ក្រុងបាត់ដំបងជាប់បញ្ជី​អង្គការ​​​យូណេស្កូ ជាទីក្រុងមានភាពច្នៃប្រតិដ្ឋផ្នែកម្ហូបអាហារ

ក្រុងបាត់ដំបងជាប់ជាបណ្តាញទីក្រុងដែលមានភាពច្នៃប្រតិដ្ឋផ្នែកម្ហូបអាហាររបស់​អង្គការ​យូណេស្កូ (𝐔𝐍𝐄𝐒𝐂𝐎)។

នៅថ្ងៃទិវាទីក្រុងពិភពលោក ទីក្រុងចំនួន ៥៥ ត្រូវ​បាន​ដាក់​បញ្ចូលបន្ថែម​ក្នុង​បណ្តាញទីក្រុង​ដែលមានភាព​ច្នៃប្រតិដ្ឋរបស់អង្គការយូណេស្កូ (UCCN)។ ទីក្រុងថ្មីដែលទើបដាក់បន្ថែមរបស់​​អង្គការយូណេស្កូ ត្រូវបានទទួលស្គាល់លើ​ភាពច្នៃប្រតិដ្ឋ​ភ្ជាប់ជាមួយ​វប្បធម៌​ដែល​ជាផ្នែកនៃយុទ្ធសាស្ត្រសម្រាប់​ការ​អភិវឌ្ឍន៍ និងការ​រៀបចំផែនការទីក្រុងសម្រាប់​​​ការ​រស់នៅ​។

ជាមួយការ​ដាក់បញ្ចូលទីក្រុង​ថ្មី​បន្ថែម​ចំនួន ៥៥ “បណ្តាញទីក្រុងច្នៃប្រតិដ្ឋ” (UNESCO Creative Cities Network ឬហៅកាត់ថា UCCN)​ បានកើន​ដល់​ចំនួន ៣៥០ ទីក្រុង​នៅក្នុងប្រទេសជាង ១០០ ដែលតំណាងឱ្យវិស័យចំនួនប្រាំពីរ​រួម​មាន​៖ សិប្បកម្ម និងសិល្បៈប្រជាប្រិយ (Crafts and Folk Arts), ភាពយន្ត (Film), រចនាប័ទ្ម និងការតុបតែង (Design), ម្ហូបអាហារ (Gastronomy), អក្សរសាស្ត្រ (Literature), សិល្បៈនៃការផ្សព្វផ្សាយ (Media Arts), និងតន្ត្រី (Music)។៕