ព័ត៌មានជាតិ

កាច់សោរ ក ម៉ូតូគេបានមួយថ្ងៃត្រូវសមត្ថកិច្ចឃាត់ខ្លួន

បានផុស

៤ years មុន

នៅ

ថ្ងៃចន្ទ ៨ កុម្ភៈ ២០២១

ដោយ

តាមរបាយការណ៍ពីសមត្ថកិច្ចនៃអធិការក្រុងបាត់ដំបងបានឲ្យដឹងថា ជនសង្ស័យម្នាក់ត្រូវបានកម្លាំងសមត្ថកិច្ចដាក់ឃាត់ខ្លួនកាលពីវេលាម៉ោង០១និង០០នាទីយប់រំលងអាធ្រាត្រនាថ្ងៃទី០៦ខែកុម្ភៈ ឆ្នាំ២០២១ ដែលមានការសម្របសម្រួលនីតិវិធីពីលោកព្រះរាជអាជ្ញា គឺ ប៊ុណ្ណារ៉ា ខណៈដែលកម្លាំងជំនាញនៃអធិការក្រុងកំពុងធ្វើការល្បាតក្នុងភូមិសាស្ត្រក្នុងក្រុងបាត់ដំបង។

ជនសង្ស័យដែលត្រូវឃាត់ខ្លួនមានឈ្មោះ ចាន់ធា វិសាល ភេទប្រុសអាយុ១៨ឆ្នាំ មានទីលំនៅភូមិអូរមុន្នី ឃុំអន្លង់វិល ស្រុកសង្កែ ខេត្តបាត់ដំបង នាំមកកាន់អធិការដ្ឋាននគរបាលក្រុងបាត់ដំបងដើម្បីធ្វើការសាកសួរពាក់ព័ន្ធករណីអំពើលួច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពខាងលើបន្តថា ការឃាត់ខ្លួនជនសង្ស័យខាងលើក្រោយពីផ្នែកជំនាញព្រហ្មទណ្ឌនៃអធិការដ្ឋាននគរបាលក្រុងបាត់ដំបងបានទទួលពាក្យបណ្តឹង កាលពីថ្ងៃទី៥ខែកុម្ភៈឆ្នាំ២០២១ពីជនរងគ្រោះឈ្មោះរ៉ាយ ស្រីល័ក្ខ ភេទស្រី អាយុ២១ឆ្នាំ មានទីលំនៅភូមិបុស្សខ្នុរ ឃុំចែងមានជ័យ ស្រុកបាណន់ខេត្តបាត់ដំបង បច្ចុប្បន្នស្នាក់នៅផ្ទះជួលភូមិកម្មករ សង្កាត់ស្វាយប៉ោក្រុង ខេត្តបាត់ដំបង)ថាមានករណីអំពើលួចមានស្ថានទម្ងន់ទោស(កាច់សោរកម៉ូតូ)នៅភូមិសង្កាត់ខាងលើ។

ក្រោយពីសមត្ថកិច្ចធ្វើការសាកសួរជនសង្ស័យខាងលើនៅ ចំពោះមុខ ជនសង្ស័យបានឆ្លើយសារភាពថាខ្លួននិងបក្ខពួកម្នាក់ទៀតពិតជាបានលួចកាច់សោរកម៉ូតូរបស់ជនរងគ្រោះពិតប្រាកដមែន។ក្នុងនោះសម្ភារៈដកហូតរួមមាន ម៉ូតូម៉ាកហុងដាឌ្រីមសេ១២៥ពណ៌ខ្មៅសេរីឆ្នាំ២០១៩ពាក់ស្លាកលេខបាត់ដំបង1AF.7092។ម៉ូតូម៉ាកហុងដាវ៉េវពណ៌ខ្មៅគ្មានស្លាកលេខ។

បច្ចុប្បន្នជនសង្ស័យផ្នែកជំនាញកំពុងរៀបចំសំណុំរឿងបញ្ជូនទៅតាមនីតិវិធីច្បាប់៕

អត្ថបទ ៖ សៅ សារិទ្ធ