ព័ត៌មានជាតិ
រដ្ឋមន្រ្តីក្រសួងរ៉ែ បញ្ជាឲ្យផ្អាកចេញអាជ្ញាប័ណ្ណវាយថ្មសំណង់ ក្នុងកិច្ចការពារធនធានធម្មជាតិ
នៅក្នុងកិច្ចប្រជុំក្រុមការងារផ្នែកថាមពលនិងធនធានរ៉ែក្នុងវេទិការាជរដ្ឋាភិបាល-ផ្នែកឯកជនកាលពីថ្ងៃទី១ ខែវិច្ឆិកា ឆ្នាំ២០២៣ លោក កែវ រតន: រដ្ឋមន្ត្រីក្រសួងរ៉ែ និងថាមពល បានបញ្ជាឲ្យផ្អាកចេញអាជ្ញាប័ណ្ណការដ្ឋានវាយថ្មសំណង់ទូទាំងប្រទេសដើម្បីជាកិច្ចចូលរួមចំណែកថែរក្សាការពារតម្លៃនៃធនធានធម្មជាតិ។
នៅក្នុងកិច្ចប្រជុំដោយមានការចូលរួមពីថ្នាក់ដឹកនាំជាន់ខ្ពស់ និងតំណាងសមាគមវិស័យរ៉ែ និងថាមពល លោករដ្ឋមន្រ្តីបានបញ្ជាក់ថា លោកបានដាក់បទបញ្ជារួចហើយមិនឲ្យមានការចេញអាជ្ញាប័ណ្ណការដ្ឋានវាយថ្មសំណង់ទៀតទេ លុះត្រាតែមានការពិនិត្យឡើងវិញសិន ដោយចង់ឲ្យការអភិរក្សមានតុល្យភាពជាមួយការអភិវឌ្ឍន៍។
ការផ្គត់ផ្គង់ថ្មសំណង់បច្ចុប្បន្ននេះមិនខ្វះទេ អាចផ្គត់ផ្គង់ជាមួយស្ថិរភាពថ្លៃមួយសមរម្យ។ បើតាមលោករដ្ឋមន្រ្តីក៏មិនហាមឃាត់អ្នកណាចង់ធ្វើអាជីវកម្មនោះដែរ បើគោរពលក្ខខណ្ឌគ្រប់គ្រាន់តែក៏ត្រូវថ្លឹងថ្លែងពីកិច្ចការអភិរក្ស។
«ភ្នំខ្លះមានតម្លៃផ្នែកប្រវត្តិសាស្ត្រ ភ្នំខ្លះមានតម្លៃវប្បធម៌ តម្លៃអេកូទេសចរណ៍ ក៏ដូចជាការកែលម្អ។ បើយើងជិះឡានទៅកំពង់សោមភ្នំតួចភ្នំធំឆែបទាំងអស់ ឆែកច្រមុះឆែកមាត់ដែលមិនមានការចាំបាច់»។
លោកបានណែនាំឲ្យអគ្គនាយកដ្ឋានរ៉ែ ធ្វើការជាមួយមន្ទីររ៉ែនិងថាមពលគ្រប់ខេត្តក្រុង និងឈានទៅពិគ្រោះជាមួយខាងផ្នែកវប្បធម៌ និងទេសចរណ៍។
«យើងមិនចង់ឲ្យភ្នំនាងកង្រីទៅជាទំនាបនោះទេ ថ្មយើងដោះស្រាយថ្ម តែមិនត្រូវភ្នំទាំងអស់ត្រូវឆែបទាំងអស់នោះទេ។ ភ្នំណាក៏ឆែបភ្នំណាក៏ឆត។ អីចឹងទេការពិនិត្យឡើងវិញ ៦ ទៅ ៧ ខែ នេះអាចនិយាយជាការកំណត់ Supply មួយក៏ថាបាន ប៉ុន្តែក៏ជាអភិរក្សមួយដើម្បីឈានទៅការអនុវត្ត»។
ទាក់ទងការស្នើលើបញ្ហាការកំណត់ថ្លៃថ្មសំណង់ លោករដ្ឋមន្ត្រីឆ្លើយតបថាមិនអាចធ្វើបាននោះទេព្រោះជាទីផ្សារសេរី។ នៅក្នុងសេដ្ឋកិច្ចទីផ្សារសេរីគេអត់ធានាថ្លៃទេ។ រដ្ឋាភិបាលមានកាតព្វកិច្ចត្រឹមឲ្យមានការប្រកួតប្រជែងដោយស្មើភាព តម្លាភាព គោរពច្បាប់ដូចគ្នា។
លោករដ្ឋមន្រ្តីបញ្ជាក់ថា ក្រុមហ៊ុនខ្លះជួបបញ្ហាដោយសារការគ្រប់គ្រងមិនបានល្អ។ ក្នុងសេដ្ឋកិច្ចទីផ្សារសេរី បើសិនរដ្ឋាភិបាលលូកដៃវាខុសច្បាប់ ហើយប៉ះពាល់ប្រជាពលរដ្ឋអាចប្រតិកម្មថែមទៀត។
«ពេលមានការប្រកួតប្រជែងគ្នាដោយស្មើភាព យើងអាចឆ្លើយជាមួយប្រជាជនថាជាតម្លៃសមស្រប ទោះបីតម្លៃបែបណាក៏ដោយ។ បើសិនដេញថ្លៃឃើញប៉ុណ្ណា អ្នកទទួលក៏អស់ចិត្តទទួលយកទាំងអស់គ្នា»។
លោកថា ទាំងរដ្ឋនិងឯកជនអាចជួយគ្នាបាន គឺជួយចាត់ការអ្នកគេចចេញពីសំណាញ់ច្បាប់ ដែលបង្កើតស្ថានភាពការប្រកួតប្រជែងមិនស្មើភាព។
បើតាមទិន្នន័យក្រសួងរ៉ែ និងថាមពល គិតត្រឹមឆ្នាំ ២០២២ មានអាជ្ញាប័ណ្ណអណ្តូងរ៉ែបើក និងការដ្ឋានវាយថ្មទូទាំងប្រទេសមានចំនួន ៤៧៨ កន្លែងកំពុងធ្វើអាជីវកម្ម៕
អភិបាលខណ្ឌសែនសុខ ចាត់ក្រុមការងារចុះណែនាំបញ្ឈប់ការដុតក្រណាត់រោចក្រកាត់ដេរយីហោ« ហ៊ុយ ម៉ីង» បង្កផ្សែងប៉ះពាល់សុខភាពប្រជាពលរដ្ឋ
អ្នកបើករថយន្តបុកស្លាប់៣នាក់ឪពុកកូននៅផ្លូវ៦០ម៉ែត្រ ត្រូវតំណាងអយ្យការចោទប្រកាន់ពីបទបើកបរបង្កគ្រោះថ្នាក់ចរាចរណ៍បណ្តាលឱ្យអ្នកដទៃស្លាប់ និងរបួស
ពលរដ្ឋនៅបាត់ដំបងតវ៉ាបិទផ្លូវទាមទារឲ្យដោះបញ្ហាស្រូវធ្លាក់ថ្លៃ ក្រសួងកសិកម្មតបថា ថាមិនបានព្រងើយបញ្ហានេះឡើយ
រកឃើញភាពមិនប្រក្រតីក្នុងការដំណើរការក្ដីរបស់តុលាការចំនួន៣៣ករណី
អ្នកនាំពាក្យ៖ ក្រសួងយុត្តិធម៌ មិនឱ្យមាន«ករណីបុកគេស្លាប់ហើយជនបង្កបង់លុយយករួចខ្លួន»កើតមានទៀតទេ
ជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
យុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
ព្រាប សុវត្ថិ ប្រកាសលក់ដីជាង ៨ហិកតានៅមណ្ឌលគិរីក្នុងតម្លៃពិសេស ជាឱកាសសម្រាប់ការវិនិយោគ
នគរបាលបញ្ជូនអ្នកបើករថយន្ដបុកម៉ូតូស្លាប់ឪពុកកូន៣នាក់នៅផ្លូវ៦០ម៉ែត្រទៅតុលាការ
គម្រោងកែលម្អសួនច្បារមាត់ទន្លេ ចំណាយថវិកាជិត ២០០ លានរៀល ផ្លាស់ប្តូរមុខមាត់ថ្មីស្រុកសំបូរទាក់ទាញទេសចរបន្ថែមទៀត
-
ព័ត៌មានជាតិ៤ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍១ សប្តាហ៍ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ចរាចរណ៍៣ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ព័ត៌មានជាតិ៥ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ជីវិតកម្សាន្ដ៣ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ចរាចរណ៍២១ ម៉ោង agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ព័ត៌មានជាតិ៣ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៥ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី