៣ឆ្នាំចុងក្រោយនេះ កម្ពុជាមានកូនផ្សោតកើតថ្មី១៨ក្បាល និងស្លាប់៥៤ក្បាល

ចាប់ពីឆ្នាំ២០២១ រហូតមកដល់ខែវិច្ឆិកា ឆ្នាំ២០២៣នេះ កម្ពុជាមានកូនផ្សោតកើតថ្មីចំនួន១៨ក្បាល និងស្លាប់ចំនួន៥៤ក្បាល ក្នុងនោះនៅឆ្នាំ២០២២មានស្លាប់ច្រើនជាងគេរហូតដល់ទៅជាង១០ក្បាល។

យោងតាមរបាយការណ៍របស់ក្រសួងកសិកម្ម រុក្ខាប្រមាញ់ និងនេសាទ​បានឱ្យដឹងថា ក្នុងចំណោមកូនផ្សោតកើតថ្មី១៨​ក្បាល និងស្លាប់៥៤ក្បាល ក្នុងនោះឆ្នាំ២០២១មានកូនផ្សោតកើតថ្មីចំនួន៤ក្បាល និងស្លាប់ចំនួន៩ក្បាលឆ្នាំ២០២២​មានកូនផ្សោតកើតថ្មីចំនួន៦ក្បាល និងស្លាប់ចំនួន១១ក្បាល និងឆ្នាំ២០២៣គិតត្រឹមខែវិច្ឆិកាមានកូនផ្សោតកើតថ្មីចំនួន៨​ក្បាល​ និងស្លាប់ចំនួន៤ក្បាលក្នុងនោះមាន១ក្បាលទើបកើតថ្មីមានអាយុប្រមាណ២ថ្ងៃ ត្រូវប្រទះឃើញនៅរសៀលថ្ងៃទី៤ ខែវិច្ឆិកា ឆ្នាំ២០២៣ តាមរយៈការផ្ដល់ដំណឹងពីអ្នករត់ទូកទេសចរណ៍នៅអន្លង់ផ្សោតកាំពី ខេត្តក្រចេះ ក្រុមការងាររបស់រដ្ឋបាលជលផល និងអង្គការ WWF បានចុះទីដល់ទីតាំង និងថតបានរូបថតកូនផ្សោតនេះដែលកំពុងហែលលេងក្នុងក្រុមហ្វូងសត្វផ្សោតប្រមាណ៦ក្បាល ក្នុងអន្លង់កាំពី ភូមិកាំពី ឃុំសំបុក ស្រុកចិត្របុរី ខេត្តក្រចេះ ដែលមានចំណុចនិយាមកា ៤៨P:០៦១០៤០៥ និង UTM: ១៣៩០៨៧៧។

បើតាមការអង្កេតជាក់ស្តែងរយៈពេលប្រមាណ២ម៉ោង ក្រុមការងាររដ្ឋបាលជលផល និងអង្គការ WWF សង្កេតឃើញថា ពុំមានសកម្មភាពបំពានណាមួយពីសំណាក់សត្វផ្សោតធំមកលើកូនផ្សោតទើបនឹងកើតថ្មីនោះទេ៕

អត្ថបទ៖ សំអឿន