ព័ត៌មានជាតិ
ពន្ធដារ បង្កើតអាហារូបករណ៍បណ្តុះបណ្តាល ផ្តោតលើជំនាញពន្ធ
សាលាជាតិពន្ធដារ នឹងផ្ដល់អាហារូបករណ៍ចំនួន ៥០ ភាគរយ ដល់សិស្សានុសិស្ស និងសាធារណជនចំនួន ១០០ នាក់ ដែលមានបំណងចង់ចូលរួមសិក្សាក្នុងវគ្គបណ្តុះបណ្តាលជំនាញវិជ្ជាជីវៈពន្ធដារ ជំនាន់ទី ១៨ ចាប់ផ្ដើមចូលរៀនថ្ងៃទី ២៥ ខែឆ្នូ ឆ្នាំ ២០២៣ ខាងមុខនេះ។
លោក លី ចាន់ធី នាយករងសាលាជាតិពន្ធដារនៃអគ្គនាយដ្ឋានពន្ធដារ បានរៀបរាប់អំពីនីតិវិធីនៃការចុះឈ្មោះចូលរៀន នៅអគ្គនាយកដ្ឋានពន្ធដារ រួមមាន៖ ការបង្កើតគណនី e-Tax ថ្មី, ការធ្វើបច្ចុប្បន្នភាពព័ត៌មានផ្ទាល់ខ្លួន, ការចុះឈ្មោះ វគ្គសិក្សា, ជ្រើសរើសមុខវិជ្ជ, កាលវិភាគសិក្សា, ព្រឹត្តិបត្រពិន្ទុ, វត្តមាន, និងកម្មវិធីប្រឡងសង។
ថ្លែងក្នុងកម្មវិធី “ពន្ធដារកម្ពុជា” ស្តីពី វគ្គបណ្តុះបណ្តាលជំនាញវិជ្ជាជីវៈពន្ធដារ នៅថ្ងៃទី ២ ខែវិច្ឆិកា លោក លី ចាន់ធី បានបន្ថែមថា សម្រាប់វគ្គបណ្ដុះបណ្ដាលជំនាញវិជ្ជាជីវៈមានទាំងអនឡាញ និងផ្ទាល់ គឺផ្ដោតសំខាន់ទៅសិក្ខកាមដែល មានបំណងចង់ចេះផ្នែកពន្ធដារ ដើម្បីយកចំណោះដឹងផ្នែកនេះ ទៅបម្រើការងារ ឬប្រកបវិជ្ជាជីវៈភ្នាក់ងារពន្ធដារជាដើម។
បន្ថែមពីលើនេះទៀត លោកនាយករងសសាលជាតិពន្ធដារ បានគូរបញ្ជាក់ថា សម្រាប់រយៈពេលសិក្សានៅក្នុងមួយវគ្គប្រហែលជា ៤ ខែ ចំពោះវគ្គសិក្សាលើជំនាញវិជ្ជាជីវៈពន្ធដារ។ ជាងនេះទៅទៀត ការទទួលបានអាហារូបករណ៍ ៥០ ភាគរយនេះ មិនត្រូវឱ្យមានការប្រឡងនោះទេ សំខាន់ឱ្យតែចុះឈ្មោះទាន់ពេលវេលាតាមកាលកំណត់។
សូមបញ្ជាក់ថា អគ្គនាយកដ្ឋានពន្ធដារបានបើវគ្គបណ្ដុះបណ្ដាលជាច្រើនកន្លងមកហើយ រួមមាន៖ វគ្គបណ្ដុះបណ្ដាលការ ប្រកាសអាករលើតម្លៃបន្ថែមតាមវិធីគិតអាករជំនួស (REVERSE CHARGE) និងការប្រើប្រាស់សេវាអេឡិចត្រូនិកពន្ធ ដារ, ស្ដីពីវគ្គបណ្ដុះបណ្ដាលស្ដីពីជំនាញលើប្រាក់ចំណូល និងនីតិវិធីរៀបចំលិខិតប្រកាសពន្ធលើប្រាក់ចំណូល, ស្ដីពីវគ្គ បណ្ដុះបណ្ដាលខ្លីៗលើប្រភេទពន្ធ-អាករមួយចំនួនសម្រាប់និសិ្សតតាមសាកលវិទ្យាល័យ, និងស្ដីពីវគ្គបណ្ដុះបណ្ដាល ស្ដីពីប្រព័ន្ធសម្រាប់ស្នើសុំអាជ្ញាប័ណ្ណសេវាកម្មពន្ធដារជូនភ្នាក់ងារសេវាកម្មពន្ធដារ ជាដើម៕
អត្ថបទ៖ ផល ធារិត
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា