ព័ត៌មានជាតិ
ក្នុងអាណត្តិទី ៧នេះ សម្ដេចធិបតី ហ៊ុន ម៉ាណែត គ្រោងជួបកម្មករ-និយោជិត ២ជុំទៀត
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានបញ្ជាក់ថា ក្នុងអាណត្តិទី ៧នេះ សម្ដេច នឹងបន្តជួបសំណេះសំណាលជាមួយកម្មករ-និយោជិត ២ជុំទៀត។ ការបញ្ជាក់នេះ ធ្វើឡើងក្នុងពិធីជួបសំណេះសំណាលជាមួយកម្មករ-និយោជិតចំនួន ១៨,១០៨នាក់ នៅតាមបណ្តារោងចក្រ-សហគ្រាស នៅខណ្ឌកំបូល រាជធានីភ្នំពេញ នាព្រឹកថ្ងៃទី ២១ ខែវិច្ឆិកា ឆ្នាំ ២០២៣នេះ។
សម្ដេចធិបតី ហ៊ុន ម៉ាណែត មានប្រសាសន៍ថា ការជួបសំណេះសំណាលជាមួយកម្មករ-និយោជិត នាពេលនេះ គឺជាលើកទី ១០ និងជាលើកចុងក្រោយ សម្រាប់ឆ្នាំ ២០២៣នេះ។ តែយ៉ាងណាក៏ដោយ ក្នុងអាណត្តិទី ៧នេះ សម្ដេចនាយករដ្ឋមន្ត្រី មានគម្រោងជួបសំណេះសំណាល ជាមួយកម្មករ-និយោជិតចំនួន ២ជុំបន្តទៀត។
សម្ដេចធិបតី ហ៊ុន ម៉ាណែត បានថ្លែងថា «ចឹងថ្ងៃនេះ គឺជាការជួបលើកទី ១០ ហើយសម្រាប់ ២០២៣នេះ ជាការជួបចុងក្រោយកម្មវិធីរបស់ខ្ញុំ ប៉ុន្តែមិនមានថា ជាកម្មវិធីដែលចុងក្រោយលែងជួបជាមួយបងប្អូនកម្មករ-និយោជិត ទៀតទេ យើងនឹងបន្តជួបទៀតនៅពេលក្រោយ ក្នុង ១អាណត្តិនេះ យើងថា យ៉ាងហោចជួប ២ជុំទៀត ក្នុង ១អាណត្តិនេះ»។
បើគិតជំនួបនាថ្ងៃទី ២១ ខែវិច្ឆិកា ឆ្នាំ ២០២៣នេះ គឺជាលើកទី ១០ និងជាជំនួបចុងក្រោយក្នុងឆ្នាំនេះ ដែលសម្តេចធិបតី ហ៊ុន ម៉ាណែត បានអញ្ជើញចុះជួបសំណេះសំណាល ជាមួយកម្មករ-និយោជិត តាមបណ្តារោងចក្រ-សហគ្រាសនានា ក្នុងឋានៈជានាយករដ្ឋមន្ត្រី និងស្របតាមការសន្យារបស់រាជរដ្ឋាភិបាលកម្ពុជា នីតិកាលទី ៦។
ក្នុងជំនួបទាំង ១០លើកនេះ មានកម្មករ-និយោជិតសរុបចំនួន ១៧២,៣៥០នាក់ មកពីក្រុមហ៊ុនអភិវឌ្ឍន៍ពិសេស និង រោងចក្រ-សហគ្រាសចំនួន ១៨៩៕
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៦ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ