Connect with us

ព័ត៌មានជាតិ

អគ្គិភ័យឆេះផ្ទះលក់ និងបញ្ចូលហ្គាស​នៅចាក់អង្រែក្រោម

បានផុស

នៅ

អគ្គិភ័យ បានឆាបឆេះផ្ទះល្វែងដែលលក់ និងបញ្ចូលហ្គាស ខណៈម្ចាស់ផ្ទះចាក់សោរផ្ទះចោល​ហើយ​ដើរលេងនៅថ្ងៃអាទិត្យចុងសប្តាហ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពពីលោក ជា សុខៃ ចៅសង្កាត់ចាក់អង្រែក្រោម ដែលបានដឹកនាំកម្លាំងប្រជាការពារ​សាលាសង្កាត់ចុះ​ទៅជួយនៅកន្លែងកើតហេតុបានឲ្យដឹងថា ករណីអគ្គិភ័យនេះកើតឡើងនៅផ្ទះរបស់ឈ្មោះ ជា ប៉ឡាយ និងប្រពន្ធឈ្មោះ អឹម សុខណា ស្ថិតផ្ទះលេខ១៨ ក្រុម២១ ភូមិទួលរកា១ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ។

លោក ចៅសង្កាត់បានបញ្ជាក់ថា នៅវេលាម៉ោង១១និង៤០នាទីថ្ងៃទី១៩ខែវិច្ឆិកានេះ អ្នករស់នៅជិតខាងផ្ទះ​កើតហេតុ​បានឮស្នូសំឡេងផ្ទុះចេញពីផ្ទះខាងលើ ខណៈម្ចាស់ផ្ទះចាក់សោចេញទៅដើរលេងនាថ្ងៃចុងសប្តាហ៍។ បន្ទាប់ពីស្នូ​ផ្ទុះលាន់​ឡើងស្រាប់តែមានអណ្តាតភ្លើងឆេះចេញយ៉ាងសន្ធោសន្ធៅ ហើយអ្នកជិតខាងនាំគ្នារត់រកកិច្ចអន្តរាគមន៍​ដោយឡែកកម្លាំងសមត្ថកិច្ចនិងប្រជាការពារសង្កាត់សមត្ថកិច្ចចម្រុះរបស់សាលាខណ្ឌមានជ័យចុះទៅជួយព្រមទាំងទូរសព្ទ័ទៅរថយន្ត​ពន្លត់អគ្គិភ័យប្រមាណជាង១០គ្រឿងមកបាញ់ពន្លត់ ដោយពុំបង្កគ្រោះថ្នាក់ដល់មនុស្សឡើយ។

លោក ជា សុខៃ ដែលបានចុះទៅដល់ចំណុចកើតដំបូងបានកោតសសើរដល់កម្លាំងប្រជាពលរដ្ឋក្នុងភូមិ ក៏ដូចជា​អាជ្ញាធរ​ព្រមទាំងសមត្ថកិច្ចចម្រុះដែលចុះជួយទាន់ពេល  មិនបង្កឱ្យភ្លើងឆេះរាលដាលធ្ងន់ធ្ងរ។ ចំពោះមូល​ហេតុ​ដែលបណ្តាលឲ្យឆាបឆេះបែបនេះ គឺពុំទាន់ដឹងនៅឡើយ៕

អត្ថបទ ៖ នរា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម២៤ ម៉ោង មុន

ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ

ព័ត៌មានជាតិ២១ ម៉ោង មុន

សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា

ព័ត៌មានជាតិ១៩ ម៉ោង មុន

ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន

ព័ត៌មានជាតិ២១ ម៉ោង មុន

ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ

ព័ត៌មានអន្ដរជាតិ១ ម៉ោង មុន

ភាគខាងជើង ថៃ ក៏កើតភ្លើងឆេះព្រៃខ្លាំង ឯនៅ បាងកក ក៏កំពុងរងទុក្ខដោយរញ្ជួយដី

Sokha Hotels

ព័ត៌មានពេញនិយម