពីសំណាក់គ្រឹះស្ថានសាធារណៈ និងគ្រឹះស្ថានឯកជន ឲ្យកាន់តែខ្លាំងឡើងថែមទៀត»។
លោកបណ្ឌិត តុង វណ្ណៈ ប្រធានសមាគមអប់រំ និងតម្រង់ទិសសិស្សមធ្យមសិក្សាកម្ពុជា បានមានប្រសាសន៍ថា ពិព័រណ៍នេះ ពិតជាមានសារសំខាន់ណាស់ចំពោះសិស្សានុសិស្សថ្នាក់ទី ១២ ដែលត្រៀមប្រឡងបាក់ឌុប និងត្រៀមបន្តការសិក្សានៅថ្នាក់ឧត្តមសិក្សានៅតាមសាកលវិទ្យាល័យនានានៅក្នុងប្រទេសកម្ពុជាក៏ដូចជាទៅបន្តការសិក្សានៅប្រទេសចិន។
លោកបានបន្តថា «ខ្ញុំយល់ថាការរៀបចំការតាំងពិព័រណ៍នៅចុងឆ្នាំនេះ នឹងក្លាយជាការផ្តល់ព័ត៌មានយ៉ាងសំខាន់សម្រាប់សិស្សានុសិស្សមធ្យមសិក្សាទុតិយភូមិដែលបានបញ្ចចប់ការសិក្សា និងបន្តការសិក្សានៅតាមសាកលវិទ្យាល័យក្នុងការសម្រេចចិត្ត និងជ្រើសរើសនូវការតម្រង់ទិសទៅលើមុខជំនាញដែលគាត់ចង់ថាតើគាត់ត្រូវសិក្សានៅក្នុងស្រុក ឬទៅបន្តការសិក្សានៅក្រៅប្រទេស»៕
អត្ថបទ ៖ សំអឿន
គ្រូបង្វឹក៧០នាក់រៀនបច្ចេកទេស ត្រៀមយុទ្ធគុនចម្រុះខ្មែរបុរាណពានរង្វាន់សម្តេចធិបតីលើកទី២
លោក បៃដិន លុបចោលដំណើរទស្សនកិច្ចនៅអ៊ីតាលី ដោយសារភ្លើងឆេះព្រៃនៅកាលីហ្វ័រញ៉ា
គណនីតារាចិន Luhan ត្រូវរឹតបន្តឹង ក្រោយបំពានច្បាប់ផឹកស្រា និងប្រមាថអ្នកដទៃ
ក្រុមប្រឹក្សាខេត្តតាកែវ ឱ្យសិស្សសាលាបញ្ឈប់ការជិះកង់ ម៉ូតូទន្ទឹមគ្នា២ ឬ៣ជួរ ព្រោះងាយបង្កគ្រោះថ្នាក់ចរាចរណ៍
ប្រៀបធៀបតម្លៃស្រូវសែនក្រអូប និង អូអឹមនៅខេត្តពោធិ៍សាត់ខុសគ្នាជិត ៥០០ រៀល
ជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
សមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
ម្ដាយតារារ៉េប RuthKo មិនទទួលយកការសុំទោសដាច់ខាត ចំពោះទង្វើហាងផ្កាមួយកន្លែង ដែលផុសប្រមាថជីវិតកូន
ភ្លើងឆេះព្រៃរាលដាលដល់ចម្ការស្វាយ ៣៥ហិកតា ខូចខាតដើមស្វាយ ១៥ ០០០ ដើម
មហាអំណាចអឺរ៉ុប២ប្រទេស ចេញមុខព្រមានលោក ត្រាំ ក្រោយគំរាមប្រើកម្លាំងយោធា ដណ្តើមយក Greenland
-
ព័ត៌មានជាតិ៧ ថ្ងៃ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍៣ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ២០ ម៉ោង agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ព័ត៌មានជាតិ៧ ថ្ងៃ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
ព័ត៌មានជាតិ១ សប្តាហ៍ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
សេដ្ឋកិច្ច១ សប្តាហ៍ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
សេដ្ឋកិច្ច១ សប្តាហ៍ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា
-
ព័ត៌មានជាតិ៦ ថ្ងៃ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»