ព័ត៌មានជាតិ
ឆ្នាំនេះ ក្រសួង អាចនឹងប្រកាសលទ្ធផលប្រឡងបាក់ឌុបមុនពេលកំណត់ដូចឆ្នាំមុនដែរឬទេ?
ក្រសួងអប់រំ យុវជន និងកីឡា គ្រោងនឹងប្រកាសលទ្ធផលប្រឡងបាក់ឌុបនៅថ្ងៃទី ២៧ វិច្ឆិកា សម្រាប់រាជធានីភ្នំពេញ និងខេត្តកណ្ដាល និងថ្ងៃទី ២៨ វិច្ឆិកា សម្រាប់បណ្ដាខេត្តផ្សេងៗ។
តើឆ្នាំនេះក្រសួងអាចប្រកាសលទ្ធផលប្រឡងមុនពេលកំណត់ដូចឆ្នាំមុនដែរឬទេ? ព្រោះនៅសល់តែការស្រង់ពិន្ទុដាក់ក្នុងកុំព្យូទ័រ និងផ្ទៀងផ្ទាត់ពិន្ទុតែប៉ុណ្ណោះ ខណៈឆ្នាំមុនក្រសួងប្រកាសលទ្ធផលមុនថ្ងៃកំណត់រហូតដល់ទៅ ៥ ថ្ងៃឯណោះ។
លោកស្រី ឃួន វិច្ឆិកា អ្នកនាំពាក្យក្រសួងអប់រំ យុវជន និងកីឡា បានពន្យល់ថា ជាគោលការណ៍ ក្រសួងអប់រំ នឹងប្រកាសលទ្ធផលប្រឡងបាក់ឌុបនៅថ្ងៃទី ២៧ វិច្ឆិកា។ ដោយឡែក នៅពេលដែលក្រសួងរៀបចំផ្ទៀងផ្ទាត់ និងពិនិត្យរួចចប់សព្វគ្រប់ហើយ ពេលណានោះ ក្រសួង នឹងប្រកាសលទ្ធផលតែម្ដង ដោយមិនមានការរង់ចាំទៅតាមកាលកំណត់នោះទេ។
លោកស្រី បានបន្តថា «ដូច្នេះសម្រាប់ឆ្នាំនេះ ប្រសិនបើក្រសួងអប់រំរៀបចំដោយលូន មិនមានបញ្ហាអ្វីមួយនោះ ក៏អាចធ្វើការផ្សព្វផ្សាយលទ្ធផលប្រឡងមុនបានដែរ តែជាគោលការណ៍ យកថ្ងៃទី ២៧ វិច្ឆិកា ដូចបានជូនដំណឹងកន្លងមកអីចឹង»។
លោកស្រី បានបន្ថែមទៀតថា ចាប់ពីថ្ងៃទី ១៧ ដល់ថ្ងៃទី ២៦ វិច្ឆិកា ជាដំណើរបូកស្រង់ពិន្ទុដោយកុំព្យូទ័រ និងផ្ទៀងផ្ទាត់ពិន្ទុរហូតដល់ថ្ងៃប្រកាសលទ្ធផលប្រឡង។
លោកស្រី បន្ថែមថា «អីចឹងក្នុងរយៈពេលពីថ្ងៃទី ១៧ នេះ យើងយកសន្លឹកបណ្ណសម្រង់ពិន្ទុដែលបានមកពីមណ្ឌលកំណែនីមួយៗ បញ្ចូលទៅក្នុងកុំព្យូទ័រ។ បន្ទាប់ពីបញ្ចូលរួច ព្រីនឯកសារចេញពីកុំព្យូទ័រ ដើម្បីធ្វើការផ្ទៀងផ្ទាត់ជាមួយនឹងបណ្ណសម្រង់ពិន្ទុដែលបានមកពីមណ្ឌលកំណែទាំង ១០ នៅរាជធានីភ្នំពេញថា តើពិតជាត្រូវគ្នាឬក៏អត់ ហើយនឹងមានការត្រួតពិនិត្យមើលដំណើរការប្រឡង និងបូកស្រង់ពិន្ទុនេះអាចទទួលយកបានទើបរៀបចំប្រកាសព័ត៌មានលទ្ធផលប្រឡងនៅថ្ងៃទី ២៧ វិច្ឆិកា តែម្ដង»។
គួរបញ្ជាក់ថា ប្រឡងបាក់ឌុបឆ្នាំមុន សម័យប្រឡង ៥ ធ្នូ ក្រសួង បានប្រកាសលទ្ធផលប្រឡងមុន ៥ ថ្ងៃ គឺនៅថ្ងៃទី ២២ ធ្នូ សម្រាប់រាជធានីភ្នំពេញ និង ២៣ ធ្នូ សម្រាប់បណ្តាខេត្តផ្សេងៗ ខណៈតាមគម្រោង នឹងប្រកាសនៅថ្ងៃទី ២៧ សម្រាប់រាជធានីភ្នំពេញ និងខេត្តកណ្តាល និងថ្ងៃទី ២៨ ធ្នូ សម្រាប់បណ្ដាខេត្តផ្សេងៗ។
សូមរំលឹកថា សម្រាប់ឆ្នាំនេះ ក្រសួង បានរៀបចំប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ០៦ វិច្ឆិកា ២០២៣ មានបេក្ខជនចុះឈ្មោះប្រឡងសរុបចំនួន ១៣៧.៤១២ នាក់ ស្រី ៧៣.២៧៨ នាក់ ចែកជា ២២៧ មណ្ឌលប្រឡង ត្រូវជា ៥.៥៤៣ បន្ទប់។ មានបេក្ខជនអវត្តមានសរុប ២.៣២៨ នាក់ ស្រី ៩៣៤ នាក់ ស្មើនឹង ១,៦៩ ភាគរយ នៃបេក្ខជនចុះឈ្មោះសរុប(ក្នុងនោះ បេក្ខជនស្វៃរិនអវត្តមានចំនួន ១.៨១៤ នាក់ ស្រី ៧៤៩ នាក់)។ បេក្ខជនមានបញ្ហាសុខភាព ៨៥ ករណី ក្នុងនោះ បេក្ខជនមានបញ្ហាសុខភាព និងមិនអាចបន្តការប្រឡងបានចំនួន ៥ ករណី៕
អត្ថបទ ៖ សំអឿន
ផ្ទុះប្រតិកម្ម ក្រោយលេចឮដំណឹងនៃការផលិតរឿង “ភ្លើងឆេះក្លឹបក្រោមដី” វគ្គថ្មី មិនមែន LD
សម្តេចតេជោ ហ៊ុន សែន រកឃើញកុមារីលក់ផ្កា គ្រោងនឹងជួបឪពុកម្តាយរបស់កុមារីនៅថ្ងៃទី២៧ ខែមេសា
ពលរដ្ឋរងគ្រោះដោយខ្យល់កន្ត្រាក់១០គ្រួសារ ទទួលអំណោយពីកាកបាទក្រហមកម្ពុជាខេត្តបន្ទាយមានជ័យ
លោក សួស យ៉ារ៉ា ៖ ការទូតសន្តិភាពសភាកម្ពុជាមានបទពិសោធន៍កសាងសន្តិភាពជាក់ស្តែង និងផ្អែកលើគោលការណ៍ទាំង៥
កម្ពុជាកំពុងរៀបចំនីតិវិធីពិសេស សម្រាប់ការនាំចេញទំនិញទៅទីផ្សារអាមេរិក
សម្តេចធិបតី៖ ការប្រគល់វត្ថុបុរាណពីថៃជូនកម្ពុជាវិញ ជាការវិលត្រឡប់ដួងព្រលឹងបុព្វបុរសខ្មែរ
លើកនេះ រុស្ស៊ី ដាក់លក្ខខណ្ឌស្រួលមួយទៅអ៊ុយក្រែន បើចង់ចរចា ឈានទៅការបញ្ចប់សង្គ្រាមមែន
លួងលោមចូលផ្ទះសំណាក់មិនបាន ដឹកចូលព្រៃស្ងាត់ចាប់រំលោភបានសម្រេច រួចវាយប្លន់យកទ្រព្យសម្បត្តិអស់
ត្រាំ បន្ទន់ជំហរដាក់ចិនដោយប្រកាសពីការទម្លាក់ពន្ធ ក្រោយចិនសម្ដែងភាពមិនរុញរា
សម្តេចតេជោ ហ៊ុន សែន រកឃើញកុមារីលក់ផ្កា គ្រោងនឹងជួបឪពុកម្តាយរបស់កុមារីនៅថ្ងៃទី២៧ ខែមេសា
-
ចរាចរណ៍២ ថ្ងៃ agoស្នងការរងខេត្តឧត្ដរមានជ័យម្នាក់ គាំងបេះដូងស្លាប់ពេលបើកបររថយន្ដ រួចជ្រុលបុករថយន្តមួយគ្រឿងទៀត
-
សន្តិសុខសង្គម១ សប្តាហ៍ agoមនុស្ស៩នាក់ស្លាប់ក្នុងគ្រោះថ្នាក់ចរាចរណ៍នាថ្ងៃទី២នៃពិធីបុណ្យចូលឆ្នាំថ្មី
-
ព័ត៌មានអន្ដរជាតិ៧ ថ្ងៃ agoខេត្ត Phuket របស់ថៃរងការវាយប្រហារដោយទឹកជំនន់ភ្លាមៗ ក្រោយមានភ្លៀងធ្លាក់ខ្លាំង
-
ព័ត៌មានជាតិ១៤ ម៉ោង agoសម្តេចធិបតី៖ ការប្រគល់វត្ថុបុរាណពីថៃជូនកម្ពុជាវិញ ជាការវិលត្រឡប់ដួងព្រលឹងបុព្វបុរសខ្មែរ
-
ព័ត៌មានអន្ដរជាតិ៧ ថ្ងៃ agoរុស្ស៊ី បង្ហាញឈ្មោះ៤ប្រទេស ដែលនឹងភ្លក់គ្រាប់របស់ខ្លួនមុនគេ ពេលផ្ទុះសង្គ្រាមធំ
-
សុខភាព៣ ថ្ងៃ agoដំណឹងល្អ! កម្ពុជានឹងដាក់ឱ្យប្រើប្រាស់ថ្នាំព្រឹបប្រភេទចាក់បង្ការ មុនពេលប្រឈមនឹងការឆ្លងមេរោគអេដស៍ នៅខែឧសភា ខាងមុខ
-
ព័ត៌មានអន្ដរជាតិ១៧ ម៉ោង agoលើកនេះ រុស្ស៊ី ដាក់លក្ខខណ្ឌស្រួលមួយទៅអ៊ុយក្រែន បើចង់ចរចា ឈានទៅការបញ្ចប់សង្គ្រាមមែន
-
ព័ត៌មានអន្ដរជាតិ៧ ថ្ងៃ agoខ្លះៗអំពីរថយន្តដែលលោក ស៊ី ជីនពីង យកពីចិនមកជិះនៅកម្ពុជា