ព័ត៌មានជាតិ
នាយករដ្ឋមន្ត្រី៖ បុគ្គល៤នាក់បាញ់បោះនៅភ្នំគិរីរម្យ ត្រូវបណ្ដេញចេញពីក្របខ័ណ្ឌនគរបាលជាតិ
ជនបង្កដែលបាញ់បោះយ៉ាងអនាធិបតេយ្យនៅភ្នំគិរីរម្យចំនួន៤នាក់ ត្រូវបានបណ្ដេញចេញពីក្របខ័ណ្ឌនគរបាលជាតិ។ នេះបើតាមការប្រកាសឱ្យដឹងរបស់សម្ដេចធិបតី ហ៊ុន ម៉ាណែត នារសៀលថ្ងៃទី១៥ ខែវិច្ឆិកានេះ។
នៅក្នុងពិធីសម្ពោធដាក់ឱ្យប្រើប្រាសស្ពានបេតុងខ្សែកាបកោះនារា សម្ដេចធិបតី ហ៊ុន ម៉ាណែត បានគូសបញ្ជាក់ថា ទេសរដ្ឋមន្ត្រី ឆៃ ស៊ីណារិទ្ធ បានរាយការណ៍ជូនសម្ដេចថា បុគ្គលដែលបាញ់បោះនៅភ្នំគិរីររម្យចំនួន៤នាក់ ត្រូវបណ្ដេញចេញពីក្របខ័ណ្ឌនគរបាលជាតិ។
សម្ដេចធិបតី ហ៊ុន ម៉ាណែត បានសង្កត់ធ្ងន់ថា“ ដូច៤នាក់ដែលត្រូវបណ្ដេញចេញពីក្របខ័ណ្ឌ ឯកឧត្ដម ឆៃ ស៊ីណារិទ្ធ រាយការណ៍មកខ្ញុំ”។
បើតាមការចុះផ្សាយរបស់សារព័ត៌មានក្នុងស្រុក កាលពីយប់ថ្ងៃទី១៤ ខែវិច្ឆិកា ម្សិលមិញ មានមនុស្សមួយក្រុមចំនួន៤នាក់បានចូលខ្លួនសារភាពនៅការិយាល័យសន្តិសុខ នៃស្នងការដ្ឋាននគរបាលខេត្តកំពង់ស្ពឺ។ ការណ៍ដែលជនទាំង៤នាក់នេះ ចូលខ្លួនមកសារភាព គឺបន្ទាប់ពីតុលាការបានចេញដីកាបញ្ជាឲ្យនាំខ្លួនជនបង្កក្នុងករណីបាញ់បោះសេរីជាង២០០គ្រាប់ នៅលើភ្នំគិរីរម្យ។នាយករដ្ឋមន្ត្រីកម្ពុជា បានលើកឡើងថា ជនបង្កដែលបាញ់បោះយ៉ាងអនាធិបតេយ្យនៅភ្នំគិរីរម្យចំនួន៤នាក់ ត្រូវបានបណ្ដេញចេញពីក្របខ័ណ្ឌនគរបាលជាតិ។
សូមរម្លឹកឡើងវិញបន្តិចថា កាលពីព្រឹកថ្ងៃទី១៣ ខែវិច្ឆិកា ឆ្នាំ២០២៣ អាជ្ញាធរខេត្តកំពង់ស្ពឺ បានបង្កើតគណៈកម្មការចំរុះមួយ ដោយមានការដឹកនាំ និងសម្របសម្រួលដោយតំណាងអយ្យការផង បានចុះទៅស្រាវជ្រាវនៅចំណុចផ្ទះលំហែស្ថិតនៅភូមិថ្មី តំបន់ចំការតែ ឃុំចំបក់ ស្រុកភ្នំស្រួច ខេត្តកំពង់ស្ពឺ ក្រោយសមត្ថកិច្ចបានទទួលព័ត៌មានថា កាលពីថ្ងៃទី១១ ខែវិច្ឆិកា ឆ្នាំ២០២៣ ចាប់ពីវេលាម៉ោង១៦និង០០នាទី រហូតដល់យប់ជ្រៅ នៅទីតាំងកើតហេតុមានកម្មពីធីខួបកំណើតឈ្មោះ ឆាយ ភេទប្រុស រស់នៅរាជធានីភ្នំពេញ និងមានការបាញ់បោះសេរីជាបន្តបន្ទាប់ ដោយបានរកឃើញសំបកគ្រាប់កាំភ្លើងខ្លីចំរុះចំនួន ១១២គ្រាប់ សំបកគ្រាប់កាំភ្លើងM16 ចំនួន ៣៦គ្រាប់ និងសំបកគ្រាប់កាំភ្លើង AKចំនួន ៥៥គ្រាប់៕
ដោយ៖ ង៉ិល ណារ៉ាត់
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ