ព័ត៌មានជាតិ
សម្តេច ម៉ែន សំអន សម្តែងការអបអរចំពោះអាកាសយានដ្ឋានអន្តរជាតិសៀមរាបអង្គរដែលល្បីរន្ទឺរហូតសារពត៏មានពិភពលោក៥ធំៗចុះផ្សាយ
សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ បានសម្តែងការអបអរសាទរចំពោះអាកាសយានដ្ឋានអន្តរជាតិសៀមរាបអង្គររបស់ប្រទេសកម្ពុជា ដែលល្បីរន្ទឺរហូតសារពត៏មានពិភពលោកចំនួន៥ធំៗបានចុះផ្សាយ។
សម្តេចកិត្តិសង្គហបណ្ឌិត ម៉ែន សំអន សម្តែងការអបអរបែបនេះ ខណៈអញ្ជើញទស្សនាអាកាសយានដ្ឋានអន្តរជាតិសៀមរាប-អង្គរ ស្ថិតនៅក្នុងឃុំតាយ៉ែក ស្រុកសូទ្រនិគម ខេត្តសៀមរាប នាព្រឹកថ្ងៃអាទិត្យ ទី៥ ខែវិច្ឆិកា ឆ្នាំ២០២៣។
គួររំលឹកផងដែរថា អាកាសយានដ្ឋានអន្តរជាតិសៀមរាបអង្គរ បានចាប់ផ្តើមសាងសង់កាលពីខែមីនា ឆ្នាំ២០២០ ដែលមានចម្ងាយពីប្រាសាទអង្គរវត្ត៤០គីទ្បូម៉ែត្រ និង៥១គីទ្បូម៉ែត្រពីក្រុងសៀមរាប។ អាកាសយានដ្ឋានថ្មីនេះ ស្ថិតក្នុងលំដាប់4E មានផ្លូវរត់ប្រវែង ៣,៦០០ម៉ែត្រ និងទទឹងប្រវែង៤៥ម៉ែត្រ មាន៣៨ ចំណតយន្តហោះ និងមានក្រឡាផ្ទៃស្ថានីយ អ្នកដំណើរជាង ៨ម៉ឺនម៉ែត្រក្រឡា ដែលអាចទទួលអ្នកដំណើរជាប្រចាំឆ្នាំប្រមាណជាង ៧លាននាក់។
តាមរយៈ អាកាសយានដ្ឋានអន្តរជាតិសៀមរាប-អង្គរនេះមិនត្រឹមតែបានទទួលការចាប់អារម្មណ៍ពី ប្រជាពលរដ្ឋក្នុងស្រុកនោះទេ គឺមានភាពល្បីល្បាញដល់អន្តរជាតិរហូតដល់មានសារព័ត៌មានល្បីៗចំនួន ៥ បានចុះផ្សាយអំពីព្រលាន្តយន្តហោះមួយនេះ ដែលក្នុងនោះរួមមាន ៖
១. សារព័ត៌មានអាមេរិក CNN បានចុះផ្សាយកាលពីថ្ងៃទី១៨ ខែតុលា ឆ្នាំ២០២៣ មានចំណងជើងថា៖ “ព្រលានយន្តហោះថ្មី និងធំជាងគេបំផុតរបស់កម្ពុជា បើកនៅខេត្តសៀមរាប ជាច្រកចូលអង្គរវត្តដែលបានចុះបញ្ជីដោយយូណេស្កូ”។
២. សារព័ត៌មានអាមេរិក Medium បានចុះផ្សាយកាលពីថ្ងៃទី១៩ ខែតុលា ឆ្នាំ២០២៣ មានចំណងជើងថា “ ស្វែងយល់ពីភាពល្អ នៃអាកាសយានដ្ឋានអន្តរជាតិសៀមរាប”។
៣. សារព័ត៌មានអាមេរិក Fox News បានចុះផ្សាយកាលពីថ្ងៃទី១៦ ខែតុលា ឆ្នាំ២០២៣នេះថា “ កម្ពុជាបើកព្រលានយន្តហោះអន្តរជាតិថ្មីនៅជិតប្រាសាទអង្គរវត្ត”។
៤. សារព័ត៌មានតំបន់អឺរ៉ុប euronews បានចុះផ្សាយកាលពីថ្ងៃទី១៧ ខែតុលា ឆ្នាំ២០២៣ ដែលមានចំណងជើងថា “ចង់ទៅលេងអង្គរវត្តទេ? អាកាសយានដ្ឋានថ្មី និងធំជាងគេបំផុតរបស់កម្ពុជា អាចនឹងបង្កភាពងាយស្រួលជាងមុន”។
៥. សារព័ត៌មានអូស្រា្តលី Couriermail បានចុះផ្សាយកាលពីថ្ងៃទី១៨ ខែតុលា ឆ្នាំ២០២៣ ពីវិស័យទេសចរណ៍នៅកម្ពុជា និងបានលើកឡើងពីផលវិបាកនៃទេសចរណ៍មួយចំនួន ក្នុងខេត្តសៀមរាប ក្រោយវិបត្តិជំងឺនិងសេដ្ឋកិច្ចដោយសារសង្រ្គាមសកលលោកមួយចំនួន ប៉ុន្តែ ខេត្តដ៏ផូរផង់មួយនេះមានក្តីសង្ឃឹមឡើងវិញក្រោយព្រលានយន្តហោះថ្មីបានបើកដំណើរការ៕
អត្ថបទ៖ វិមាន
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
-
ព័ត៌មានអន្ដរជាតិ១៥ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?