ព័ត៌មានជាតិ

១០ ខែ ឆ្នាំនេះ រន្ទះបាញ់កើតឡើងជាង ១៣០ លើក ស្លាប់-របួសមនុស្សជាង ១៣០ នាក់

បានផុស

១ year មុន

នៅ

ថ្ងៃពុធ ៨ វិច្ឆិកា ២០២៣

ដោយ

រយៈពេល ១០ ខែ ឆ្នាំ ២០២៣ នេះ គ្រោះរន្ទះបាញ់បានកើតឡើងជាង ១៣០ លើក បណ្ដាលឲ្យមនុស្សស្លាប់ និងរងរបួសជាង ១៣០ នាក់ ក្នុងនោះខេត្តបាត់ដំបងមានអ្នកស្លាប់ច្រើនជាងគេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សុទ្ធ គឹមកុលមុនី អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយ មានប្រសាសន៍នៅព្រឹកថ្ងៃទី ០៨ វិច្ឆិកានេះថា ១០ ខែឆ្នាំនេះ គ្រោះរន្ទះបាញ់បានកើតឡើងចំនួន ១៣៣ លើក នៅរាជធានី-ខេត្តចំនួន ១៦ បណ្តាលឲ្យខូចខាតផ្ទះសម្បែងចំនួន ១៥ ខ្នង ស្លាប់មនុស្ស ៧៥ នាក់ របួស ៥៨ នាក់ និងងាប់គោក្របី ៩៧ ក្បាល។

លោកបានបន្តថា ក្នុងចំណោមគ្រោះរន្ទះបាញ់ ១៣៣ លើក ខេត្តបាត់ដំបងកើតឡើងច្រើនជាងគេមានចំនួន ១៧ លើក បណ្តាលឲ្យស្លាប់ចំនួន ៩ នាក់ របួស ៣ នាក់ និងងាប់គោក្របី ១៥ ក្បាល បន្ទាប់មកខេត្តកំពង់ធំកើតឡើង ១២ លើក ស្លាប់ ៩ នាក់ របួស ៨ ងាប់គោក្របី ១២ ក្បាល ក្រចេះកើតឡើង ១៥ លើក បណ្តាលឲ្យមនុស្សស្លាប់ ៨ នាក់ របួស ១៧ នាក់ ងាប់គោ ១ ក្បាល សៀមរាបកើតឡើង ១២ លើក បណ្តាលឲ្យមនុស្សស្លាប់ ៦ នាក់ របួស ៧ នាក់ ងាប់គោក្របី ១៥ ក្បាល ស្វាយរៀងស្លាប់ ៤ នាក់ របួស ១ ងាប់គោក្របី ៧ ក្បាល រាជធានីភ្នំពេញស្លាប់ ១ នាក់ កណ្តាលស្លាប់ ៣ នាក់ តាកែវស្លាប់ ៣ ងាប់គោក្របី ៩ ក្បាល កំពង់ឆ្នាំងស្លាប់ ៦ នាក់ របួស ១ នាក់ ងាប់គោក្របី ៣ ក្បាល ពោធិ៍សាត់ស្លាប់ ៤ នាក់ របួស ១ នាក់ បន្ទាយមានជ័យស្លាប់ ៤ នាក់ របួស ១២ នាក់ ឧត្តរមានជ័យស្លាប់ ២ នាក់ របួស ២ នាក់ ព្រះវិហារស្លាប់ ២ នាក់ ព្រៃវែងស្លាប់ ៥ នាក់ រតនគីរីស្លាប់ ៣ នាក់ និងខេត្តស្ទឹងត្រែងស្លាប់ ៣ នាក់។

គួរបញ្ជាក់ថា រយៈពេល ១០ ខែ ឆ្នាំនេះដែរ ខ្យល់កន្ត្រាក់កើតឡើងចំនួន ២៧៩ លើក បណ្តាលឲ្យរលំផ្ទះចំនួន ២០០២ ខ្នង របើកដំបូលផ្ទះ ១២៧៥២ ខ្នង របើកដំបូលសាលារៀន ៩២ ខ្នង តូបផ្សារ ១៧៨ តូប អគាររដ្ឋបាល ៣៩ កន្លែង ស្លាប់មនុស្ស ៩ នាក់ និងរបួស ១៧០ នាក់៕

អត្ថបទ ៖ សំអឿន