ព័ត៌មានជាតិ
លោកសាស្ត្រាចារ្យ ធាគ្រុយ ៖ សូមមេត្តាកុំយកវិជ្ជាជីវៈពេទ្យទៅធ្វើជាមុខរបបជំនួញឲ្យសោះ
ភ្នំពេញ ៖ លោក សាស្ត្រាចារ្យ ធាគ្រុយ រដ្ឋលេខាធិការក្រសួងសុខាភិបាលបានណែនាំដល់គ្រូពេទ្យត្រូវគោរពនិងប្រកាន់ខ្ជាប់នូវក្រមសីលធម៌វិជ្ជាជីវៈជាគ្រូពេទ្យដោយមិនត្រូវយកវិជ្ជាជីវៈនេះទៅធ្វើជាជំនួញនោះឡើយ។
ថ្លែងនៅក្នុងទិវាសល្យសាស្ត្រកម្ពុជាលើកទី២៦ នៅសណ្ឋាគារសាន់វេនៅព្រឹកថ្ងៃទី៦កុម្ភៈនេះ លោកសាស្ត្រាចារ្យ ធាគ្រុយបានមានប្រសាសន៍ថា«ធ្វើពេទ្យមិនមែនធ្វើមុខជំនួញទេ។ សូមមេត្តាកុំយកវិជ្ជាជីវៈមួយនេះ ធ្វើជាមុខរបបជំនួញឲ្យសោះហើយមិនមែនយកវិជ្ជានេះធ្វើមានធ្វើបានទិញឡានទំនើបជិះនោះទេព្រោះយើងមិនមែនជាអ្នកជំនួញ»។
លោកសាស្ត្រាចារ្យបានបន្តថា តម្លៃរបស់គ្រូពេទ្យមិនមែនសំដៅទៅលើការមានឡានទំនើបជិះនោះទេគឺសំដៅទៅលើការងារវិជ្ជាជីវៈរបស់គ្រូពេទ្យម្នាក់ៗប៉ុណ្ណោះ។
លោករដ្ឋលេខាធិការក្រសួងសុខាភិបាលបានបន្តទៀតថា «ការប្រកបវិជ្ជាជីវៈជាគ្រូពេទ្យគឺជាការអនុវត្តករណីកិច្ចវិជ្ជាជីវៈ។ សូមមេត្តាកុំភ្លេចណា ខ្ញុំបាននិយាយច្រើនដងរួចហើយថា ការប្រកបវិជ្ជាជីវៈជាគ្រូពេទ្យជាការបំពេញភារកិច្ចករណីកិច្ចវិជ្ជាជីវៈចង់និយាយថា ត្រូវតែធ្វើបើមិនធ្វើគឺជាការខុសឆ្គង»។
លោកសាស្ត្រាចារ្យបានណែនាំថា «មេត្តាគ្រូពេទ្យទទួលស្គាល់ថា ធ្វើជាគ្រូពេទ្យបានរៀនខ្ពង់ខ្ពស់បន្តិចដែរហើយ មិនអាចធ្វើអ្វីដូចប្រជាពលរដ្ឋធម្មតាធ្វើនោះទេ ដូចជាយើងអាចទៅច្រៀងបានតែមិនអាចទៅច្រៀងរាំអាឡេអាឡឺបានទេនិងទៅផឹកបានតែមិនត្រូវផឹកឲ្យគេសែងនោះទេ។អីចឹងយើងដឹងទាំងអស់គ្នាថាពេទ្យជាវិជ្ជាជីវៈមួយដែលគេទាំងឡាយធ្វើមិនបានទេ ព្រោះយើងជាវិជ្ជាជីវៈមួយដ៏ខ្ពស់។ ដូចនេះយើងត្រូវដឹងថា អ្វីដែលគួរធ្វើនិងអ្វីដែលមិនគួរធ្វើត្រូវមានការប្រយ័ត្នប្រយែងដើម្បីកុំឲ្យមានការប៉ះពាល់ដល់វិជ្ជាជីវៈយើង»។
យ៉ាងណាក៏ដោយ លោកសាស្ត្រាចារ្យទទួលស្គាល់ថា បច្ចុប្បន្ននេះគ្រូពេទ្យយើងនៅមានចំណុចខ្វះខាតមួយចំនួនដែលគួរបន្តកែលម្អដូចជាសមត្ថភាពនៅមានកម្រិតសីលធម៌វិជ្ជាជីវៈស្មារតីវិជ្ជាជីវៈគ្រូពេទ្យទាក់ទងនឹងអត្តចរិត ស្មារតី ការនិយាយស្តី ឬកពារមួយចំនួនតូចទាំងនៅស្ថាប័នសាធារណៈនិងសេវាឯកជនក៏នៅមានការខ្វះខាតដែរ។
លោកសាស្ត្រាចារ្យ ឈឿន វុទ្ឍី ប្រធានសមាគមសល្យសាស្ត្រកម្ពុជាបានគាំទ្រចំពោះការលើកឡើងរបស់លោកសាស្ត្រាចារ្យធាគ្រុយដោយលោកបានលើកឡើងថា«អ្វីដែលបានលើឡើងរបស់លោកសាស្ត្រាចារ្យស្របទៅនឹងទិវាសល្យសាស្ត្រកម្ពុជាលើកទី២៦ព្រោះទិវានេះធ្វើឡើងក្នុងគោលបំណងដើម្បីធ្វើបច្ចុប្បន្នភាពនៃប្រសិទ្ធភាពនៃការងារដើម្បីពង្រឹងចបច្ចេកទេសរបសើគ្រូពេទ្យផ្នែកវះកាត់នៅទូទាំងប្រទេសឲ្យបានជឿនលឿនទៅមុខដូចបណ្តាប្រទេសផ្សេងៗទៀត»។
លោកបានបន្តថា«ពិតជាមានមែនដែលទាំងនេះជាភាពប្រឈមមួយដែលគ្រូពេទ្យទាំងអស់គ្នាលើកយកមកពិភាក្សាគ្នាដើម្បីរកឲ្យឃើញនូវដំណោះស្រាយនានាសំដៅការផ្តល់សេវាជួនប្រជាពលរដ្ឋយើងឲ្យបានល្អប្រសើរថែមទៀត»។
លោកបានបន្តថា «ក្នុងនាមសមាគមបានយើងបានជជែកគ្នាពីសីលធម៌វិជ្ជាជីវៈដើម្បីផ្តល់សេវាជូនពលរដ្ឋបានល្អប្រសើរនិងជជែកគ្នាតើធ្វើយ៉ាងណាចំពោះអ្នកដែលមានកង្វះខាតដើម្បីឲ្យគាត់កែលម្អសមត្ថភាពក៏ដូចជាសីលធម៌វិជ្ជាជីវៈធ្វើឲ្យបានល្អជាងមុនក្នុងការអនុវត្តការងារប្រចាំថ្ងៃឲ្យមានប្រសិទ្ធភាពនិងគុណភាព»។
លោកប្រធានសមាគមបានបញ្ជាក់ថា ក្រៅពីនេះទិវាក៏បានផ្លាស់ប្តូរបទពិសោធន៍គ្នាទៅវិញទៅមកផងដែរពីគ្រូពេទ្យខ្មែរនិងបរទេសលើផ្នែកវះកាត់នេះដើម្បីឲ្យក្រុមគ្រូពេទ្យយើងទទួលបាននូវចំណេះដឹងថ្មីៗថែមទៀត។
យ៉ាងណាក៏ដោយលោកទទួលស្គាល់ថា «យើងមានការរីកចំរើនច្រើនផ្នែកសល្យសាស្ត្រទាំងផ្នែកបច្ចេកទេសទាំងផ្នែកផ្តល់សេវាជាដើមយើងបានពង្រឹងពង្រឹងបច្ចេកទេសយើងបានដើរលឿនបើធៀបទៅនឹងឆ្នាំកន្លងៗមកនេះ។ប៉ុន្តែការអភិវឌ្ឍណាមួយតែងតែជួបនឹងបញ្ហាប្រឈមទាំងផ្នែកបច្ចេកទេសទាំងផ្នែករដ្ឋបាលដោយសារមានចំនួនប្រជាពលរដ្ឋមានការកើនឡើងការបណ្តុះបណ្តាលក៏រីកចំរើនមានការកើនឡើងផងដែរហើយការផ្តល់សេវាក៏មានភាពប្រឈមខ្លះៗផងដែរ»៕
ដោយ ៖ សំអឿន
ខេត្តកំពត ទទួលស្វាគមន៍ភ្ញៀវទេសចរណ៍ជាង ៣ ម៉ឺននាក់ ក្នុងរយៈពេលពីរថ្ងៃនៃពិធីបុណ្យចូលឆ្នាំចិន
វិសាខា បញ្ចប់កុងត្រាលោកគ្រូ Jurģis Kalns
រដ្ឋមន្ត្រី ជំរុញឱ្យមន្ទីរព័ត៌មានខេត្តបាត់ដំបងផ្សព្វផ្សាយពីតំបន់ទេសចរណ៍ ដើម្បីជាប្រយោជន៍ដល់ពលរដ្ឋ
ដុំដែកធ្លាក់លើផ្ទះពលរដ្ឋខូចខាត៣ខ្នង ខណៈម្ចាស់ផ្ទះស្នើឲ្យអាជ្ញាធររកប្រភពដើម្បីទទួលខុសត្រូវ
Samsung ព្រមានពីកម្សោយនៃការលក់បន្ទះឈីប ជុំវិញការរឹតត្បឹតរបស់អាមេរិកលើចិន
ផ្លូវ ៦០ ម៉ែត្រ ទៀតហើយ! ស្ត្រីម្នាក់ ត្រូវរថយន្តស៊េរីទំនើបបុកពីក្រោយរបួសធ្ងន់
ដុំដែកធ្លាក់លើផ្ទះពលរដ្ឋខូចខាត៣ខ្នង ខណៈម្ចាស់ផ្ទះស្នើឲ្យអាជ្ញាធររកប្រភពដើម្បីទទួលខុសត្រូវ
អគ្គិភ័យ ឆេះតូបលក់ចាប់ហួយស្លាប់ក្មេងប្រុសពីរនាក់ក្នុងអណ្ដាតភ្លើង
ជិះម៉ូតូទាក់ដៃចង្កូតគ្នា ស្លាប់-របួសធ្ងន់ ០២ នាក់ នៅលើផ្លូវ ៥៩៨
លោក លី ធុជ៖ ក្រោយ៩០ថ្ងៃ សង្ឃឹមអាមេរិកនឹងផ្តល់ជំនួយឡើងវិញដល់ការបោសសម្អាតមីន
-
ចរាចរណ៍៦ ថ្ងៃ agoពលរដ្ឋអ្នកធ្វើដំណើរ គាំទ្រចំពោះការដាក់រនាំងដែកពុះចែកទ្រូងផ្លូវ នៅផ្លូវ ៦០ ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍
-
ព័ត៌មានអន្ដរជាតិ៦ ថ្ងៃ agoអាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ជីវិតកម្សាន្ដ៤ ថ្ងៃ agoនាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
ព័ត៌មានអន្ដរជាតិ២ ថ្ងៃ agoBreaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ព័ត៌មានជាតិ១ ថ្ងៃ agoជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
ព័ត៌មានជាតិ៣ ថ្ងៃ agoក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»
-
ព័ត៌មានអន្ដរជាតិ៣ ថ្ងៃ agoអគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
-
ព័ត៌មានជាតិ៤ ថ្ងៃ agoក្រសួងធម្មការកំពុងពិនិត្យវិធានការលើបុគ្គលដែលថាព្រះសង្ឃជាបន្ទុកពលរដ្ឋ និងមើលងាយព្រះត្រៃបិដក