ព័ត៌មានជាតិ

ក្រសួងវប្បធម៌ ចុះ MOU គាំទ្រឧស្សាហកម្មវប្បធម៌ច្នៃប្រតិដ្ឋនៅកម្ពុជា

បានផុស

១ year មុន

នៅ

ថ្ងៃពុធ ៨ វិច្ឆិកា ២០២៣

ដោយ

នាថ្ងៃទី០៧ ខែវិច្ឆិកា ឆ្នាំ២០២៣ ក្រសួងវប្បធម៌និងវិចិត្រសិល្បៈបានចុះអនុស្សរណៈជាមួយសមាគមដើម្បីការអភិវឌ្ឍ និងការគាំទ្រឧស្សាហកម្មកែច្នៃនៃកម្ពុជា សំដៅគាំទ្រដល់ឧស្សាហកម្មវប្បធម៌ និងច្នៃប្រតិដ្ឋនៅក្នុងប្រទេសកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តំណាងឲ្យក្រសួងវប្បធម៌ និងវិចិត្រសិល្បៈ លោកស្រី ប៉ែន មុនីមករា បានចុះហត្ថលេខាលើអនុស្សរណៈយោគយល់គ្នារវាងក្រសួងវប្បធម៌និងវិចិត្រសិល្បៈ ជាមួយសមាគមដើម្បីការអភិវឌ្ឍនិងការគាំទ្រឧស្សាហកម្មកែច្នៃនៃកម្ពុជា។ ជាក់ស្តែង សម្រាប់ការចុះ MOU ក្នុងគោលបំណងដើម្បីអភិវឌ្ឍរចនាសម្ព័ន្ធដៃគូការងារប្រកបដោយនិរន្តរភាព និងបរិយាបន្នមួយដល់ឧស្សាហកម្មវប្បធម៌ និងច្នៃប្រតិដ្ឋនៅក្នុងប្រទេសកម្ពុជា។

ការចុះ MOU ទៀតសោត ក៏ដើម្បីពង្រឹងភាពជាដៃគូរវាងស្ថាប័នរដ្ឋ និងដៃគូឯកជនតាមរយៈការពង្រឹងសមត្ថភាព ចែករំលែកចំណេះដឹង និងផ្សព្វផ្សាយស្នាដៃសេវាកម្ម និងផលិតផលនៃឧស្សាហកម្មវប្បធម៌ និងច្នៃប្រតិដ្ឋរបស់កម្ពុជាផងដែរ៕

Related Topics:ក្រសួងវប្បធម៌ និងវិចិត្រសិល្បៈ