ព័ត៌មានជាតិ
ក្រុមហ៊ុនចិនមួយបោះទុន ៥០០ លានដុល្លារផលិតសំបកកង់រថយន្តនៅកម្ពុជា
សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជាមានប្រសាសន៍នៅថ្ងៃទី ១៣ ខែវិច្ឆិកា ឆ្នាំ ២០២៣នេះថា ក្រុមហ៊ុនចិនធំមួយបានឯកភាពរួចហើយដោយគ្រោងបោះទុនប្រមាណ ៥០០ លានដុល្លារអាមេរិកផលិតសំបកកង់រថយន្តដើម្បីបង្កើនការផលិតនៅកម្ពុជា។
សម្ដេចធិបតីបញ្ជាក់ថា នេះជាការវិវត្តទៅមុខ ខណៈរដ្ឋាភិបាលមិនចង់នាំចេញវត្ថុធាតុដើមជាកៅស៊ូ ហើយចង់បានផលិតផលសម្រេច ដែលនេះជាការវិវត្តទៅដល់វិស័យកសិឧស្សាហកម្ម។
បច្ចុប្បន្នកម្ពុជាមានក្រុមហ៊ុនរោងចក្រផលិតសំបកកង់រថយន្តចំនួន ៣ រួមមាន៖ រោងចក្រ Cart Tire Co., Ltd នៅក្រុងបាវិត ខេត្តស្វាយរៀង ទុនវិនិយោគ ៣៥០លានដុល្លារអាមេរិក គ្រោងពង្រីក ២០០ លានដុល្លារបន្ថែមទៀត។ ក្រុមហ៊ុន General Tires Technology (Cambodia) Co., Ltd ក្រោមទំហំទុន៣០០លានដុល្លារ នៅខេត្តព្រះសីហនុ។ ក្រុមហ៊ុន NEWBUSTAR (Cambodia) ស្ថិតនៅស្រុកស្នួល ខេត្តក្រចេះទុនវិនិយោគ ១៣៨ លានដុល្លារកំពុងសាងសង់។
ទោះយ៉ាងណាសម្ដេចធិបតី ហ៊ុន ម៉ាណែតបញ្ជាក់បន្ថែមថា វត្ថុធាតុដើមក្នុងស្រុកនៅមានកម្រិតតិចនៅឡើយសម្រាប់ប្រើប្រាស់បានត្រឹមពី ២០ ទៅ ៣០ ភាគរយដោយសារបញ្ហាបច្ចេកទេស។
សម្ដេចអះអាងថា នៅពេលខាងមុខកម្ពុជានៅមានសក្ដានុពលធំណាស់ ដើម្បីផ្គត់ផ្គង់ទីផ្សារក្នុងស្រុក មិនចាំបាច់នាំកៅស៊ូចេញទៅក្រៅប្រទេស គឺយកចូលមករោងចក្រផលិតសម្ភារកង់រថយន្តក្នុងស្រុកតែម្ដង។
សម្ដេចក៏បានណែនាំឱ្យស្ថាប័នពាក់ព័ន្ធ និងសមាគមកៅស៊ូបង្កើតយន្តការមួយធ្វើយ៉ាងណាសម្របសម្រួលដោះស្រាយបញ្ហាបច្ចេកទេស បញ្ហាផ្សេងៗដើម្បីធានាខ្សែងច្រវាក់ផលិតកម្មចាប់តាំងពីអ្នកដាំរហូតមកដល់កន្លែងកែច្នៃ ដើម្បីធ្វើយ៉ាងណាបំពេញតម្រូវការក្នុងស្រុក៕
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា