ព័ត៌មានជាតិ
ពលរដ្ឋ គាំទ្រចំពោះការបង្កើតកម្មវិធីបណ្ដុះបណ្ដាលជំនាញដល់យុវជនក្រីក្រ លើជំនាញ ៣៨មុខ ដោយឥតគិតថ្លៃ
ប្រជាពលរដ្ឋ ដែលជាអាណាព្យាបាល និងយុវជន បានបង្ហាញការគាំទ្រ និងសប្បាយចិត្ត នៅពេលដែលរាជរដ្ឋាភិបាល បានដាក់ចេញនូវគោលនយោបាយថ្មី ដែលផ្តោតទៅលើការបណ្ដុះបណ្ដាលជំនាញចំនួន ៣៨ ដោយមិនគិតថ្លៃដល់យុវជនក្រីក្រ និងយុវជនមកពីគ្រួសារងាយរងគ្រោះចំនួន ១លាន ៥សែននាក់។

កាលពីថ្ងៃទី ១៤ ខែវិច្ឆិកា ឆ្នាំ ២០២៣កន្លងទៅនេះ សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានប្រកាសដាក់ឲ្យអនុវត្តជាផ្លូវការ កម្មវិធីបណ្តុះបណ្ដាលជំនាញវិជ្ជាជីវៈ និងបច្ចេកទេសដល់យុវជនមកពីគ្រួសារក្រីក្រ និងគ្រួសារងាយរងហានិភ័យចំនួន ១លាន ៥សែននាក់។

អ្នកស្រី ឆោម គីមឃឿន ពលរដ្ឋរស់នៅតំបន់ផ្លូវរថភ្លើងម្ដុំត្រឡោកបែក បានប្រាប់កម្ពុជាថ្មីដោយសុំមិនឲ្យថតរូបថា ក្នុងនាមជាមេគ្រួសារមានកូនក្នុងបន្ទុកចំនួន ៤នាក់នោះ អ្នកស្រី ពិតជាសប្បាយរីករាយ និងគាំទ្រចំពោះគោលនយោបាយរបស់រាជរដ្ឋភិបាល តាមរយៈក្រសួងការងារ និងបណ្ដុះបណ្ដាលវិជ្ជាជីវៈ ដែលបានបង្កើតកម្មវិធីបណ្ដុះបណ្ដាលជំនាញជូនដល់យុវជនក្រីក្រ និងយុវជនមកពីគ្រួសារងាយរងគ្រោះ ទៅលើជំនាញចំនួន ៣៨មុខ ដោយមិនគិតថ្លៃ និងបានប្រាក់លើទឹកចិត្ត ក្នុងពេលសិក្សាជំនាញចំនួន ២៨ម៉ឺនរៀល ថែមទៀត។
អ្នកស្រីបន្ថែមថា កម្មវិធីបណ្ដុះបណ្ដាលជំនាញនេះ គឺជាឱកាសល្អមួយ សម្រាប់អាណាព្យាបាលគ្រប់រូប ដែលគ្មានលទ្ធភាពឱ្យកូនចៅរបស់ខ្លួន បានទៅសិក្សាជំនាញផ្សេងៗ ដើម្បីឱ្យពួកគេអាចមានឱកាសការងារទៅថ្ងៃអនាគត ដោយកន្លងមកនៅពេលដែលត្រូវរៀននេះជំនាញអ្វីមួយ ក៏ត្រូវចំណាយថវិកាសម្រាប់សិក្សាជំនាញទាំងនោះ។
អ្នកស្រី ឆោម គីមឃឿន បន្តថា អ្នកស្រី នឹងឱ្យកូនៗ ទៅចុះឈ្មោះដើម្បីចូលសិក្សាជំនាញទាំងនោះ នៅមន្ទីរការងារ ឬក្រសួងការងារ និងបណ្ដុះបណ្ដាលវិជ្ជាជីវៈ ព្រោះវាជាឱកាសតែមួយ ដែលធ្វើកូនៗ អ្នកស្រី អាចចូលសិក្សាជំនាញដើម្បីទុកជាទុនសម្រាប់ថ្ងៃអនាគត និងអាចចូលរួមកសាងសង្គមជាតិ ដែលផ្ដើមចេញពីយុវជននេះឯង។
ចំណែក យុវជន ប្រាក់ ជ័យ និស្សិតមកពីខេត្តព្រៃវែង ក៏បានប្រាប់ឱ្យកម្ពុជាថ្មីដឹងដែរថា លោកពិតជាគាំទ្រចំពោះកម្មវិធីរបស់រាជរដ្ឋភិបាល តាមរយៈក្រសួងការ និងបណ្ដុះបណ្ដាលវិជ្ជាជីវៈ ដែលបានបង្កើតកម្មវិធីបណ្ដុះបណ្ដាលជំនាញ ទៅលើផ្នែកវិទ្យាសាស្រ្តផ្សេងៗ ដូចជា៖ សំណង់ មេកានិចទូទៅ អគ្គិសនី និងអេឡិចត្រូនិចជាដើមនោះ ដល់យុវជនក្រីក្រ និងយុវជនមកពីគ្រួសារងាយរងគ្រោះ ដើម្បីឱ្យយុវជនទាំងនេះ អាចមានលទ្ធភាពចូលសិក្សាទៅលើជំនាញ ដែលពួកគេចាប់អារម្មណ៍ និងថែមទាំងបានជួយជំរុញបង្កើនធនធានមនុស្ស ដែលបច្ចុប្បន្នប្រទេសកម្ពុជានៅខ្វះខាត យុវជនដែលមានជំនាញពិតប្រាកដ នៅឡើយនោះ។
យុវជនរូបនេះ បន្ថែមទៀតថា តាមរយៈកម្មវិធីមួយនេះ លោកជឿជាក់ថា ប្រទេសកម្ពុជា នឹងសម្បូរទៅដោយធនធានមនុស្ស។ ម្យ៉ាងទៀត ចំពោះប្រជាជនទូទៅនៅតាមមូលដ្ឋាន ឬទីជនបទដាច់ស្រយោល នឹងមានឱកាសសិក្សាជំនាញសម្រាប់ថ្ងៃអនាគត ជៀសវាងការធ្វើចំណាកស្រុក ទៅប្រទេសជាតិខាង នេះក៏ដោយសារពួកគាត់ ពុំមានជំនាញច្បាស់លាស់ក្នុងជីវភាពរស់នៅប្រចាំថ្ងៃ ផងដែរ។
គួរបញ្ជាក់ដែរថា ក្រសួងការងារ និងបណ្ដុះបណ្ដាលវិជ្ជាជីវៈ កំណត់បានមុខជំនាញសម្រាប់ជំហានដំបូងចំនួន ៣៨មុខជំនាញ សម្រាប់បណ្ដុះបណ្ដាលដោយឥតគិតថ្លៃ ជូនដល់យុវជនក្រីក្រ និងយុវជនមកពីគ្រួសារងាយរងគ្រោះ នៅក្នុងវិស័យអាទិភាពចំនួន ១០។ ជំនាញទាំងនោះ រួមមាន៖ សំណង់, អគ្គិសនីនិងថាមពល, អេឡិចត្រូនិក, បរិក្ខារត្រជាក់និងកម្ដៅ, កម្មន្តសាល, មេកានិកទូទៅ/មេកានិករថយន្ត, ទេសចរណ៍, សេវាកម្ម, កសិកម្ម និងកសិ-ឧស្សាហកម្ម, និងធុរកិច្ចនិងព័ត៌មានវិទ្យា៕
អត្ថបទ៖ សួស សិត

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ