ព័ត៌មានជាតិ
សហមេធាវីការពារក្តីព្រមានអ្នកយកឈ្មោះលោក កឹម សុខា ភ្ជាប់ជាមួយក្រុម ដែលមានបំណងបង្កើតគណបក្សថ្មី
តាមរយៈសេចក្តីថ្លែងការណ៍ចុះថ្ងៃទី០៧ ខែកុម្ភៈ ឆ្នាំ២០២១ សហមេធាវីការពារក្តីឲ្យលោក កឹម សុខា បានព្រមានបុគ្គល ឬក្រុមណាមួយដែលមានបំណងបង្កើតបង្កើតគណបក្សនយោបាយថ្មី ឬចលនានយោបាយណាមួយ មិនឱ្យយកឈ្មោះលោក កឹម សុខា ភ្ជាប់ជាមួយនោះទេ ហើយថា ត្រូវមានសេចក្តីក្លាហានទទួលខុសត្រូវដោយខ្លួនឯង។
ទាក់ទងនឹងការព្រមានរបស់សហមេធាវីការពារក្តីឲ្យលោក កឹម សុខា នេះ លោក អ៊ូ ច័ន្ទរ័ត្ន អតីតតំណាងរាស្ត្រ នៃអតីតគណបក្សសង្គ្រោះជាតិមណ្ឌលខេត្តតាកែវ ហើយដែលពេលនេះកំពុងស្វះស្វែងរកច្រក ដើម្បីបង្កើតគណបក្សថ្មីមួយដែរនោះ បានថ្លែងប្រាប់កម្ពុជាថ្មីនាថ្ងៃនេះថា លោកគាំទ្រខ្លឹមសារនៅក្នុងសេចក្តីថ្លែងការណ៍របស់សហមេធាវីលោក កឹម សុខា ពីព្រោះលោកយល់ថា លោក កឹម សុខា មិនមានសិទ្ធិធ្វើនយោបាយទេ ដោយមានការហាមប្រាមតាមរយៈសាលក្រមរបស់តុលាការកំពូល។ ជាមួយគ្នានោះ លោក កឹម សុខា កំពុងតែប្រឈមចំពោះនីតិវិធីច្បាប់ ក្នុងសំណុំរឿងពាក់ព័ន្ធជាមួយបរទេស ហើយសវនាការនៅមិនទាន់ចប់សព្វគ្រប់នៅឡើយ។
លោក អ៊ូ ច័ន្ទរ័ត្ន បញ្ជាក់ថា “ខ្ញុំមិនដឹងថា មានអស់លោកណាយកឈ្មោះលោកទៅប្រើទេ តែសម្រាប់ខ្ញុំ ខ្ញុំបានបញ្ជាក់ជូនសាធារណជន ក៏ដូចជាអ្នកសារព័ត៌មានច្រើនហើយ ការបង្កើតគណបក្សថ្មីនេះមិនពាក់ព័ន្ធជាមួយលោកប្រធាន កឹម សុខា នោះទេ លោកមិនហ៊ានជជែករឿងនយោបាយ ឬធ្វើសកម្មភាពនយោបាយទេ ហើយលោកក៏មិនដែលជជែកអ្វីជាមួយខ្ញុំ ទាក់ទងទៅនឹងការបង្កើតគណបក្សដែរ ប៉ុន្តែអ្វីដែលខ្ញុំបានលើកឡើង ក្រែងលោសារព័ត៌មានខ្លះយកទៅបកស្រាយខុសខុស ដែលខ្ញុំធ្លាប់បានលើកឡើងថា ក្នុងករណី មិនមែនតែលោកប្រធាន កឹម សុខា ទេ ក្នុងករណីបុគ្គលណា ឬសមាសភាពណា ក៏ដោយ អ្នកនយោបាយណាក៏ដោយ ដែលជាអតីតគណបក្សប្រឆាំង អាចមានលទ្ធភាពមកដឹកនាំនយោបាយវិញ មានសក្តានុពលនយោបាយ អាចប្រកួតប្រជែងជាមួយគណបក្សកាន់អំណាចបាន យើងនឹងផ្អាកសកម្មភាពនយោបាយ ឬសកម្មភាពគណបក្សថ្មីនេះតែម្ដង។ យើងមិនបន្តប្រកួតប្រជែងគ្នាឯងទេ ដើម្បីទុកឱកាសឲ្យថ្នាក់ដឹកនាំណាមួយ ដែលមានសក្តានុពល ឬមានប្រជាប្រិយភាពអាចប្រកួតប្រជែងជាមួយគណបក្សកាន់អំណាចបាននោះ”។
បើតាមលោក អ៊ូ ច័ន្ទរ័ត្ន លោកបានបញ្ជាក់ច្រើនលើករួចមកហើយ លោកមិនពាក់ព័ន្ធជាមួយលោកកឹម សុខា ទេ ជាគោលការណ៍ ឬជាការសម្រេចចិត្តក្រុមរបស់លោក គឺប្រសិនបើមានបុគ្គលអតីតបក្សប្រឆាំងណា ដែលមានសក្តានុពល អាចប្រកួតប្រជែងជាមួយគណបក្សកាន់អំណាចបាន លោកអនុញ្ញាតិឲ្យធ្វើ ហើយក្រុមលោកមិនធ្វើសកម្មភាពប្រគួតប្រជែងគ្នាឯងទេ ហើយការធ្វើនេះ គឺដើម្បីជាតិទាំងអស់គ្នា។
កម្ពុជាថ្មីមិនអាចសុំការបញ្ជាក់ពីមេធាវីការពារក្តីលោក កឹម សុខា បានទេនៅរសៀលនេះ ប៉ុន្តែលោក ចាន់ ចេន ជាមេធាវីមួយរូប ក្នុងចំណោមសហមេធាវីការពារក្តីលោក កឹម សុខា បាន ប្រាប់អ្នកសារព័ត៌មានថា ថ្មីៗនេះមានអ្នកនយោបាយខ្លះយកឈ្មោះលោក កឹម សុខា ទៅភ្ជាប់ជាមួយសកម្មភាពរបស់ខ្លួន ឬចលនាផ្សេងៗ ជាពិសេសបានយកទៅភ្នាល់គ្នាក្នុងរឿងនយោបាយជាដើម ហើយក៏មានអ្នកនយោបាយខ្លះ ដែលបានបង្កើតគណបក្សថ្មី ក៏បានយកឈ្មោះលោក កឹម សុខា ទៅកៀងគរកម្លាំង និងធ្វើសារនយោបាយ ដើម្បីប្រជាប្រិយភាពនយោបាយទៀតផង។
សូមបញ្ជាក់ថា លោក កឹម សុខា ត្រូវបានចាប់ និងឃុំខ្លួនដាក់ពន្ធនាគារ កាលពីថ្ងៃទី៣ ខែកញ្ញា ឆ្នាំ២០១៧ ដោយចោទប្រកាន់ពីបទធ្វើសន្ទិដ្ឋិភាពជាមួយបរទេស តាមមាត្រា ៤៤៣ នៃក្រមព្រហ្មទណ្ឌ។ យោងតាមក្រមព្រហ្មទណ្ឌបទធ្វើសន្ទិដ្ឋិភាពជាមួយបរទេស គឺជាអំពើត្រូវរ៉ូវគ្នាដោយសម្ងាត់ជាមួយរដ្ឋបរទេស ឬភ្នាក់ងារបរទេស ដើម្បីបង្កើតឲ្យមានអំពើប្រទូស្តរ៉ាយ ឬឲ្យមានអំពើឈ្លានពានប្រឆាំងនឹងព្រះរាជាណាចក្រកម្ពុជា។ បទល្មើសនេះ អាចជាប់ពន្ធនាគារពី១៥ ឆ្នាំដល់៣០ឆ្នាំ បើរកឃើញការពិតដូចការចោទប្រកាន់នោះមែន៕
ដោយ ៖ កោះកែវ
ក្រុមហ៊ុនRipple Inc ចាប់អារម្មណ៍ក្នុងការផលិតបន្ទះសូឡានៅកម្ពុជា សម្រាប់នាំចេញទៅកាន់សហរដ្ឋអាមេរិក
រកឃើញហើយជើងខ្លាំងខាងខ្លែងខ្មែរ! ផ្នែកខ្លែងឯក លេខ១បានទៅមន្ទីរវប្បធម៌ខេត្តកណ្តាល លេខ២ បានទៅស្រុកបន្ទាយស្រី
អភិបាលក្រុងបាវិត ណែនាំឱ្យអាជ្ញាធរត្រូវតែបង្ក្រាបឱ្យបានក្មេងទំនើងដែលអុកឡុកនៅមូលដ្ឋានរំខានដល់ប្រជាពលរដ្ឋ
ឆ្នាំនេះ អាជ្ញាធរស្រុកស្រែអំបិល កសាងផ្លូវបេតុងចំនួន៨ខ្សែ ស្មើនឹងប្រវែង៦គីឡូម៉ែត្រជូនពលរដ្ឋ
សម្រាប់ឆ្លងឆ្នាំសកលនេះ ខេត្តរតនគិរី បានត្រៀមខ្លួនរួចហើយសម្រាប់ទទួលភ្ញៀវទេសចរជាតិ និងអន្តរជាតិមកលេងកម្សាន្ត
Zhao Lusi ស្ទើតែក្លាយជាមនុស្សរុក្ខជាតិ មិនអាចឈរបាន និង បាត់បង់សមត្ថភាពនិយាយ
សម្រាប់ឆ្លងឆ្នាំសកលនេះ ខេត្តរតនគិរី បានត្រៀមខ្លួនរួចហើយសម្រាប់ទទួលភ្ញៀវទេសចរជាតិ និងអន្តរជាតិមកលេងកម្សាន្ត
ខេត្តមណ្ឌលគិរី៖ សាលាបឋមសិក្សាមួយកន្លែង ដំបូលក៏ធ្លុះធ្លាយ ជញ្ជាំងក៏ពុកផុយ គ្រូ និងសិស្ស ស្នើសុំឱ្យជួយជួសជុល
សម្តេចតេជោ៖ ជំនឿទុកចិត្តក្នុងការអនុវត្តនយោបាយឈ្នះឈ្នះនៅកម្ពុជា មានតម្លៃជាងកិច្ចព្រមព្រៀងសន្តិភាពនៅប្រទេសខ្លះ
អតីតមន្ត្រីបក្សប្រឆាំងទូទាំងប្រទេស អបអរសាទរ«ទិវាសន្តិភាពនៅកម្ពុជា» ខណៈពួកគេស្អប់ខ្ពើមសង្រ្គាម
-
សន្តិសុខសង្គម៦ ថ្ងៃ agoដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
-
សន្តិសុខសង្គម៦ ថ្ងៃ agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ជីវិតកម្សាន្ដ១៥ ម៉ោង agoZhao Lusi ស្ទើតែក្លាយជាមនុស្សរុក្ខជាតិ មិនអាចឈរបាន និង បាត់បង់សមត្ថភាពនិយាយ
-
សន្តិសុខសង្គម៤ ថ្ងៃ agoស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់
-
ចរាចរណ៍៦ ថ្ងៃ agoអ្នកដឹកជញ្ជូនម្ហូបអាហារម្នាក់ត្រូវរថយន្ដបុកស្លាប់ពេលជិះឆ្លងផ្លូវ
-
ព័ត៌មានជាតិ៧ ថ្ងៃ agoក្រសួងយុត្តិធម៌ ផ្ទេរសំណុំរឿងព្រហ្មទណ្ឌលើលោក ផាត់ ហ៊ន ពីសាលាដំបូងខេត្តកំពង់ចាម ឱ្យមកសាលាដំបូងរាជធានីចាត់ការ
-
ព័ត៌មានអន្ដរជាតិ១ សប្តាហ៍ agoបាក់ស្ពាននៅប្រេស៊ីល ធ្លាក់រថយន្តផ្ទុកអាស៊ីដស៊ុលផួរិច លេចធ្លាយសារធាតុគីមីពេញទន្លេ
-
សន្តិសុខសង្គម៧ ថ្ងៃ agoករណីកាប់ប្រហារជនរងគ្រោះនៅស្រុកបាទី នគរបាលព្រហ្មទណ្ឌស្រាវជ្រាវចាប់បាន៣នាក់ ខណៈបក្ខពួកផ្សេងទៀតកំពុងគេចខ្លួន