ព័ត៌មានជាតិ
អាណាព្យាបាលសិស្ស រំពឹងថា កូនៗរបស់គាត់ នឹងទទួលជោគជ័យក្នុងថ្ងៃប្រឡងបាក់ឌុប
ឪពុកម្ដាយ ឬ អាណាព្យាបាលសិស្សប្រឡងសញ្ញាបត្រមធ្យមសិក្សាទុតិយភូមិ នៅមណ្ឌលវិទ្យាល័យព្រះស៊ីសុវត្ថិ បានសម្ដែងការជឿជាក់ និងរំពឹងខ្ពស់ថា កូនៗរបស់ពួកគាត់ នឹងទទួលបានជោគជ័យក្នុងថ្ងៃប្រឡងរយៈពេល ២ ថ្ងៃនេះ។ ហើយពួកគាត់ក៏បានអះអាងថា កូនៗរបស់គាត់ បានខិតខំរួចជាស្រេច តាំងពីមុនថ្ងៃប្រឡងឈានចូលមកដល់មកម្ល៉េះ។
អ្នកស្រី ជា សុភាព អាណាព្យាបាលសិស្សនៅមណ្ឌលវិទ្យាល័យព្រះស៊ីសុវត្ថិ បានប្រាប់កម្ពុជាថ្មីថា អ្នកស្រី មកពីខេត្តពោធិ៍សាត់ ដើម្បីមកលើកទឹកចិត្តកូនស្រី ដែលត្រូវប្រឡងនៅភ្នំពេញ។ ក្នុងនោះ ដោយសារកូនស្រីអ្នកស្រី បានផ្លាស់សាលាមករៀននៅភ្នំពេញមានរយៈពេល ៣ ឆ្នាំ មកហើយ។
អ្នកស្រី ជា សុភាព រំពឹងថា កូនស្រីរបស់គាត់ នឹងទទួលបាននិទ្ទេសល្អ សក្ដិសមនឹងសមត្ថភាពដែលខិតខំរៀនសូត្រកន្លងមកនេះ ដោយហេតុថា នាងជាមនុស្សឧស្សាហ៍ព្យាយាម មិនថាការរៀនសូត្រ ឬ ការងារផ្ទះនោះឡើយ។
ដោយឡែក លោក គុជ ដេត អាណាព្យាបាលសិស្សវិទ្យាល័យព្រះស៊ីសុវត្ថិ ក៏បានប្រាប់ឲ្យកម្ពុជាថ្មីដឹងដែរថា សម្រាប់រូបលោកផ្ទាល់ មិនហ៊ានរំពឹងខ្ពស់ទៅលើសមត្ថភាពកូនរបស់ខ្លួននោះឡើយ។ តែអ្វីដែលដឹងច្បាស់នោះ គឺកូនប្រុសរបស់លោក ជាសិស្សឧស្សាហ៍រៀនសូត្រ និងទទួលបានលទ្ធផលកម្រិតមធ្យមរហូតមកហើយ។ ទោះបីជាយ៉ាងណាក៏ដោយ លោក គុជ ដេត ក៏មានសង្ឃឹម និងជូនពរកូនប្រុសរបស់គាត់ពីចម្ងាយឲ្យទទួលបានជោគជ័យ និងនិទ្ទេសល្អមួយ ក្នុងការប្រឡងរយៈពេល ២ ថ្ងៃ នេះដែរ។
ចំណែក អ្នកស្រី សោម កញ្ញា ដែលជាអាណាព្យាបាលសិស្សដែរនោះ ក៏បានប្រាប់ឲ្យដឹងថា អ្នកស្រី មកពីស្រុកព្រៃឈរ ខេត្តកំពង់ចាម ដើម្បីមកលើកទឹកចិត្តកូនស្រី ដែលត្រូវប្រឡងនៅមណ្ឌលវិទ្យាល័យព្រះស៊ីសុវត្ថិ រយៈពេល ២ ថ្ងៃ នេះ។ មានអាជីពជាគ្រូបង្រៀនស្រាប់ អ្នកស្រី សោម កញ្ញា រំពឹងថា កូនស្រីរបស់គាត់ នឹងទទួលបាននិទ្ទេសល្អមួយ។ អ្នកស្រី ថា គាត់អះអាងបែបនេះ ពីព្រោះ បានតាមដានការសិក្សា និងបង្ហាត់បង្រៀនកូន ឲ្យចេះធ្វើលំហាត់ និងសំណេរតែងសេចក្ដី ជាញឹកញាប់ដែរមកហើយ។ អ្នកស្រី សោម កញ្ញា បន្ថែមថា «ខ្ញុំរំពឹងខ្ពស់ថា កូនស្រីរបស់ខ្ញុំ នឹងទទួលបាននិទ្ទេសមួយដែលល្អ គឺ និទ្ទេស B ឬ និទ្ទេស C ជាដើម»។
គួរជម្រាបថា ក្រសួងអប់រំ យុវជន និងកីឡា បានចាប់ផ្តើមបើកដំណើរការប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុប សម័យប្រឡង នៅថ្ងៃទី ៦ វិច្ឆិកា នេះ ដោយមានបេក្ខជនចូលរួមប្រឡងជាង ១៣ ម៉ឺននាក់។
បើតាមក្រសួងអប់រំ ដំណើរការប្រឡងសញ្ញាបត្រមធ្យមសិក្សាទុតិយភូមិ ឬ បាក់ឌុប ឆ្នាំនេះ នឹងត្រូវប្រព្រឹត្តទៅដោយគោរពតាមគោលការណ៍ទាំង ៤ នៃការប្រឡង គឺគោលការណ៍ច្បាប់យុត្តិធម៌ តម្លាភាព និងលទ្ធផលទទួលយកបាន ពោលគឺ“អ្នកចេះជាប់”។
សូមបញ្ជាក់ដែរថា ឆ្នាំនេះ ក្រសួង បានរៀបចំការប្រឡងបាក់ឌុបរយៈពេល ២ ថ្ងៃ គឺ ថ្ងៃទី ០៦ និងថ្ងៃទី ០៧ ខែវិច្ឆិកា ឆ្នាំ ២០២៣ មានបេក្ខជនចុះឈ្មោះប្រឡងសរុបចំនួន ១៣៧.៤១២ នាក់ កើនឡើងជាងឆ្នាំមុន (៩២៧៧ នាក់) ស្រី ៧៣.២៧៨ នាក់ ចែកជា ២២៧ មណ្ឌល ត្រូវជា ៥.៥៤៣ បន្ទប់។ ក្នុងនោះ បេក្ខជនថ្នាក់វិទ្យាសាស្ត្រមានចំនួន ៤១.៣៧៩ នាក់ (ស្រី ២៤៧៨៩ នាក់) បេក្ខជនថ្នាក់វិទ្យាសាស្ត្រសង្គម ៩៦.០៣៣ នាក់ (ស្រី ៤៨.៤៨៩ នាក់)។ ចំណែកគណៈមេប្រយោគ និងគណៈកម្មការផ្សេងៗ ដែលត្រូវចូលរួមក្នុងដំណើរការប្រឡងនៅគ្រប់ដំណាក់កាលមានចំនួនសរុប ២៩.៥២៥ នាក់ ក្នុងនោះមកពីថ្នាក់ក្រសួង ៤.១២៦ នាក់ និងមកពីថ្នាក់រាជធានី-ខេត្ត ២៥.៣៩៩ នាក់។
ជាមួយគ្នានេះ ក្រសួង នឹងកំណត់យកថ្ងៃទី ២៨ ខែវិច្ឆិកា ឆ្នាំ ២០២៣ ពេលរសៀល សម្រាប់ការប្រកាសលទ្ធផលប្រឡងនៅរាជធានីភ្នំពេញ និងខេត្តកណ្ដាល និងនៅថ្ងៃទី ២៩ ខែវិច្ឆិកា ឆ្នាំ ២០២៣ សម្រាប់ខេត្តផ្សេងៗ នៅទូទាំងប្រទេស៕
អត្ថបទ ៖ សួស សិត
សហជីព និងពលរដ្ឋឈប់ជឿ អ៊ុំ សំអាន ព្រោះជាមនុស្សធ្លាប់ជាប់គុកដោយសារនិយាយកុហករឿងព្រំដែន
លោក ត្រាំ ព្រមានក្រុមប្រទេស BRICS ជុំវិញរឿងប្រឆាំងនឹងការប្រើប្រាស់លុយដុល្លារអាមេរិក
សម្ដេច ប៊ុន រ៉ានី អំពាវនាវឱ្យគ្រប់ភាគីរួមគ្នាជាមួយរដ្ឋាភិបាលដើម្បីលុបបំបាត់ជំងឺអេដស៍
ថ្ងៃទី២ធ្នូ គណៈកម្មាធិការអចិន្ត្រៃយ៍ព្រឹទ្ធសភា នឹងពិនិត្យលើច្បាប់ហិរញ្ញវត្ថុឆ្នាំ២០២៥
លោក សុះ ម៉ាច លះបង់ងារជាឯកឧត្តម ព្រោះមនសិការស្រលាញ់ការពារថែរក្សាសិល្ប:
ក្រុមហ៊ុន Royal Railway បញ្ជាទិញទូរថភ្លើងដឹកទំនិញ ៦០ គ្រឿងបន្ថែមទៀតពីប្រទេសចិន
ថ្ងៃ២ធ្នូ រណសិរ្សសាមគ្គីអភិវឌ្ឍន៍មាតុភូមិកម្ពុជា នឹងរៀបចំមិទ្ទីងអបអរខួប៤៦ឆ្នាំរបស់ខ្លួន
អ៊ុយក្រែន ថា សង្គ្រាមបានបំផ្លាញអាកាសយានដ្ឋានស៊ីវិលរបស់ខ្លួនស្ទើរតែអស់
អ្នកតាមដាននយោបាយ ជឿថា រាជរដ្ឋាភិបាលកម្ពុជា នឹងមិនយកអធិបតេយ្យភាពទៅដោះដូរនឹងប្រព័ន្ធEBAរបស់អឺរ៉ុបឡើយ
មហាជនរិះគន់ Jung Woo Sung ចាត់ទុក Blue Dragon Film Awards លាងរឿងអាស្រូវផ្ទាល់ខ្លួន
-
ព័ត៌មានអន្ដរជាតិ១ សប្តាហ៍ agoពិតទេ ដែលថា កងទ័ពដីឥដ្ឋនៅផ្នូរអធិរាជ ឈិនស៊ី បង្កើតឡើងពីសាកសពមនុស្ស
-
សន្តិសុខសង្គម៣ ថ្ងៃ agoផ្អើលទូងស្គរកណ្ដាលយប់នៅវត្តពោធិ៍ញ្ញាណ ខណៈមានសង្ឃ ២ អង្គ ឆាន់ស្រាក្នុងកុដិ
-
ព័ត៌មានជាតិ១ ថ្ងៃ agoស្ពានដីឥដ្ឋ-ថ្មគរ ឆ្លងទន្លេភ្ជាប់ទៅផ្លូវល្បឿនលឿនភ្នំពេញបាវិត ចាប់ផ្តើមចុះគ្រឿងចក្របើកការដ្ឋានសាងសង់
-
ជីវិតកម្សាន្ដ១ ថ្ងៃ agoសុខោទ័យ អ្នកនិពន្ធបទ«សែកមន្ដ» ចេញបញ្ជាក់ពីការសហការប្រគល់សិទ្ធិ ក្នុងការផលិតបទ”សែកមន្ត”ជាមួយGalaxy Navatra
-
ជីវិតកម្សាន្ដ៦ ថ្ងៃ agoL-D-A ចេញបទចម្រៀង « អូសវ៉ាលី » មិនបានប៉ុន្មានផងមានអ្នកល្បីៗយកទៅ Reaction ទូទាំងប្រទេស !
-
បច្ចេកវិទ្យា៥ ថ្ងៃ agoស្មាតហ្វូនដែលបំពាក់កាមេរ៉ាល្អដាច់គេ OPPO Find X8 Series ដាក់សម្ពោធហើយនៅប្រទេសកម្ពុជា
-
ចរាចរណ៍៤ ថ្ងៃ agoរថយន្តស៊េរីទំនើប PORSCHE បើកវ៉ាជ្រុលបុក LEXUS RX330 រងការខូចខាតយ៉ាងដំណំ
-
ជីវិតកម្សាន្ដ១ ថ្ងៃ agoជាងច្នៃម៉ូដសម្លៀកបំពាក់ បទ «សែកមន្ត» ចេញមុខមកពន្យល់រឿងសម្លៀកបំពាក់ដែល ព្រាប សុវត្ថិ ស្លៀកថតក្នុង «MV»