ព័ត៌មានជាតិ
ខេត្តបាត់ដំបងបញ្ជូនទូក ៥ មកប្រកួតនៅភ្នំពេញ មានទូកដ៏ល្បីនៅវត្តឯករង្សីក៏មានឈ្មោះប្រកួតនៅឆ្នាំនេះ
ខេត្តបាត់ដំបងបានបញ្ជូនទូកចំនួន ០៥ មកចូលរួមការប្រកួតពិធីបុណ្យអុំទូកនៅរាជធានីភ្នំពេញ។ ទូក «នរិន្ទរង្សីសពិជ័យចិត្របុត្រ» របស់វត្តឯករង្សី នៅស្រុកឯកភ្នំ ក៏នឹងបង្ហាញវត្តមានសម្រាប់ការប្រកួតថ្នាក់ជាតិដ៏ធំមួយនេះ។
ទូក «នរិន្ទរង្សីសពិជ័យចិត្របុត្រ» ត្រូវបានពលរដ្ឋខេត្តបាត់ដំបងប្រសិទ្ធនាមជាអធិរាជដងស្ទឹងសង្កែដោយសារជាទូកប្រកួតមិនដែលចាញ់ ហើយកាលពីប្រកួតថ្នាក់ខេត្តរៀបចំកាលពីពេលថ្មីៗនេះ ទូកវែងប្រពៃណីដ៏ល្បីល្បាញនេះនៅតែរក្សាកំណត់ត្រាដោយទទួលបានជយលាភីលេខ ១ ក្នុងចំណោមទូកងវែងប្រពៃណីជាតិចំនួន ០៦ ដែលចូលរួមប្រកួត។
![](https://www.kampucheathmey.com/wp-content/uploads/2023/11/បាត់ដំបង-1024x614.jpg)
បើតាមមន្ត្រីរដ្ឋបាលខេត្តបាត់ដំបងបានឲ្យដឹងថា ក្រោយបញ្ចប់ការប្រកួតប្រណាំងនៅថ្នាក់ខេត្ត គណះកម្មាធិការរៀបចំការប្រណាំងបានកំណត់យកទូកចំនួន ០៥ ដើម្បីត្រៀមទៅប្រកួតប្រណាំងនៅថ្នាក់ជាតិនៅរាជធានីភ្នំពេញនាពេលខាងមុខនេះ។
ទូកដែលត្រៀមខ្លួនចូលប្រកួតនៅរាជធានីភ្នំពេញទាំង ០៥ ទូក ក្នុងនោះមានទូកខ្លីប្រពៃណីជាតិដែលមានចំណុះ ២២ នាក់ចំនួន ២ ទូក និងទូកងខ្នាតវែងចំណុះ ៦៩-៩៥ នាក់ចំនួន ៣ ទូក ដែលនឹងធ្វើដំណើរតាមផ្លូវគោកផងនិងផ្លូវទឹកផង។
ទូកទាំង ៥ ដែលបានត្រៀមខ្លួនទៅប្រកួតនៅថ្នាក់ជាតិខាងមុខនេះរួមមាន÷
១-(នរិន្ទរង្សី សពិជ័យ ចិត្របុត្រ) ទូកវត្តឯករង្សី ស្រុកឯកភ្នំ
២-(ភូពុយ សុវណ្ណរាជសីហ៍ បារមីបន្ទាយមហានគរ) ទូករបស់ឧកញ្ញ៉ា ភូ ពុយ
៣-(សុវណ្ណេកេក្រាបាត់ដំបងសជ័យ) ទូករបស់សាលាក្រុងបាត់ដំបង
៤- (រាជសីហ៍សែនជ័យ) ទូកស្នងការខេត្តបាត់ដំបងខ្នាតខ្លីចំណុះ ២២ នាក់
៥- (កាកបាទក្រហមសជ័យបារមីតេជោ) ទូកសាខាកាកបាទក្រហមខេត្តបាត់ដំបងចំណុះ ២២ នាក់៕
អត្ថបទ៖ សៅ សារិទ្ធ
-
សន្តិសុខសង្គម១ សប្តាហ៍ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម១ សប្តាហ៍ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម១ សប្តាហ៍ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៧ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ១ សប្តាហ៍ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៥ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៤ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ២ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ