ព័ត៌មានជាតិ
អ្នកនាំពាក្យ ៖ ដំណើរការកំណែសន្លឹកកិច្ចការបេក្ខជនប្រឡងបាក់ឌុប នឹងបញ្ចប់នៅថ្ងៃស្អែក
លោកស្រី ឃួន វិច្ឆិកា អ្នកនាំពាក្យក្រសួងអប់រំ យុវជន និងកីឡា បានមានប្រសាសន៍នៅព្រឹកថ្ងៃទី ១៤ វិច្ឆិកានេះថា ដំណើរការកំណែសន្លឹកកិច្ចការបេក្ខជនប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុប នៅមណ្ឌលកំណែចំនួន ១០ គ្រោងនឹងបញ្ចប់រួចរាល់នៅថ្ងៃទី ១៥ ខែវិច្ឆិកា ឆ្នាំ ២០២៣ បន្ទាប់មក ត្រូវដំណើរការស្រង់ពិន្ទុដោយកុំព្យូទ័រ និងការពិនិត្យផ្ទៀងផ្ទាត់ពិន្ទុ។
លោកស្រីបានបន្តថា ក្រសួង បានចាប់ផ្តើមដំណើរការធ្វើកំណែសន្លឹកកិច្ចការបេក្ខជនប្រឡងចាប់ពីថ្ងៃទី ៩ រហូតដល់ថ្ងៃទី ១៥ វិច្ឆិកា និងដំណើរការស្រង់ពិន្ទុដោយកុំព្យូទ័រ និងការពិនិត្យផ្ទៀងផ្ទាត់ពិន្ទុចាប់ពីថ្ងៃទី ១៦ ដល់ថ្ងៃទី ២៦ វិច្ឆិកា រហូតដល់ប្រកាសលទ្ធផលប្រឡងនៅថ្ងៃទី ២៧ វិច្ឆិកា សម្រាប់ភ្នំពេញ និងខេត្តកណ្តាល និងថ្ងៃទី ២៨ សម្រាប់ខេត្តផ្សេងៗ ព្រមទាំងមានផ្សាយនៅលើទំព័រហ្វេសប៊ុកផ្លូវការរបស់ក្រសួង។
លោកស្រីបានបន្តទៀតថា ក្រសួងបានយកមណ្ឌលកំណែចំនួន ១០ នៅរាជធានីភ្នំពេញសម្រាប់កែសន្លឹកកិច្ចការបេក្ខជនប្រឡងដោយបែងចែកទៅតាមមុខវិជ្ជានីមួយៗ។ ក្នុងនោះ មណ្ឌលកំណែវិទ្យាល័យព្រះស៊ីសុវត្ថិ កែមុខវិជ្ជាអក្សរសាស្ត្រខ្មែរ មណ្ឌលកំណែវិទ្យាល័យបាក់ទូក កែមុខវិជ្ជាគណិតវិទ្យា មណ្ឌលកំណែវិទ្យាល័យហ៊ុនសែនប៊ុនរ៉ានីវត្តភ្នំ កែមុខវិជ្ជាប្រវត្តិវិទ្យា មណ្ឌលកំណែវិទ្យាល័យជាស៊ីមសន្ធរម៉ុក កែមុខវិជ្ជាភាសាបរទេស មណ្ឌលកំណែអនុវិទ្យាល័យចតុមុខ កែមុខវិជ្ជារូបវិទ្យា មណ្ឌលកំណែវិទ្យាល័យជាស៊ីមបឹងកេងកង កែមុខវិជ្ជាគីមីវិទ្យា មណ្ឌលកំណែវិទ្យាល័យបឹងត្របែក កែមុខវិជ្ជាជីវវិទ្យា មណ្ឌលកំណែវិទ្យាល័យព្រះយុគន្ធរ កែមុខវិជ្ជាភូមិវិទ្យា មណ្ឌលកំណែបឋមសិក្សាសន្ធរម៉ុក កែមុខវិជ្ជាសីលធម៌-ពលរដ្ឋវិជ្ជា និងមណ្ឌលកំណែវិទ្យាល័យទួលទំពូង កែមុខវិជ្ជាផែនដី និងបរិស្ថានវិទ្យា។
លោកស្រីបន្ថែមថា ក្នុងដំណើរការកំណែសន្លឹកកិច្ចការប្រឡង និងបូកស្រង់ពិន្ទុដោយកុំព្យូទ័រ ត្រូវបានធានាយុត្តិធម៌ តម្លាភាព និងសុក្រឹតភាព ហើយលទ្ធផលអាចទទួលយកបានទាំងអស់គ្នាតាមរយៈយន្តការកាត់រាល់ក្បាលសន្លឹកកិច្ចការដោយចុះលេខសម្ងាត់លើសន្លឹកកិច្ចការ ហើយការបែងចែកសន្លឹកកិច្ចការដល់អ្នកកែដោយឆ្លងកាត់ដំណើរការពីរផ្សេងគ្នា។ បន្ទាប់ពីចុះលេខសម្ងាត់លើសន្លឹកកិច្ចការរួច យើងបញ្ជូនសន្លឹកកិច្ចការទៅកាន់ក្រុមបែងចែកសន្លឹកកិច្ចការ ហើយក្រុមបែងចែកសន្លឹកកិច្ចការនឹងបន្តបែងចែកទៅកាន់ក្រុមកំណែនីមួយៗ។ ដូច្នេះក្រុមកំណែគ្មានសិទ្ធិជម្រើសរើសដុំកំណែដែលខ្លួនត្រូវការឡើយ។ នេះជាការរក្សាការសម្ងាត់ ក៏ដូចជាដំណើរការ នៃការកែសន្លឹកកិច្ចការប្រឡងរបស់សិស្ស។
លោកស្រីបន្ថែមទៀតថា «ដើម្បីធានាសុក្រឹតភាព នៃការកែសន្លឹកកិច្ចការប្រឡង យើងមានយន្តការពីរ គឺ ទី១.យើងមានអ្នកកែពីរនាក់លើសន្លឹកកិច្ចការតែមួយ និងទី២.ការបញ្ចូលពិន្ទុក្នុងប្រព័ន្ធកុំព្យូទ័រត្រូវបានធានាត្រឹមត្រូវក្រោមការត្រួតពិនិត្យដោយអនុគណៈកម្មការផ្ទៀងផ្ទាត់ពិន្ទុលើសន្លឹកកិច្ចការជាមួយនឹងពិន្ទុដែលបានបញ្ចូលក្នុងប្រព័ន្ធកុំព្យូទ័រ»។
គួរជម្រាបថា ប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ០៦ វិច្ឆិកា ២០២៣ បានប្រព្រឹត្តទៅរយៈពេលពីរថ្ងៃ នៅថ្ងៃទី ៦ និងទី ៧ ខែវិច្ឆិកា ឆ្នាំ ២០២៣ ដែលមានបេក្ខជនចុះឈ្មោះប្រឡងសរុបចំនួន ១៣៧.៤១២ នាក់ ស្រី ៧៣.២៧៨ នាក់ ចែកជា ២២៧ មណ្ឌលប្រឡង ត្រូវជា ៥.៥៤៣ បន្ទប់។ មានបេក្ខជនអវត្តមានសរុប ២.៣២៨ នាក់ ស្រី ៩៣៤ នាក់ ស្មើនឹង ១,៦៩ ភាគរយ នៃបេក្ខជនចុះឈ្មោះសរុប(ក្នុងនោះបេក្ខជនស្វៃរិនអវត្តមានចំនួន ១.៨១៤ នាក់ ស្រី ៧៤៩ នាក់)។
បេក្ខជនមានបញ្ហាសុខភាព ៨៥ ករណី ក្នុងនោះបេក្ខជនមានបញ្ហាសុខភាព និងមិនអាចបន្តការប្រឡងបានចំនួន ៥ ករណី ក្រៅពីនេះបេក្ខជនដែលមានបញ្ហាសុខភាពទាំងអស់បានបន្តការប្រឡងជាធម្មតាបន្ទាប់ពីអាការបានធូរស្រាល និងក្រោមការយកចិត្តទុកដាក់មើលថែពីក្រុមគ្រូពេទ្យ៕
អត្ថបទ ៖ សំអឿន
ភោជនីយដ្ឋានមកពីកម្ពុជា ធ្វើកិច្ចសហការឆ្លងដែន បង្កើតបទពិសោធន៍ធ្វើម្ហូបដ៏អស្ចារ្យនៅតៃវ៉ាន់
ការទូទាត់ឆ្លងដែនតាមឃ្យូអរកូតរវាងកម្ពុជា-ជប៉ុននឹងដំណើការក្នុងឆមាសទី១ ឆ្នាំនេះ
អ្នកលេងគុនខ្មែរ រិទ្ធី បូរិន ត្រឹមជាកីឡាកថ្នាលនោះទេ ប៉ុន្តែតម្លៃខ្លួនប្រកួតមិនធម្មតា
ហ្សេលេនស្គី បង្ហាញសេចក្តីប្រកាសគ្រីមៀឆ្នាំ២០១៨ ដើម្បីឲ្យ ត្រាំ ភ្លឺភ្នែក
ស្លាប់ហោចណាស់ ៤៤នាក់ ក្រោយអ៊ីស្រាអែលផ្លោងគ្រាប់ដាក់ហ្គាហ្សា
សមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
ក្មេងស្រីអាយុ៤ឆ្នាំលក់ផ្កា៖ សម្ដេចតេជោ ស្នើកុំវែកញែករឿងកេងប្រវ័ញ្ចពលកម្មកុមារ មុនរឿងក្រពះ និងបញ្ហាគ្រួសារ
Breaking News៖ អគ្គិភ័យកំពុងឆេះឃ្លាំងស្តុកម៉ាស៊ីនត្រជាក់នៅខណ្ឌច្បារអំពៅ
ប៉ូឡូញ ចល័តយន្តហោះចម្បាំងយ៉ាងបន្ទាន់បំផុត ក្រោយរុស្ស៊ី វាយអ៊ុយក្រែន កៀកព្រំដែនខ្លួន
លោក ទីវ តារារិទ្ធ ត្រូវបង្ខំចិត្តវិលមកកម្ពុជាវិញភ្លាមៗ ព្រោះតែលក្ខខណ្ឌតម្រូវស្នើសុំ Visa
-
ចរាចរណ៍៣ ថ្ងៃ agoស្នងការរងខេត្តឧត្ដរមានជ័យម្នាក់ គាំងបេះដូងស្លាប់ពេលបើកបររថយន្ដ រួចជ្រុលបុករថយន្តមួយគ្រឿងទៀត
-
ព័ត៌មានអន្ដរជាតិ១ សប្តាហ៍ agoខេត្ត Phuket របស់ថៃរងការវាយប្រហារដោយទឹកជំនន់ភ្លាមៗ ក្រោយមានភ្លៀងធ្លាក់ខ្លាំង
-
ព័ត៌មានជាតិ១៩ ម៉ោង agoសមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
-
ព័ត៌មានជាតិ២ ថ្ងៃ agoសម្តេចធិបតី៖ ការប្រគល់វត្ថុបុរាណពីថៃជូនកម្ពុជាវិញ ជាការវិលត្រឡប់ដួងព្រលឹងបុព្វបុរសខ្មែរ
-
សុខភាព៤ ថ្ងៃ agoដំណឹងល្អ! កម្ពុជានឹងដាក់ឱ្យប្រើប្រាស់ថ្នាំព្រឹបប្រភេទចាក់បង្ការ មុនពេលប្រឈមនឹងការឆ្លងមេរោគអេដស៍ នៅខែឧសភា ខាងមុខ
-
ព័ត៌មានអន្ដរជាតិ២ ថ្ងៃ agoលើកនេះ រុស្ស៊ី ដាក់លក្ខខណ្ឌស្រួលមួយទៅអ៊ុយក្រែន បើចង់ចរចា ឈានទៅការបញ្ចប់សង្គ្រាមមែន
-
សន្តិសុខសង្គម១ ថ្ងៃ agoនគរបាលរាជធានី ឃាត់ខ្លួនអនុប្រធានគណបក្សកម្លាំងជាតិ មួយរូប ពីបទ ញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម
-
ព័ត៌មានអន្ដរជាតិ១ សប្តាហ៍ agoខ្លះៗអំពីរថយន្តដែលលោក ស៊ី ជីនពីង យកពីចិនមកជិះនៅកម្ពុជា