ព័ត៌មានជាតិ
រដ្ឋមន្ត្រីក្រសួងការងារ ចង់ប្រែក្លាយពិព័រណ៍ការងារ ជាទីផ្សារការងារដ៏ធំនៅកម្ពុជា
លោក ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ ចង់ប្រែក្លាយពិព័រណ៍ការងារ និងផលិតភាពជាតិប្រចាំឆ្នាំ ជាទីផ្សារការងារដ៏ធំនៅកម្ពុជា ក្នុងការផ្តល់ឱកាសការងារដល់អ្នកកំពុងស្វែងរកការងារធ្វើនាពេលបច្ចុប្បន្ន និងទៅថ្ងៃអនាគត។

ថ្លែងបើកពិព័រណ៍ការងារ និងផលិតភាពជាតិ នៅថ្ងៃទី១០ វិច្ឆិកា នៅអគារពិព័រណ៍កោះពេជ្រ លោក រដ្ឋមន្ត្រី មានប្រសាសន័បន្តថា ពិព័រណ៍នេះនឹងក្លាយជាទីកន្លែងមួយសម្រាប់អ្នកស្វែងរកការងារធ្វើអាចជ្រើសរើសមុខការងារទៅតាមក្តីប្រាថ្នារបស់ខ្លួនតាមស្តង់នីមួយៗដែលខ្លួនពេញចិត្ត និងសម្ភាសន៍បានភ្លាមៗ។ ចំណែកអ្នកផ្តល់ការងារអាចរកបានបុគ្គលិកដែលមានសមត្ថភាពដែលខ្លួនចង់បានផងដែរ។

លោក ហេង សួរ បានបន្តទៀតថា ប្រសិនបើមិនមានពិព័រណ៍នេះទេ ក្រុមហ៊ុននឹងត្រូវផ្សព្វផ្សាយជ្រើសរើសបុគ្គលិក ត្រូវរង់ចាំសម្ភាសន៍បុគ្គលិកនៅកន្លែងធ្វើការដែលត្រូវចំណាយពេលយូរជាងនេះ។

លោករដ្ឋមន្ត្រី បានស្នើដល់សិស្សនិស្សិតដែលបានចូលរួមក្នុងពិព័រណ៍នេះ ប្រសិនមិនទាន់មានការងារធ្វើទេ អាចជ្រើសរើសមុខជំនាញនៅតាមសាលាបណ្តុះបណ្តាលណាមួយដែលឆ្លើយតបទៅតាមទីផ្សារបច្ចុប្បន្ន ដើម្បីសិក្សាជំនាញទាំងនោះ ព្រោះការរៀនជំនាញប្រើរយៈពេលខ្លី នឹងងាយស្រួលក្នុងការស្វែងរកការងារ។

គួរបញ្ជាក់ថា ពិព័រណ៍ការងារ និងផលិតភាពជាតិ មានរយៈពេលពីរថ្ងៃ គឺថ្ងៃទី១០-១១ ខែវិច្ឆិកា ដោយមានការចូលរួមពីក្រុមហ៊ុន រោងចក្រ និងសហគ្រាសធំៗ១៥០ ផ្តល់ឱកាសការងារជាង ២ ម៉ឺនកន្លែង មកពីវិស័យសំខាន់ៗដូចជា៖ ធនាគារ គ្រឹះស្ថានមីក្រូហិរញ្ញវត្ថុ និងធានារ៉ាប់រង សេវាកម្មលក់ដុំ និងរាយ ទេសចរណ៍ និងបដិសណ្ឋារកិច្ចម្ហូបអាហារ និងភេសជ្ជៈ អចលនទ្រព្យ និងសំណង់ ទូរគមនាគមន៍ និងបច្ចេកវិទ្យាព័ត៌មានវិទ្យា ឧស្សាហកម្ម និងកម្មន្តសាល ព្រមទាំងវិស័យសេវាកម្មផ្សេងៗ ជាដើម។ យុវជន សិស្ស និស្សិត និងអ្នកស្វែងរកការងារធ្វើទាំងអស់ អាចដាក់ពាក្យដោយផ្ទាល់ និងត្រូវបានសម្ភាសន៍ជ្រើសរើសភ្លាមៗដោយក្រុមហ៊ុន-សហគ្រាស ដែលចូលរួមតាំងបង្ហាញក្នុងបញ្ជរចំនួនជាង ១៨៨៕
អត្ថបទ៖ សំអឿន

-
ព័ត៌មានអន្ដរជាតិ២៣ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២២ ម៉ោង ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?