សម្ដេចធិបតី ៖ ការអនុវត្តបរាជ័យ ឬមិនបរាជ័យ អាស្រ័យទៅលើការអនុវត្តដោយប្រសិទ្ធភាពឬអត់?

សម្តេចមហាបវរធិបធិបតី ហ៊ុន ណែត នាយករដ្ឋមន្ត្រីនៃកម្ពុជា បានលើកឡើងថា ការគិតរៀបចំអំពីគោលនយោបាយ គឺជារឿងមួយហើយ តែអ្វីដែលសំខាន់ទៀតនោះ គឺការអនុវត្តដោយប្រសិទ្ធភាព។ ការលើកឡើងនេះ ធ្វើឡើងក្នុងពិធីប្រកាសដាក់ ឲ្យអនុវត្តកម្មវិធីនយោបាយអាទិភាព ពាក់ព័ន្ធវិស័យកសិកម្ម នាព្រឹកថ្ងៃទី ២០ ខែវិច្ឆិកា ឆ្នាំ ២០២៣នេះ។

សម្ដេចនាយករដ្ឋមន្ត្រី​ បានថ្លែងថា «​ទាក់ទងទៅនឹងការពង្រឹងយន្ដការកសិកម្ម អន្តរាគមន៍របស់យើង ត្រូវរៀបចំផ្ទះខ្លួន ឯងឲ្យស្អាត ឲ្យរៀបរយ ហើយនេះហើយជាយន្ដការធំណាស់ ​មិនតែអង្គុយគិតពីគោលនយោបាយទេ អ្វីដែលសំខាន់ គឺការអនុវត្ត បរាជ័យ ឬមិនបរាជ័យ អាស្រ័យទៅលើការអនុវត្តដោយប្រសិទ្ធភាពឬអត់?»។

ប្រមុខរាជរដ្ឋាភិបាល​ លើកឡើទៀតថា ប្រសិនបើយន្ដការអនុវត្ត មិនមានការឯកភាពគ្នា ឬមិនចូលរួមទាំងអស់គ្នាទេនោះ អ្វីដែលនៅលើគោលនយោបាយ នឹងមិនអាចអនុវត្តចេញនោះឡើយ៕