ព័ត៌មានជាតិ
ក្តុកក្តួលណាស់! ឯកឧត្តម សៀង ណាំ សរសេរសំណេរសុំទោសភរិយា ទាំងទឹកភ្នែក និងសោកស្តាយមិនបានរួមដំណើរទៅមន្ទីរពេទ្យក្រុងបាងកក
ឯកឧត្តម សៀង ណាំ អ្នកតំណាងរាស្ត្រខេត្តសៀមរាប បានសរសេរសំណេរយ៉ាងវែងនៅលើទំព័រហ្វេសបុកផ្ញើជូនចំពោះភរិយារបស់លោក ខណៈដែលភរិយារបស់លោកកំពុងសម្រាកព្យាបាលនៅឯទីក្រុងបាំងកកប្រទេសថៃ ដោយសារតែបានជួបនូវឧបទ្ទវហេតុបាក់ឆ្អឹងស្មាល ហើយឯកឧត្តមបានបង្ហាញនូវអារម្មណ៍ក្តុកក្តួល ព្រោះឯកឧត្តមមិនបាននៅក្បែរភរិយាជាទីស្រលាញ់របស់ខ្លួន។ ដើម្បីជ្រាបកាន់តែច្បាស់សូមអានសំណេរទាំងស្រុងរបស់ឯកឧត្តម
រាត្រីថ្ងៃទី៦ ខែកុម្ភៈ ឆ្នាំ២០២១ មកដល់ប្រពន្ធសំឡាញ់របស់បង!
មុនពេលអូនអាននូវសំណេរដែលចេញពីដួងចិត្តនេះ បងសូមអភ័យទោសទុកជាមុននិងសោកស្តាយយ៉ាងខ្លាំង ដែល មិនបានរួមដំណើរជាមួយអូនទៅកាន់មន្ទីរពេទ្យក្រុងបាងកក ប្រទេសថៃ។
ឧត្តមភរិយារបស់បង! ចាប់តាំងពីបងបានឃើញពន្លឺថ្ងៃរហូតដល់អាយុ២០ ឆ្នាំ ជីវិតបងបានរស់យ៉ាងសុខសាន្ត ក្រោមម្លប់ព្រហ្មវិហារធម៌របស់លោកឪពុកអ្នកម្តាយ។ បងបានទទួលនូវការស្រឡាញ់ ថ្នាក់ថ្នម និងការចិញ្ចឹមបីបាច់ គ្រប់យ៉ាងពីលោកទាំងទ្វេ។
តែក្នុងឆ្នាំ១៩៧៣ ទឹកដីកោះសំរោង ខេត្តកំពង់ចាម ដែលជាស្រុកកំណើតបានស្ថិតក្រោម
ការគ្រប់គ្រងរបស់ ពួកខ្មែរក្រហម(តំបន់រំដោះ) បងបានសំពះលាលោកអ្នកមានគុណ ដើម្បីចេញទៅបន្តការសិក្សានៅទីក្រុងភ្នំពេញ។ បងបានជម្រាបគាត់ថា «ពេលស្រុកបានសានត្រាណ បើកូននៅរស់ កូននឹងមករកលោកទាំងពីរវិញ តែបើមិនឃើញកូន មកទេ គឺកូនស្លាប់ហើយ»។ ពេលនោះ លោកឪពុកអ្នកម្តាយទាំងពីរបានជូនពរបង ឱ្យធ្វើដំណើរបានសុខសប្បាយ និងផ្តាំផ្ញើឱ្យខំរៀនសូត្រ។
ចេញពីកំពង់ចាម តំបន់រំដោះ មកភ្នំពេញត្រូវឆ្លងកាត់គ្រាប់កាំភ្លើង និងការប្រយុទ្ធយ៉ាងក្តៅគគុក រវាងកងទ័ព ខ្មែរក្រហម និងកងទ័ព លន់ នល់ ហើយទីបំផុតបងធ្វើដំណើរដល់ភ្នំពេញដោយសុខសប្បាយ។ អូនដឹងទេ? ប្តីរបស់អូនកាលណោះ មានតែខ្លួនមួយ គ្មានសាច់ញាតិនិងបងប្អូនឡើយ គឺក្លាយជាកូនកំព្រា តែលតោល លំបាកលំបិនក្រៃលែង ហើយដើរស៊ីឈ្នួលគេ ធ្វើកម្មករគេ ដើម្បីរស់និងបានរៀនសូត្រ។ បានតែពីរឆ្នាំប៉ុណ្ណោះ ភ្នំពេញត្រូវបានកាន់កាប់ទាំងស្រុងដោយរបបខ្មែរក្រហម គឺថ្ងៃ ១៧ មេសា ១៩៧៥ ហើយបង ក៏បានរស់នៅក្នុង កងយុវជន ធ្វើការធ្ងន់ធ្ងរដូចប្រជាពលរដ្ឋខ្មែរដទៃទៀតដែរ។
ប្រពន្ធសំឡាញ់! ថ្ងៃទី២៥ ខែ៥ ឆ្នាំ១៩៧៧ បងនិងអូនបានឡើងប្តេជ្ញាក្លាយជាគូស្រករប្តីប្រពន្ធនឹងគ្នា រហូតមក ដោយចាប់ដៃគ្នាកសាងជីវិតទាំងលំបាកក្នុងរបបវាលពិឃាត។ អនុស្សាវរីយ៍ទាំងឡាយក្នុងរបបប៉ុលពត បងចាំយ៉ាងច្បាស់ ពេលខ្លះ បាយមួយដុំ ឬដំឡូងមួយដុំ អូនមិនហ៊ានហូបទេ អូនទុកសម្រាប់បង ឱ្យបងហូបមុន ទោះជាបងប្រាប់ថា ហូបទាំងអស់គ្នាក៏អូនមិនព្រមហូបដែរ ពេលនៅសល់ទើបអូនហូបតាមក្រោយ ពេលខ្លះបងហូបអស់អូន ក៏សុខចិត្តអត់ថែមទៀតផង។
គិតមកដល់ពេលនេះ យើងបានចាប់ដៃគ្នាជាប្តីប្រពន្ធ រយៈពេល៤៤ ឆ្នាំហើយ អូនពិតជាហត់នឿយណាស់ ក្នុងនាមជាភរិយានិងជាម្តាយ។ រាល់ម្ហូបអាហារ សម្លៀកបំពាក់ និងកន្លែងគេងរបស់បង របស់កូនៗយើង និងការអប់រំពួកគេ សុទ្ធតែអូនជាអ្នកធ្វើទាំងអស់។ អូនបានបំពេញតួនាទីជាឧត្តមភរិយាដ៏ល្អបំផុត បំពេញតួនាទី ជាម្តាយដ៏សែនកក់ក្តៅសម្រាប់កូនយើង ហើយបងពិតជាមានសំណាងខ្លាំងណាស់ដែលមានរូបអូនជាភរិយា។
ល្ងាចថ្ងៃទី ៤ ខែកុម្ភៈ ឆ្នាំ២០២១
បងពិតជាស្លុតចិត្តណាស់ ពេលឃើញអូនគ្រោះថ្នាក់បាក់ឆ្អឹងស្មា ព្រោះដួលកង់ពេលកំពុងជិះហាត់ប្រាណ។ បងបានពិគ្រោះជាមួយក្រុមគ្រូពេទ្យជំនាញពីអាការៈរបស់អូន។ ដោយហេតុថា គ្រោះថ្នាក់បាក់ចំកន្លែងឆ្អឹងពុក ដែលក្លាយជាកង្វល់មួយបន្ថែមទៀតសម្រាប់បង។ ទីបំផុត ក្រុមគ្រូពេទ្យបានផ្តល់យោបល់ថាត្រូវបញ្ជូនអូនទៅ ព្យាបាលនៅទីក្រុងបាងកក ព្រោះទីនោះមានឧបករណ៍ពេទ្យគ្រប់គ្រាន់។
រាត្រីថ្ងៃទី៥ មួយថ្ងៃក្រោយមក វេលាម៉ោង ៧ យប់
អូនសំឡាញ់! បងរឹតតែខ្លោចផ្សាទ្វេដង ពេលយន្តហោះទីក្រុងបាងកកបានមកដល់។ បងស្រក់ទឹកភ្នែក ដោយមិនដឹងខ្លួន ដើមទ្រូងតឹងណែនមួយរំលេចរកថាមិនត្រូវ ហើយទ្រហោយំចំពោះមុខកូននិងអ្នករាល់គ្នា។ នេះ ប្រហែលជាលើកដំបូងហើយដែលបងកើតទុក្ខខ្លាំងបែបនេះ ក្នុងជីវិតប្តីប្រពន្ធរបស់យើង។ អូនធ្លាប់ធ្វើអ្វីៗគ្រប់យ៉ាង ដើម្បីបង តែបងមិនអាចរួមដំណើរជាមួយអូនទៅមើលថែអូនមន្ទីរពេទ្យ បងមានតែទឹកភ្នែកជូនដំណើរអូន។
ឱ្យបងសូមទោស!
បងមិនអាចទៅបានដោយហេតុផលពីរយ៉ាង៖
ទី១ បញ្ហាកូវីដ១៩ ដែលគេអនុញ្ញាតបានតែពីរនាក់ប៉ុណ្ណោះ គឺអ្នកជំងឺម្នាក់ និងអ្នកមើលថែម្នាក់។ ដូច្នេះ ពួកយើងសម្រេចឱ្យកូនស្រីទៅជាមួយអូន។ បើបងទៅផង គេតម្រូវឲ្យធ្វើចត្តាឡីស័ក គឺពេលទៅចំនួនពីរសប្តាហ៍ ហើយពេលត្រឡប់មកវិញពីរសប្តាហ៍ ពោលគឺមិនបានមើលថែអូនហើយ ថែមទាំងជាប់នៅមណ្ឌលចត្តាឡីស័ក បន្ថែមទៀតផង។
ទី២ បងមានភារកិច្ចជាច្រើនត្រូវបំពេញជូនរាជរដ្ឋាភិបាល ជាពិសេស ការស្ថាបនាផ្លូវទាំង ៣៨ ខ្សែ នៃក្រុងសៀមរាបរបស់យើង។
ហេតុផលនេះ បងដឹងយ៉ាងច្បាស់ថា អូនពិតជាយល់ហើយថែមទាំងលើកទឹកចិត្តបងទៀតផង។ បងគ្មានអ្វី ក្រៅពីពាក្យថា សូមទោសប្រពន្ធសំឡាញ់! គ្រប់ពេល អូនបានបម្រើប្តី បានរួមទុក្ខរួមសុខជាមួយបង តែបងបែរជា មិនអាចមើលថែអូនបានទៅវិញ។ បើបងអាចឈឺជំនួសអូនបាន បងនឹងឈឺជំនួស មិនឲ្យអូនដេកឈឺនៅលើគ្រែពេទ្យ នោះទេ។
អូនដឹងទេ! ប្រហែលមកពីយើងបានធ្វើបុណ្យច្រើនហើយមើលទៅ ទើបយើងបានទទួលនូវសមានចិត្ត និងការអាណិតអាសូរ ពាក្យជូនពរគ្រប់ទិសទី ពីសំណាក់ថ្នាក់ដឹកនាំ និងព្រះសង្ឃ ព្រមទាំងបងប្អូនប្រជាពលរដ្ឋ ជាច្រើនហូរហែ។
ឆ្លៀតក្នុងឱកាសនេះ យើងខ្ញុំថ្លែងព្រះអំណរគុណ និងអរគុណយ៉ាងជ្រាលជ្រៅបំផុត ចំពោះព្រះថេរានុត្ថេរៈ គ្រប់ព្រះអង្គ សម្តេច ទ្រង់ ឯកឧត្តម លោកជំទាវ លោកឧកញ៉ា លោក លោកស្រី មន្ត្រីរាជការ លោកយាយ លោកតា បងប្អូនប្រជាពលរដ្ឋទាំងអស់ ដែលមានសមានចិត្តនិងរាប់អាន ខ្ញុំព្រះករុណា យើងខ្ញុំ។
សូមប្រគេនពរ ព្រះថេរានុត្ថេរៈគ្រប់ព្រះអង្គ និងសូមជូនពរសម្តេច ទ្រង់ ឯកឧត្តម លោកជំទាវ លោកឧកញ៉ា លោក លោកស្រី មន្ត្រីរាជការ លោកយាយ លោកតា បងប្អូនប្រជាពលរដ្ឋទាំងអស់ បានប្រកបតែនឹងពុទ្ធពរ ទាំងបួនប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។
សូមគុណបុណ្យព្រះរតនត្រៃ បារមីនៅលើលោក ជួយឃុំគ្រងថែរក្សាអូនក្នុងការវះកាត់ នៅថ្ងៃចន្ទ ទី៨ ខាងមុខនេះបានប្រកបដោយជោគជ័យ និងឆាប់បានជាសះស្បើយត្រឡប់មកជួបជុំគ្រួសារយើងវិញ៕
កែសម្រួលដោយ ៖ នាគព័ន្ធ
ក្រសួងបរិស្ថាន និងរដ្ឋបាលខេត្តកោះកុង ពិគ្រោះយោបល់គ្នាលើផែនការគ្រប់គ្រងដែនជម្រកសត្វព្រៃតាតៃ
មេដឹកនាំឥណ្ឌាអះអាងចំពោះក្រុមមេដឹកនាំអ៊ុយក្រែនអំពីការរកដំណោះស្រាយឲ្យបានឆាប់
ថ្នាក់ដឹកនាំ CDC បង្ហាញសក្ដានុពលវិនិយោគនៅកម្ពុជា ប្រាប់ថ្នាក់ដឹកនាំអាមេរិក
Michael Jordan ដាក់លក់ផ្ទះប្រណីតជិត ១២ ឆ្នាំតែគ្មានអ្នកទិញ ដោយសារតែចាស់គំរិលពេក
ចិន ចែកលុយពលរដ្ឋជិត ៥លាននាក់ ឲ្យយកទៅចាយ
លោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
ស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
អាជ្ញាធរខេត្តក្រចេះ ត្រៀមទីទួលសុវត្ថិភាព១១៧កន្លែង សម្រាប់ជម្លៀសពលរដ្ឋពីគ្រោះទឹកជំនន់
ចាប់ពីថ្ងៃនេះដល់ថ្ងៃ២៨កញ្ញា កម្ពុជាមានភ្លៀងតិចបំផុត ខណៈទឹកទន្លេសាប និងទន្លេបាសាក់កំពុងហក់ឡើង
លោក ស៊ុនចាន់ថុល ចុះទៅក្រុមហ៊ុន SpaceX សេដ្ឋី Elon Musk ស្វែងយល់បច្ចេកវិទ្យាផ្កាយរណបអ៊ីនធឺណិត
-
ព័ត៌មានជាតិ១ សប្តាហ៍ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ១ សប្តាហ៍ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ២ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ព័ត៌មានជាតិ៦ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ជីវិតកម្សាន្ដ៤ ម៉ោង agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានអន្ដរជាតិ៣ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ជីវិតកម្សាន្ដ១ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ១ ថ្ងៃ agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព