ព័ត៌មានជាតិ
សិស្សនិស្សិតកម្ពុជាជិត ២ ពាន់នាក់ ទទួលបានអាហារូបករណ៍ពីក្រុមហ៊ុន អេសស៊ីជី ក្នុងរយៈពេល ១ ទសវត្សរ៍មកនេះ
ក្រុមហ៊ុន អេសស៊ីជី ដែលជាក្រុមហ៊ុនមានអាជីវកម្មពហុវិស័យឈានមុខគេនៅក្នុងតំបន់អាស៊ាន នៅថ្ងៃទី ១៥ ខែវិច្ឆិកា ឆ្នាំ២០២៣ បានប្រកាសអ្នកទទួលបានអាហារូបករណ៍ពីកម្មវិធីអាហារូបករណ៍ អេសស៊ីជី ចែករំលែកក្ដីសុបិន ឆ្នាំ២០២៣ នៅកម្ពុជា ខណៈឆ្នាំនេះ គឺជាខួបទី១០ឆ្នាំហើយ ដែលក្រុមហ៊ុន អេសស៊ីជី បានរៀបចំកម្មវិធីផ្ដល់អាហារូបករណ៍នេះឡើង ដោយបានផ្ដល់អាហារូបករណ៍ដល់សិស្សនិស្សិតកម្ពុជាសរុបជិត ២ពាន់នាក់។
កម្មវិធីអាហារូបករណ៍ អេសស៊ីជី ចែករំលែកក្ដីសុបិន ត្រូវបានធ្វើឡើងនៅកម្ពុជាតាំងពីឆ្នាំ២០១៤ មកម្ល៉េះ ដោយមានកិច្ចសហប្រតិបត្តិការ រវាងក្រុមហ៊ុន អេសស៊ីជី ជាមួយនឹងក្រសួងអប់រំ យុវជន និងកីឡា និងស្ថានទូតថៃប្រចាំកម្ពុជា។ កម្មវិធីនេះ មានគោលបំណងគាំទ្រដល់សិស្សនិស្សិតថ្នាក់វិទ្យាល័យ និងសាកលវិទ្យាល័យ ដែលមានការសិក្សាល្អ រួមទាំងអាកប្បកិរិយាល្អ និងចេះគោរពចំពោះឪពុកម្ដាយ និងចាស់ព្រឹទ្ធាចារ្យជាដើម។
គិតតាំងពីឆ្នាំ២០១៤ មក ក្រុមហ៊ុន អេសស៊ីជី បានផ្ដល់អាហារូបករណ៍ដល់សិស្សវិទ្យាល័យ និងនិស្សិតសាកលវិទ្យាល័យសរុបចំនួនជាង ១.៧០០នាក់ នៅក្នុងរាជធានីភ្នំពេញ ខេត្តកណ្ដាល និងកំពត ដោយសរុបថវិកាចំណាយលើការផ្ដល់ជូននេះ មានដល់ទៅប្រមាណ ៧០ម៉ឺនដុល្លារអាមេរិកឯណោះ។
ក្រុមហ៊ុន អេសស៊ីជី ប្ដេជ្ញាចិត្តក្លាយជាផ្នែកមួយនៃការអភិវឌ្ឍប្រកបដោយចីរភាពនៅកម្ពុជា ពិសេសនៅក្នុងការអភិវឌ្ឍធនធានមនុស្ស។ តាមរយៈការផ្ដល់ឱកាសអប់រំដល់យុវជនកម្ពុជា អេសស៊ីជី ជឿជាក់ថា នឹងជំរុញលើកទឹកចិត្តឲ្យពួកគេរត់ដេញតាមក្ដីស្រមៃរបស់ខ្លួន និងចូលរួមចំណែកនៅក្នុងការអភិវឌ្ឍសង្គមផងដែរ។
យ៉ាងណាមិញ សម្រាប់ខួប១០ឆ្នាំ នៃកម្មវិធីអាហារូបករណ៍ អេសស៊ីជី ចែករំលែកក្ដីសុបិន មានការអញ្ជើញចូលរួមជាអធិបតីភាពពីសំណាក ឯកឧត្តមបណ្ឌិត អ៊ុម រម្យណី រដ្ឋលេខាធិការនៃក្រសួងអប់រំ យុវជន និងកីឡា, ឯកឧត្តម Cherdkiat Attarkor ឯកអគ្គរាជទូតថៃប្រចាំព្រះរាជាណាចក្រកម្ពុជា និងលោក Ratchayut Kasemchaisiri អគ្គនាយកក្រុមហ៊ុន SCG ប្រចាំប្រទេសកម្ពុជា។ សម្រាប់ឆ្នាំនេះ កម្មវិធីអាហារូបករណ៍ អេសស៊ីជី ចែករំលែកក្ដីសុបិន បានផ្ដល់អាហារូបករណ៍សរុបចំនួន ១៥១ នាក់ ដោយក្នុងនោះ មានសិស្សវិទ្យាល័យចំនួន ១២៥នាក់ និងនិស្សិតសាកលវិទ្យាល័យចំនួន ២៦នាក់។
និស្សិតដែលទទួលបានអាហារូបករណ៍ពីកម្មវិធីនេះ សុទ្ធសឹងជាអ្នកកំពុងសិក្សានូវមុខជំនាញសំខាន់ៗសម្រាប់ការអភិវឌ្ឍប្រទេសជាតិ ដូចជាផ្នែក វេជ្ជសាស្ត្រ, វិស្វកម្ម, វិទ្យាសាស្ត្រសង្គម, ការអប់រំ និងផ្សេងៗទៀត។
លោក Ratchayut Kasemchaisiri អគ្គនាយក អេសស៊ីជី ប្រចាំកម្ពុជា បានមានប្រសាសន៍ថា «រយៈពេល ៣ទសវត្សរ៍មកហើយ ដែលក្រុមហ៊ុន អេសស៊ីជី បាននិងកំពុងមានប្រតិបត្តិការនៅកម្ពុជា។ យើងជឿជាក់ថា ការអភិវឌ្ឍធនធានមនុស្ស គឺជាគន្លឹះនៃនិរន្តរភាពសង្គម ហើយការអប់រំ គឺជាកត្តាស្នូលដ៏សំខាន់ ដើម្បីធ្វើឲ្យប្រសើរឡើងនូវគុណភាពជីវិតរបស់ពលរដ្ឋ និងធានាការអភិវឌ្ឍប្រទេសប្រកបដោយចីរភាព។ ស្របតាមការប្តេជ្ញាចិត្តរបស់យើង ក្នុងការក្លាយជាពលរដ្ឋដែលមានទំនួលខុសត្រូវ អេសស៊ីជី បានផ្ដួចផ្ដើមបង្កើកម្មវិធីអាហារូបករណ៍ អេសស៊ីជី ចែករំលែកក្ដីសុបិន ដើម្បីគាំទ្រដល់ក្មេងៗនៅទូទាំងតំបន់អាស៊ាន»។
ឯកឧត្តមបណ្ឌិត អ៊ុម រម្យណី រដ្ឋលេខាធិការនៃក្រសួងអប់រំ យុវជន និងកីឡា បានគូសបញ្ជាក់ដែរថា ការសិក្សា គឺជាពន្លឺនាំផ្លូវយុវជនទៅរកអនាគតដ៏ភ្លឺស្វាង ហើយកាលណាយុវជនពោរពេញទៅដោយសមត្ថភាព នោះពួកគេនឹងក្លាយជាកោសិកាដ៏សំខាន់នៅក្នុងការជំរុញដល់ការអភិវឌ្ឍសេដ្ឋកិច្ច និងសង្គមជាតិ។ ក្នុងន័យ ឯកឧត្តម ក៏បានស្ងើចសរសើរ និងថ្លែងអំណរគុណចំពោះការចូលរួមចំណែករបស់ក្រុមហ៊ុន អេសស៊ីជី តាំងពីដើមរៀងមក ដែលបានជួយគាំទ្រដល់វិស័យអប់រំនៅកម្ពុជា តាមរយៈការផ្ដល់ជូននូវអាហារូបករណ៍ជាច្រើនដល់សិស្សនិស្សិត និងការងារគាំពារបរិស្ថានជាច្រើនទៀតផងដែរ។
ជាមួយគ្នានេះ ឯកឧត្តម Cherdkiat Attarkor ឯកអគ្គរាជទូតថៃប្រចាំព្រះរាជាណាចក្រកម្ពុជា បានគូសបញ្ជាក់ថា ក្រៅតែពីមានប្រតិបត្តិការលើអាជីវកម្មរបស់ខ្លួន អេសស៊ីជី គឺជាគំរូដ៏ល្អនៃកិច្ចខិតខំប្រឹងប្រែងអភិវឌ្ឍន៍ប្រកបដោយចីរភាព។
ឯកឧត្តមមានប្រសាសន៍បន្ថែមថា «សម្រាប់កម្មវិធីអាហារូបករណ៍ អេសស៊ីជី ចែករំលែកក្ដីសុបិន មិនត្រឹមតែជាកម្មវិធីផ្ដល់អាហារូបករណ៍ធម្មតាមួយនោះឡើយ ប៉ុន្ដែ វាគឺជាពន្លឺនៃក្ដីសង្ឃឹម ដែលជាការប្តេជ្ញាចិត្តយ៉ាងស្មោះស្ម័គ្ររបស់ក្រុមហ៊ុន អេសស៊ីជី ក្នុងការជំរុញនិរន្ដរភាព និងការអភិវឌ្ឍតាមរយៈវិស័យអប់រំទូទាំងតំបន់អាស៊ាន»។
កម្មវិធីអាហារូបករណ៍ អេសស៊ីជី ចែករំលែកក្ដីសុបិន គឺជាគំនិតផ្ដួចផ្ដើមអភិវឌ្ឍន៍ប្រកបដោយចីរភាពទូទាំងអាស៊ានពីក្រុមហ៊ុន អេសស៊ីជី។ គិតមកទល់បច្ចុប្បន្ន កម្មវិធីនេះ បានផ្ដល់អាហារូបករណ៍ជាង ១ម៉ឺនកន្លែងហើយ ដល់សិស្សនិស្សិតឆ្នើមរាប់ពាន់នាក់នៅក្នុងតំបន់អាស៊ាន ដូចជានៅប្រទេសកម្ពុជា មីយ៉ាន់ម៉ា វៀតណាម ឥណ្ឌូណេស៊ី ឡាវ ហ្វីលីពីន និងថៃ ដោយសិស្សនិស្សិតទាំងនោះ សុទ្ធសឹងជាយុវជនដែលមានការសិក្សាល្អ ចេះគោរពដឹងគុណអ្នកដទៃ និងមានការតាំងចិត្តមុតមាំក្នុងការបន្ដការសិក្សា៕
លោកបណ្ឌិត សូ ណារ៉ូ ៖ សូមពលរដ្ឋកុំ Share ការអំពាវនាវទណ្ឌិត សម រង្ស៊ី ព្រោះជាការញុះញង់ផ្តួលរំលំរាជរដ្ឋាភិបាល និងចាត់ទុកជាបទល្មើសព្រហ្មទណ្ឌកម្រិតធ្ងន់
បុណ្យកោងកាងសន្តិភាពឆ្នាំនេះ÷ កូនកោងកាង៥ពាន់ដើម ត្រូវបានដាំនៅក្នុងសហគមន៍កោះកាពិ ខេត្តកោះកុង
លោកស្រី ដោ សម្ផស្ស៖ សមាគមកាយឫទ្ធិនារី ត្រូវយកចំណេះដឹងទៅផ្សព្វផ្សាយ ក្នុងសហគមន៍ ដើម្បីទីក្រុងយើងមានបរិស្ថានល្អ
ផ្លូវថ្មើរជើងរាត្រីនេះ មានល្ខោនបាសាក់ ចាបុីដងវែងនៅសប្តាហ៍ក្រោយ នឹងមានកំប្លែងនាយក្រឹម
រដ្ឋមន្ត្រីបរិស្ថាន ប្រកាសបន្តធ្វើបុណ្យកោងកាងសន្តិភាពរៀងរាល់ឆ្នាំ ដើម្បីរក្សាព្រៃកោងកាង និងបរិស្ថានកម្ពុជា
Trump ដាក់លក្ខខណ្ឌបើ Zelensky ចង់មកចរចាម្តងទៀត
Trump និង Zelensky ឈ្លោះគ្នានៅសេតវិមាន ផ្អើលពិភពលោក
ជម្លោះ Trump-Zelensky ធ្វើឲ្យអឺរ៉ុបធ្លាក់ចូលវិបត្តិជ្រៅ, តើណាតូនិងអ៊ុយក្រែន ទៅជាយ៉ាងណា?
រុស្ស៊ីពង្រឹងការទូតយ៉ាងខ្លាំង ក្រោយអាមេរិកផ្សះផ្សាវិញ ប៉ុន្តែដូណាល់ ត្រាំបំបែកសម្ព័ន្ធមិត្ត
មេដឹកនាំបណ្តាប្រទេសនៅអឺរ៉ុបបង្ហាញជំហរពិតក្នុងជម្លោះត្រាំនិងហ្សេលេនស្គី
-
សេចក្ដីជូនដំណឹង១ សប្តាហ៍ agoរៃហ្គេត ហ្គ្រេមម័រ ស្គូល ភ្នំពេញ ដើមកំណើត៣៥០ឆ្នាំ ពីចក្រភពអង់គ្លេស
-
ព័ត៌មានអន្ដរជាតិ៤ ថ្ងៃ agoរថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានអន្ដរជាតិ៧ ថ្ងៃ agoចិន រកឃើញមេរោគស៊ីសួតថ្មី បង្កក្តីបារម្ភផ្ទុះជំងឺរាតត្បាត ដូច កូវីដ-១៩
-
ព័ត៌មានជាតិ៣ ថ្ងៃ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម៥ ថ្ងៃ agoបង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ព័ត៌មានអន្ដរជាតិ៦ ថ្ងៃ agoហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
សន្តិសុខសង្គម១ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ៤ ថ្ងៃ agoឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ