ព័ត៌មានជាតិ
បណ្ឌិត សុខ ទូច លើកពីសក្តានុពលទេសចរណ៍ ៥ ទាក់ទាញអ្នកទេសចរ និងវិនិយោគគិនចិន
(ចឹងចូវ)៖ ចំពោះមុខគណៈប្រតិភូខេត្តហឺណាន បណ្ឌិតសភាសង្គមវិទ្យាសាស្ត្រចិន និងគណៈប្រតិភូមកពីអាស៊ាន លោកបណ្ឌិត សុខ ទូច ប្រធានរាជបណ្ឌិត្យសភាកម្ពុជា បានលើកឡើងពីសក្តានុពល និងសារសំខាន់នៃវិស័យទេសចរណ៍កម្ពុជា ចំនួន៥ប្រភេទ ដើម្បីទាក់ទាញអ្នកទេសចរ និងវិនិយោគគិនចិន។

សក្តានុពល និងសារសំខាន់នៃវិស័យទេសចរណ៍កម្ពុជា ទាំង៥ប្រភេទ ដែលលោកបណ្ឌិតបានលើកឡើងក្នុងវេទិកាអភិវឌ្ឍផ្លូវសូត្រអាកាសថ្មី “ចឹងចូវ-កម្ពុជា-អាស៊ាន” នាទីក្រុងចឹងចូវ ខេត្តហឺហាន ប្រទេសចិន នាព្រឹកថ្ងៃទី០៣ វិច្ឆិកា ឆ្នាំ២០២៣ នេះ រួមមានទេសចរតំបន់ឆ្នេរ ទេសចរវប្បធម៌ ទេសចរបរិស្ថាន ទេសចរបឹងទន្លេសាប-ទន្លេមេគង្គ និងកសិទេសចរ។
លោកបណ្ឌិតលើកឡើងថា ប្រទេសកម្ពុជាមានឆ្នេរសមុទ្រដ៏ស្រស់ស្អាត ជាប់ចំណាត់ថ្នាក់លេខ១ មានប្រាសាទអង្គរ ប្រាសាទព្រះវិហារ ប្រាសាទកោះករ សំបូរព្រៃគុក ដែលជាសម្បត្តិបេតិកភណ្ឌរូបី និងអរូបី សម្រស់ទន្លេសាប-ទន្លេមេគង្គ ដែលផ្តល់នូវទឹក ត្រីគ្រប់រដូវកាល មានផលិតផលកសិឧស្សាហកម្មសំខាន់ៗ ដូចជាស្រូវ ស្វាយចន្ទី ម្រេច ជាងនេះទៀតប្រពៃណីរស់នៅរបស់ប្រជាពលរដ្ឋខ្មែរ ដែលប្រកបដោយភាពញញឹមរួសរាយរាក់ទាក់ពីធម្មជាតិ។

លោកបណ្ឌិតបានសង្កត់ធ្ងន់ថា ទាំងអស់នេះគឺជាសក្តានុពលខ្លាំងក្លា របស់វិស័យទេសចរណ៍កម្ពុជា នាពេលបច្ចុប្បន្ន តែទោះយ៉ាងណា ឱកាសនៃការផ្សព្វផ្សាយទៅកាន់អន្តរជាតិ មិនទាន់បានទូលំទូលាយនៅឡើយ ដូច្នេះវេទិកានេះ ជាឱកាសដែលរាជបណ្ឌិត្យសភាកម្ពុជា អាចផ្សព្វផ្សាយពីស្ថានភាពពិត ភាពស្រស់បំព្រងរបស់វិស័យទេសចរណ៍កម្ពុជា ទៅកាន់ពិភពលោក។
តាមរយៈបទបង្ហាញពីសក្តានុពល និងសារសំខាន់នៃវិស័យទេសចរណ៍កម្ពុជា ប្រធានរាជបណ្ឌិត្យសភាកម្ពុជារូបនេះ សង្ឃឹមថា ភាគីចិនដែលជាមិត្តដែលថែប នឹងជួយផ្សព្វផ្សាយពីសក្តានុពលទេសចណ៍កម្ពុជា ជំរុញការវិនិយោគ ពិសេសទៅទស្សនាប្រទេសកម្ពុជា ឱ្យបានកាន់តែច្រើនបន្ថែមទៀត៕

-
ចរាចរណ៍៣ ថ្ងៃ ago
ស្នងការរងខេត្តឧត្ដរមានជ័យម្នាក់ គាំងបេះដូងស្លាប់ពេលបើកបររថយន្ដ រួចជ្រុលបុករថយន្តមួយគ្រឿងទៀត
-
ព័ត៌មានជាតិ១ ថ្ងៃ ago
សមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
-
ព័ត៌មានជាតិ២ ថ្ងៃ ago
សម្តេចធិបតី៖ ការប្រគល់វត្ថុបុរាណពីថៃជូនកម្ពុជាវិញ ជាការវិលត្រឡប់ដួងព្រលឹងបុព្វបុរសខ្មែរ
-
សុខភាព៤ ថ្ងៃ ago
ដំណឹងល្អ! កម្ពុជានឹងដាក់ឱ្យប្រើប្រាស់ថ្នាំព្រឹបប្រភេទចាក់បង្ការ មុនពេលប្រឈមនឹងការឆ្លងមេរោគអេដស៍ នៅខែឧសភា ខាងមុខ
-
ព័ត៌មានអន្ដរជាតិ២ ថ្ងៃ ago
លើកនេះ រុស្ស៊ី ដាក់លក្ខខណ្ឌស្រួលមួយទៅអ៊ុយក្រែន បើចង់ចរចា ឈានទៅការបញ្ចប់សង្គ្រាមមែន
-
សន្តិសុខសង្គម១ ថ្ងៃ ago
នគរបាលរាជធានី ឃាត់ខ្លួនអនុប្រធានគណបក្សកម្លាំងជាតិ មួយរូប ពីបទ ញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម
-
ព័ត៌មានអន្ដរជាតិ៦ ថ្ងៃ ago
ត្រាំ ប្រកាសថា អាចនឹងលែងជួយបញ្ចប់សង្គ្រាមរុស្ស៊ី-អ៊ុយក្រែន បើមើលទៅ ពិបាកពេក
-
ព័ត៌មានអន្ដរជាតិ៥ ម៉ោង ago
ក្រោយបញ្ចប់ទស្សនកិច្ចនៅកម្ពុជា២ថ្ងៃ នាយករដ្ឋមន្ត្រីថៃ ផែថងថាន ចូលសម្រាកពេទ្យ