Connect with us

ព័ត៌មានជាតិ

ទេសរដ្ឋមន្ត្រី អ៊ុក រ៉ាប៊ុន៖ ចលនាភូមិ១ផលិតផល១ ជាយន្តការលើកកម្ពស់សេដ្ឋកិច្ចមូលដ្ឋាន

បានផុស

នៅ

ចលនាភូមិ១ផលិតផល១ ជាយន្តការដ៏មានប្រសិទ្ធភាពក្នុងការលើកកម្ពស់ការអភិវឌ្ឍសេដ្ឋកិច្ចមូលដ្ឋាន បង្កើតការងារនៅនឹងកន្លែង កាត់បន្ថយចំណាកស្រុក និងជាពិសេសចូលរួមចំណែកកាត់បន្ថយភាពក្រីក្រនៅកម្ពុជា។ នេះជាការលើកឡើងរបស់លោកទេសរដ្ឋមន្ត្រី អ៊ុក រ៉ាប៊ុន ប្រធានគណៈកម្មាធិការជាតិជំរុញចលនាភូមិ១ផលិតផល១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងពិធីបិទសិក្ខាសាលាផ្សព្វផ្សាយស្តីពីការចងក្រងសមាជិកចលនាភូមិ១ផលិតផល១ ឆ្នាំ២០២៣ នាថ្ងៃទី៧ ខែវិច្ឆិកា លោកទេសរដ្ឋមន្ត្រី អ៊ុក រ៉ាប៊ុន បានចាត់ទុកកិច្ចការនេះ គឺជាមូលដ្ឋានចាំបាច់ក្នុងការរួមចំណែកធ្វើឱ្យកម្ពុជាឈានទៅសម្រេចបាននូវចក្ខុវិស័យប្រែក្លាយជាប្រទេសមានចំណូលមធ្យមកម្រិតខ្ពស់ នៅឆ្នាំ២០៣០ និងក្លាយជាប្រទេសមានចំណូលខ្ពស់ នៅឆ្នាំ២០៥០។ លោក បន្តថា ក្រៅពីទិដ្ឋភាពសេដ្ឋកិច្ច ចលនាភូមិ១ផលិតផល១ ក៏បានផ្តោតដល់ការលើកកម្ពស់ផ្នែកវប្បធម៌ប្រពៃណី តាមរយៈការយកចិត្តទុកដាក់លើផលិតផលតាមមូលដ្ឋាន ដែលបានចរិកឆ្លុះបញ្ចាំងពីលក្ខណៈវប្បធម៌ប្រពៃណីរបស់តំបន់ និងបង្កើតមោទនភាពដល់ប្រជាសហគមន៍ និងមូលដ្ឋានដែលខ្លួនកំពុងរស់នៅ។

បើតាមលោកទេសរដ្ឋមន្ត្រី អ៊ុក រ៉ាប៊ុន ការចងក្រងសមាជិកចលនាភូមិ១ផលិតផល១ នឹងផ្តល់លទ្ធភាពឱ្យស្ថាប័នជំនាញពាក់ព័ន្ធអាចប្រមូលផ្តុំផលិតករ ប្រមូលចងក្រងព័ត៌មាន និងបញ្ហានានា ដើម្បីរៀបចំផែនការ និងដាក់ចេញនូវសកម្មភាពអន្តរាគមន៍ប្រកបដោយប្រសិទ្ធិភាព ព្រមទាំងជំរុញឱ្យអ្នកពាក់ព័ន្ធក្នុងការអនុវត្តណែនាំ និងពន្យល់ប្រជាពលរដ្ឋ និងអ្នកផលិតតាមមូលដ្ឋានឱ្យយល់កាន់តែច្បាស់ថែមទៀតពីសារៈសំខាន់ និងផលប្រយោជន៍ក្នុងការចូលរួមក្នុងការងារជំរុញចលនាភូមិ១ផលិតផល១។

លោកទេសរដ្ឋមន្ត្រី បានបញ្ជាក់ថា ការជំរុញចលនាភូមិ១ផលិតផល១ ជាក្របខណ្ឌការងារអន្តរវិស័យ ដែលទាមទារឱ្យមានការចូលរួមសហការពីក្រសួង-ស្ថាប័នពាក់ព័ន្ធ ទាំងថ្នាក់ជាតិ និងថ្នាក់ក្រោមជាតិ ជាពិសេសគណៈកម្មាធិការជំរុញចលនាភូមិ១ផលិតផល១ រាជាធានី-ខេត្ត។

ដោយកន្លងមក ការចងក្រង​ ការវាយតម្លៃ និងសមត្ថភាពកែច្នៃផលិតផលនៅមានកម្រិតនៅឡើយ គឺនៅចំពោះមុខទាមទារឱ្យគណៈកម្មាធិការជាតិជំរុញចលនាភូមិ១ផលិតផល១ ដែលមានក្រសួងជំនាញជាសមាជិកត្រូវតែពង្រឹងការទទួលខុសត្រូវរបស់ខ្លួនថែមទៀត ដើម្បីកម្ពុជាមានផលិតផលសម្បូរបែប និងឈានដល់ការពង្រឹងចំណូលសេដ្ឋកិច្ចប្រជាជនតាមមូលដ្ឋាន។

លោក អ៊ុក រ៉ាប៊ុន ក្នុងនាមជាប្រធានគណៈកម្មាធិការជាតិជំរុញចលនាភូមិ១ផលិតផល១ បានស្នើដល់ក្រសួង-ស្ថាប័ន និងអាជ្ញាធរពាក់ព័ន្ធបន្តកិច្ចសហការជាមួយអគ្គលេខាធិការដ្ឋាននៃគណៈកម្មាធិការជាតិឱ្យកាន់តែសកម្មថែមទៀត សំដៅជំរុញ និងលើកកម្ពស់ចលនាភូមិ១ផលិតផល១​ ក្នុងមូលដ្ឋានរបស់ខ្លួន។ ទន្ទឹមនេះ ត្រូវរៀបចំការតាំងលក់ តាំងបង្ហាញផលិតផលក្នុងមូលដ្ឋានឱ្យបានសកម្ម បន្តការស្រាវជ្រាវរិះរកបច្ចេកទេស និងមធ្យោបាយនវានុវត្តន៍ថ្មីៗបន្ថែមទៀត ដើម្បីជួយបណ្តុះបណ្តាលដល់ផលិតករ ដោយធ្វើយ៉ាងណាឱ្យផលិតផលក្នុងស្រុកកាន់តែមានសក្តានុពលទីផ្សារ និងមានសមត្ថភាពប្រកួតប្រជែងខ្ពស់ ស្របតាមស្តង់ដាជាក់លាក់មួយ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៦ នាទីutes មុន

ឥណ្ឌា​បង្កើន​ការ​ប្រុងប្រយ័ត្ន​​​ទ្វេដង ខណៈមាន​ខ្យល់ពុលកាន់តែធ្ងន់ធ្ងរ

សន្តិសុខសង្គម៧ នាទីutes មុន

អភិបាលខណ្ឌឬស្សីកែវ ណែនាំឲ្យពលរដ្ឋរស់នៅសងខាងផ្លូវបេតុងដែលទើបស្ថាបនារួចជួយ​សម្អាត​អនាម័យដើម្បីសោភ័ណភាព

ព័ត៌មានជាតិ៩ នាទីutes មុន

ប.ស.ស បង្ហាញ QR Code សម្រាប់សមាជិកស្គែនស្វែងរកអាសយដ្ឋានមន្ទីរពេទ្យដៃគូ ប.ស.ស នៅទូទាំងប្រទេស

ព័ត៌មានជាតិ១២ នាទីutes មុន

ជាថ្មីម្ដងទៀត! លោក ហ្សេលេនស្គី អញ្ជើញសម្ដេចតេជោ ធ្វើទស្សនកិច្ចនៅអ៊ុយក្រែន តែសម្តេចឆ្លើយថា រង់ចាំពេលសមស្របសិន

ព័ត៌មានអន្ដរជាតិ១៧ នាទីutes មុន

អ៊ុយក្រែនថា ខ្លួន​បានសម្លាប់​​និង​បង្ករបួស​ទាហាន​​កូរ៉េ​ខាង​ជើងមួយចំនួន​ក្នុង​សមរភូមិ

នយោបាយ៤ ម៉ោង មុន

ស៊ិន ចាន់ពៅរ៉ូហ្សិត ចេញមុខបរិហារគណបក្សភ្លើងទៀន និងសុំឱ្យពលរដ្ឋទាំងក្នុង និងក្រៅប្រទេសឈប់គាំទ្របក្សនេះតទៅទៀត

ព័ត៌មានអន្ដរជាតិ២៤ ម៉ោង មុន

ទឹកជំនន់នៅថៃឆក់យកជីវិតមនុស្ស៣៥នាក់និង​ប៉ះពាល់​ដល់១១ខេត្ត

ចរាចរណ៍៩ ម៉ោង មុន

បើករថយន្ដក្នុងល្បឿនលឿន បុករះ​ចូលស្ថានីយលក់ប្រេង បង្កឲ្យមនុស្ស៥នាក់​របួសធ្ងន់ស្រាល​

ព័ត៌មានអន្ដរជាតិ៧ ម៉ោង មុន

លោក ត្រាំ៖ ទាល់តែ​ជាង​១០០​ឆ្នាំ​ទើប​ទីក្រុង​អ៊ុយក្រែន​ដែល​រុស្ស៊ីបំផ្លាញ អាច​ស្ដារ​ខ្លួន​ឡើង​វិញ

ព័ត៌មានអន្ដរជាតិ៥៣ នាទីutes មុន

អ៊ុយក្រែន អះអាងថា ខ្លួនជាអ្នកសម្លាប់ប្រធាន កងកម្លាំងនុយក្លេអ៊ែររុស្ស៊ី

Sokha Hotels

ព័ត៌មានពេញនិយម