ព័ត៌មានជាតិ
កសិករដាំស្លឹកខ្ទឹមចំណាយទុនជិត១ម៉ឺនដុល្លារក្នុងដី១ហិកតា
ស្លឹកខ្ទឹមជាប្រភេទបន្លែតម្រូវការរាល់ថ្ងៃដែលកសិករយើងតែងតែដាំរៀងរាល់ឆ្នាំជាលក្ខណៈវិលជុំជាមួយបន្លែចម្រុះផ្សេងទៀតក្នុងរយៈពេលយូរឆ្នាំមកហើយច្រើនតែក្នុងស្រុកស្អាង ខេត្តកណ្តាលដែលមានភូមិសាស្ត្រជាប់មាត់ទន្លេ។

នេះជាការលើកឡើងរបស់ពូ ម៉ៅ ដែលជាកសិករដាំស្លឹកខ្ទឹមផង និងជាអ្នកប្រមូលទិញផងក្នុងស្រុកស្អាង ខេត្តកណ្តាលបានឲ្យដឹងតាមរយៈទូរស័ព្ទថា ស្លឹកខ្ទឹមមានបីប្រភេទ ស្លឹកខ្ទឹមខ្យល់ដែលនាំចូលពីវៀតណាមច្រើន។ ស្លឹកខ្ទឹមគុយទាវ និងស្លឹកខ្ទឹមចិន និងប្រភេទខ្លះជាពូជនាំចូលពីម៉ាឡេស៊ី។ក្នុងចំណោមប្រភេទខ្ទឹមទាំងនោះ គឺមានតែខ្ទឹមខ្យល់តែប៉ុណ្ណោះដែលថោកជាងគេ។ ដោយឡែកក្នុងការប្រមូលផលនាំចេញក្នុង១ថ្ងៃពូ ម៉ៅ អាចនាំទៅលក់តាមទីផ្សារនិងខេត្តបានចំនួន៥០០គីឡូក្រាម។

ពូ ម៉ៅ បានលើកឡើងទៀតថា ដាំស្លឹកខ្ទឹមក្នុងផ្ទៃដី១ហិកតាអាចទទួលបានផលចាប់ពី១៥ទៅ១៦តោនហើយបើគិតទៅលើការចំណាយវិញរហូត៣០លានទៅជាង៣០លានប្រហាក់ប្រហែល១ម៉ឺនដុល្លារ។ស្លឹកខ្ទឹមធ្លាក់ថ្លៃក្នុងខែមករា និងខែកុម្ភៈដែលសម្បូរច្រើនដែលមានតម្លៃត្រឹមតែ១ពាន់រៀលក្នុង១គីឡូក្រាម ហើយបើបានថ្លៃខ្លាំងមិនសម្បូរសោះនោះ ស្លឹកខ្ទឹមអាចបានថ្លៃ១គីឡូក្រាមដល់១២០០០រៀល។ពូ ម៉ៅ បន្តទៀតថា ប៉ុន្មានខែមុនស្លឹកខ្ទឹមបានថ្លៃខ្ពស់មែន តែមកដល់ពេលនេះស្លឹកខ្ទឹមធ្លាក់ថ្លៃមកត្រឹម២០០០រៀលក្នុង១គីឡូក្រាម។ បានន័យថាក្នុងតម្លៃ២០០០រៀលខាតច្រើនតែយើងបានពូជទុកលក់ទប់ទល់វិញបាន។

ពូ ម៉ៅ បានបញ្ជាក់ពីការធ្លាក់ថ្លៃស្លឹកខ្ទឹមច្រើនមកពីមានអ្នកដាំច្រើនពីមុនធ្លាប់ល្បីស្រុកស្អាង ខេត្តកណ្តាលឥឡូវមានរហូតដល់ខេត្តកំពង់ឆ្នាំង បាត់ដំបងក៏មានអ្នកដាំស្លឹកខ្ទឹមច្រើនផងដែរ៕
អត្ថបទ ៖ កញ្ញា វ៉ាត.


-
ព័ត៌មានអន្ដរជាតិ១៩ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?