ព័ត៌មានជាតិ
ក្រសួងអប់រំ ហាមសិស្សចាក់សាក់ ចោះក្រវិល និងហាយឡាយសក់ ចូលសាលាជាដាច់ខាត
ក្រសួងអប់រំ យុវជន និងកីឡា បានធ្វើការហាមប្រាមសិស្សានុសិស្សចាក់សាក់លើរាងកាយ ចោះក្រវិល(សិស្សប្រុស) ហាយឡាយសក់ចម្រុះពណ៌ ចូលសាលាជាដាច់ខាត ព្រោះធ្វើឲ្យប៉ះពាល់ដល់ទំនៀមទម្លាប់ប្រពៃណីដ៏ផូរផង់របស់ជាតិខ្មែរ។
យោងតាមសេចក្ដីណែនាំស្ដីពីដំណើរការគ្រឹះស្ថានមធ្យមសិក្សាសាធារណៈឆ្នាំសិក្សា ២០២៣-២០២៤ ចុះថ្ងៃទី ១៥ វិច្ឆិកា ក្រសួងអប់រំ បានណែនាំដល់សិស្សទាំងអស់ ត្រូវមានសម្លៀកបំពាក់ស្អាតជានិច្ច សិស្សប្រុស ត្រូវស្លៀកពាក់អាវសបើកកស៊កក្នុងខោវែងខៀវចាស់ និងសិស្សស្រី ត្រូវស្លៀកពាក់អាវសស៊កក្នុងសំពត់ខៀវចាស់ក្រោមជង្គង់ នៅលើផ្ទៃអាវផ្នែកខាងលើហោប៉ៅអាវ ត្រូវប៉ាក់ឈ្មោះគ្រឹះស្ថានសិក្សា ឈ្មោះថ្នាក់ និងឈ្មោះសាមីខ្លួន។
ក្រសួង បានបន្តថា សិស្សទាំងអស់ ត្រូវប្រកាន់ភ្ជាប់នូវអនាម័យជានិច្ច សម្លៀកបំពាក់ ខ្លួនប្រាណ និងចំណីអាហារ។ សិស្សទាំងអស់ ត្រូវរៀបចំខ្លួនឲ្យបានសមរម្យ សិស្សប្រុស ត្រូវកាត់សក់ខ្លី រីឯសិស្សស្រី ត្រូវសិតសក់ ដាក់បូ ឬចង ឬក្រង ឬកាត់សក់ខ្លីត្រឹមស្មា។ ទន្ទឹមនេះ សិស្សទាំងអស់ ត្រូវរក្សាវិន័យ និងសីលធម៌ល្អ មិនត្រូវប្រព្រឹត្តអំពើដែលប៉ះពាល់ដល់សេចក្ដីថ្លៃថ្នូររបស់គ្រឹះស្ថានសិក្សា និងប្រទេសជាតិ។
លើសពីនេះ សិស្សទាំងអស់ ត្រូវមករៀនឲ្យបានទាន់ពេលវេលា ជាពិសេសសិស្សដែលដល់វេនសម្អាតតាមកាលវិភាគកំណត់ត្រូវមកដល់គ្រឹះស្ថានសិក្សា ៣០ នាទី មុនពេលចូលរៀន ដើម្បីសំអាតទីធ្លា អនាម័យ និងបន្ទប់រៀន។
ក្រសួង បានបញ្ជាក់ថា ក្រសួង ហាមចាក់សាក់លើរាងកាយ ចោះក្រវិល(សិស្សប្រុស) ហាយឡាយសក់ចម្រុះពណ៌ ដែលធ្វើឲ្យប៉ះពាល់ដល់ទំនៀមទម្លាប់ប្រពៃណីដ៏ផូរផង់របស់ជាតិខ្មែរ។
ក្រសួង បានណែនាំទៀតថា រាល់ការគោរពទង់ជាតិ ត្រូវច្រៀងចម្រៀងជាតិ បទនគររាជ និងបទពង្សាវតារខ្មែរ វគ្គទី ១ ឬទាំង ៣ វគ្គ ឲ្យត្រឹមត្រូវតាមចង្វាក់។ គណៈគ្រប់គ្រងសាលារៀន ត្រូវដឹកនាំសិស្សច្រៀងចម្រៀងជាតិ ទាំង ៣ វគ្គ យ៉ាងតិចណាស់ ១ ដង ក្នុង ១ ខែ។
ជាមួយនេះ គណៈគ្រប់គ្រងសាលារៀន លោកគ្រូ អ្នកគ្រូ ត្រូវបង្រៀនសិស្សឲ្យច្រៀងចម្រៀងជាតិ និងធម៌នានា រួមមានបទពង្សាវតារខ្មែរ ដែនដីខ្មែរ ជនជាតិខ្មែរកើតលើដីខ្មែរ បើខ្មែរបែកបាក់ និងធម៌បទសាភញ្ញ ជាដើម។ ចំពោះគ្រឹះស្ថានមធ្យមសិក្សាដែលអនុកម្មវិធីរៀន និងបង្រៀនពេញមួយថ្ងៃ ត្រូវចូលរួមអនុវត្តទៅតាមស្ថានភាព និងលទ្ធភាព ហើយគណៈគ្រប់គ្រងសាលារៀន លោកគ្រូ អ្នកគ្រូ ដឹកនាំការគោរពទង់ជាតិនៅរៀងរាល់ព្រឹក នៃផ្ទាំងសិក្សាមូរ ពេលចូលរៀន ១០ នាទី និង/ឬ រៀងរាល់ល្ងាច នៃថ្ងៃសិក្សា ក្រោយពេលចេញពីរៀន។
សម្រាប់ឆ្នាំសិក្សាថ្មី ២០២៣-២០២៤ នេះ ក្រសួងអប់រំ បានណែនាំឲ្យកុមារចាប់ពីអាយុ ៦ ឆ្នាំ ឬយ៉ាងតិច ៧០ ខែ(គិតត្រឹមថ្ងៃទី ១ ខែធ្នូ ឆ្នាំ ២០២៣) ចុះឈ្មោះចូលរៀនចាប់ពីថ្ងៃទី ១៥ ដល់ថ្ងៃទី ៣០ ខែវិច្ឆិកា ឆ្នាំ ២០២៣ និងប្រារព្ធពិធីបើកបវេសនកាលជាផ្លូវការនៅថ្ងៃទី ១ ខែធ្នូ ឆ្នាំ ២០២៣ និងបញ្ចប់ទៅវិញ នៅថ្ងៃទី ៣០ ខែកញ្ញា ឆ្នាំ ២០២៤ តាមកាលបរិច្ឆេទដូចខាងក្រោម ដោយវិស្សមកាលតូច ចាប់ពីថ្ងៃទី ៦ ដល់ថ្ងៃទី ១៩ ខែមេសា ឆ្នាំ ២០២៤ និងមហាវិស្សមកាល ចាប់ពីថ្ងៃទី ១ ដល់ថ្ងៃទី ៣១ ខែតុលា ឆ្នាំ ២០២៤៕
អត្ថបទ ៖ សំអឿន
ពលរដ្ឋ និងកម្មករមកពីខេត្តកំពង់ស្ពឺ កំពង់ចាម កំពត និងខេត្តស្វាយរៀង មិនចង់ឃើញបាតុកម្មនៅកូរ៉េក្រោមរូបភាពចាញ់កលល្បិចទណ្ឌិត សម រង្ស៊ី
ក្រុមហ៊ុន KENPAX របស់ចិន គ្រោងនឹងសាងសង់រោងចក្របរិក្ខារពេទ្យដ៏ធំមួយនៅក្នុងស្រុកជុំគីរី ខេត្តកំពត
ផ្លូវហ្សាលឌឺហ្គោល (ផ្លូវ២១៧) នឹងត្រូវរៀបចំសណ្តាប់ធ្នាប់ រួមជាមួយផ្លាស់ប្តូរការ៉ូឡាថ្មី ដើម្បីយកធ្វើជាផ្លូវគំរូ
លោកជំទាវ ហ៊ុន ម៉ាណា ប្រគល់អគារទីចាត់ការ អគារបណ្ណាល័យ បន្ទប់ទឹក និងផ្ដល់អាហារ១ពេលដល់សិស្សានុសិស្ស នៃសាលាបឋមសិក្សាទួលចំប៉ី ក្នុងស្រុកកំពង់សៀម ខេត្តកំពង់ចាម
រដ្ឋមន្ត្រីការពារជាតិ ទៀ សីហា នឹងចូលរួមកិច្ចប្រជុំចង្អៀតរដ្ឋមន្ត្រីការពារជាតិអាស៊ាននៅម៉ាឡេស៊ីចុងខែនេះ
រុស្ស៊ី បានដៃ បាញ់មីស៊ីលស្រោចលើអ៊ុយក្រែន ចំពេល ត្រាំ និង ហ្សេលេនស្គី កំពុងឈ្លោះគ្នា
រដ្ឋមន្ត្រីការពារជាតិ ទៀ សីហា នឹងចូលរួមកិច្ចប្រជុំចង្អៀតរដ្ឋមន្ត្រីការពារជាតិអាស៊ាននៅម៉ាឡេស៊ីចុងខែនេះ
បារាំង-អង់គ្លេស ចេញមុខកែនទ័ពអឺរ៉ុប៣ម៉ឺននាក់ បញ្ជូនទៅអ៊ុយក្រែន ធ្វើឲ្យរុស្ស៊ី ក្តៅឆេវ
អធិការរងខណ្ឌ ៧ មករា ម្នាក់ បើករថយន្តធ្លាក់ស្ពាន ស្លាប់មនុស្សម្នាក់ និងរបួសធ្ងន់-ស្រាល ៤ នាក់
មន្ត្រីអាមេរិកប្រាប់អ៊ុយក្រែន ឲ្យឈប់ឈ្លោះជាមួយ ត្រាំ ហើយងាកមកស៊ីញ៉េកិច្ចព្រមព្រៀងផ្តល់ធនធានរ៉ែវិញ
-
ព័ត៌មានជាតិ៤ ថ្ងៃ agoគ្រាន់តែសុំមើលប្រដាប់វាស់ជាតិអាល់កុល បណ្ឌិត សុខ ទូច ត្រូវប៉ូលីសស្រែកកំហកដាក់ថា«ហែងស្អីបានមកបញ្ជាកងកម្លាំង?»
-
ព័ត៌មានជាតិ៦ ថ្ងៃ agoរថយន្តបុកគ្នា ខ្ទាតចេញប្រេងឆាគ្មានម៉ាកយីហោ២០០កាន៖ ពលរដ្ឋខ្លាចប៉ះពាល់សុខភាពអ្នកប្រើប្រាស់
-
ព័ត៌មានជាតិ៤ ថ្ងៃ agoបណ្ឌិត គិន ភា៖សូម្បីបណ្ឌិតសភាចារ្យ សុខ ទូច ប៉ូលិសចរាចរណ៍មួយក្រុមនោះមិនគោរពផង ចុះពលរដ្ឋធម្មតា?
-
សន្តិសុខសង្គម៥ ថ្ងៃ agoដើមផ្កាត្របែកព្រៃលើសួនទ្រូងផ្លូវជាតិលេខ៥ ងាប់ជាង១ពាន់ដើម ខណៈមន្ត្រីជំនាញអះអាងថា ភាគច្រើនមកពីសត្វឌួងស៊ី
-
ព័ត៌មានជាតិ៤ ថ្ងៃ agoនគរបាលច្រានចោលការលើកឡើងរបស់បណ្ឌិត សុខ ទូច
-
ព័ត៌មានអន្ដរជាតិ១ សប្តាហ៍ agoរុស្ស៊ី វាយប្រហាររោងចក្រនុយក្លេអ៊ែរនៅ Chernobyl បង្កហានិភ័យលេចធ្លាយជាតិវិទ្យុសកម្ម
-
ព័ត៌មានជាតិ១ សប្តាហ៍ agoកម្ចីប្រាក់តាមអនឡាញខុសច្បាប់ រដ្ឋមន្ត្រីមហាផ្ទៃ ប្រាប់ពលរដ្ឋ «កុំសង» បើគេរករឿង ប្ដឹងមកសមត្ថកិច្ច
-
ចរាចរណ៍២ ថ្ងៃ agoនគរបាលស្រុកបូទុមសាគរ កំពុងស្វែងរកជនបង្ក គ្រោះថ្នាក់ចរាចរណ៍បណ្ដាលឲ្យស្លាប់មនុស្ស២ម្នាក់ និងរបួស២នាក់