ព័ត៌មានជាតិ

ប្រេងសាំងធ្លាក់សល់២៩៥០រៀល ខណៈប្រេងម៉ាស៊ូតចុះមកនៅ២៥៥០រៀល ក្នុងមួយលីត្រ

បានផុស

៤ years មុន

នៅ

ថ្ងៃអង្គារ ៣ វិច្ឆិកា ២០២០

ដោយ

តម្លៃប្រេងសាំងលក់រាយនៅកម្ពុជា ចាប់ពីថ្ងៃទី០១ដល់ថ្ងៃទី១៥ ខែវិច្ឆិកា ឆ្នាំ២០២០ មានចំនួន២៩៥០រៀល ក្នុងមួយលីត្រសម្រាប់សាំងធម្មតានិង២៥៥០រៀល ក្នុងមួយលីត្រសម្រាប់ប្រេងម៉ាស៊ូត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្តីជូនដំណឹងរបស់ក្រសួងពាណិជ្ជកម្ម ដែលបានចេញផ្សាយកាលពីថ្ងៃទី០២វិច្ឆិកាបានឲ្យដឹងថា តម្លៃនេះបើធៀបនឹងរយៈពេលពីរសប្តាហ៍មុនឃើញថា មានការថយចុះ៥០រៀលក្នុងមួយលីត្រ ខណៈប្រេងម៉ាស៊ូតថយចុះ៥០រៀលដូចគ្នាក្នុងមួយលីត្រ។ ផ្អែកតាមតម្លៃមធ្យមប្រេងឥន្ធនៈ នៅលើទីផ្សារអន្តរជាតិថ្លៃលក់រាយប្រេងឥន្ធនៈពីថ្ងៃទី០១ដល់ថ្ងៃទី១៥ ខែវិច្ឆិកា ឆ្នាំ២០២០ ត្រូវលក់តម្លៃ៣១១០រៀលក្នុងមួយលីត្រ សម្រាប់សាំងធម្មតានិង២៧៣០រៀលក្នុងមួយលីត្រសម្រាប់ប្រេងម៉ាស៊ូត។

ដើម្បីសម្រួលដល់ជីវភាពរបស់ប្រជាជន និងដោយមានការចូលរួមចំណែកពីក្រុមហ៊ុនចែកចាយប្រេងឥន្ធនៈនៅកម្ពុជា សម្ដេចអគ្គមហាសេនាបតីតេជោហ៊ុនសែននាយករដ្ឋមន្ត្រីនៃព្រះរាជាណាចក្រកម្ពុជាបានតម្លៃបញ្ចុះតម្លៃលក់រាយប្រេងឥន្ធនៈ នៅកម្ពុជាចំនួន៤សេនដុល្លារក្នុងមួយលីត្រ។ ដូច្នេះថ្លៃលក់រាយព្រះឥន្ធនៈសម្រាប់អនុវត្តចាប់ពីថ្ងៃទី០១ ដល់ថ្ងៃទី១៥ ខែវិច្ឆិកា ឆ្នាំ២០២០នឹងចុះមកនៅ២៩៥០រៀលក្នុងមួយលីត្រ សម្រាប់សាំងធម្មតានិង២៥៥០រៀល ក្នុងមួយលីត្រសម្រាប់ប្រេងម៉ាស៊ូត។

សូមបញ្ជាក់ថា ក្រសួងពាណិជ្ជកម្មមិនមែនជាអ្នកកំណត់ថ្លៃលក់រាយប្រេងឥន្ធនៈនៅកម្ពុជាទេ គឺក្រសួងគ្រាន់តែស្រង់តម្លៃឡើងចុះនៃប្រេងតាមទីផ្សារអន្តរជាតិមកគណនាតែប៉ុណ្ណោះ អាស្រ័យហេតុនេះសូមគ្រប់ស្ថានីយលក់រាយប្រេងឥន្ទនៈទាំងអស់ប្រតិបត្តិតាមការចាំបាច់៕

អត្ថបទ៖ សំអឿន

សូមចុចអាន៖ ព័ត៌មានបឋម ហេដ្ឋារចនាសម្ព័ន្ធខូចខាតប្រមាណ ៦៧០គីឡូម៉ែត្រ

Related Topics:តម្លៃប្រេងសាំង