ព័ត៌មានជាតិ

តំបន់ព្រៃឡង់ ប្រកាសជាតំបន់ក្រហម លែងផ្តល់អាជ្ញាបណ្ណថ្មីលើការធ្វើអាជីវកម្មរ៉ែ

បានផុស

១ year មុន

នៅ

ថ្ងៃអង្គារ ២១ វិច្ឆិកា ២០២៣

ដោយ

លោក កែវ រតនៈ រដ្ឋមន្រ្តីក្រសួងរ៉ែ និថាមពល បានប្រកាសបញ្ចប់ការផ្តល់អាជ្ញាបណ្ណថ្មីលើការធ្វើអាជីវកម្មរ៉ែនៅតំបន់ព្រៃឡង់។ បន្ថែមពីប្រកាសបញ្ឈប់ការផ្តល់អាជ្ញាបណ្ណថ្មីលើការធ្វើអាជីវកម្មរ៉ែ ក៏ចាត់ទុកតំបន់ព្រៃឡង់ជាតំបន់ក្រហមថែមទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

«ការផ្តល់អាជ្ញាបណ្ណថ្មីមិនបន្តទៀតទេ»។ នេះបើតាមលោករដ្ឋមន្រ្តី។

សម្តេចធិបតី ហ៊ុន ម៉ាណែត បានឯកភាពភ្លាមៗគឺទី១ ចាត់ទុកតំបន់ព្រៃឡង់ជាតំបន់ក្រហម មិនចេញអាជ្ញាបណ្ណធនធានរ៉ែគ្រប់ប្រភេទបន្ថែមទៀតទេ។ ទី២ឲ្យពិនិត្យលទ្ធភាពកាត់បន្ថយផ្ទៃដីដែលសិក្សារួចមិនមានសក្តានុពលនិងទី៣. មិនអនុញ្ញាតឱ្យមានការពង្រីកផ្ទៃដីអាជ្ញាបណ្ណបន្ថែមទៀតនោះទេ សម្រាប់អាជ្ញាបណ្ណដែលមានស្រាប់។

លោករដ្ឋមន្រ្តីបានអះអាង ការបញ្ចប់មិនផ្តល់អាជ្ញាបណ្ណថ្មីមិនប៉ះពាល់ដល់ក្រុមហ៊ុនដែលមានអាជ្ញាបណ្ណស្រាប់ដែលកំពុងធ្វើអាជីវកម្ម។ បើតាមលោករដ្ឋមន្រ្តី បច្ចុប្បន្នមានក្រុមហ៊ុនចំនួនពីរដែលកំពុងធ្វើអាជីវកម្មធនធានរ៉ែនៅតំបន់ព្រៃឡង់។

របាយការណ៍របស់ក្រសួងរ៉ែ និងថាមពល មានក្រុមហ៊ុនចំនួន ១៣ កំពុងសិក្សារុករករ៉ែនៅក្នុងតំបន់ក្នុងនោះមាន ៣ ក្រុមហ៊ុននៅខេត្តកំពង់ធំ នៅខេត្តក្រចេះ មានអាជ្ញាបណ្ណចំនួន ៧ ខេត្តព្រះវិហារ មានអាជ្ញាបណ្ណស្វែងរុករកចំនួនពីរ និងខេត្តស្ទឹងត្រែង មានអាជ្ញាបណ្ណស្វែងរុករកចំនួន១។

តំបន់ព្រៃឡង់ គឺជាព្រៃដ៏ធំមួយនៅកម្ពុជាដែលគ្របដណ្តប់លើផ្ទៃដី ៤៣១ ៦៨៣ ហិចតា លើខេត្តចំនួន៤ គឺ ខេត្តកំពង់ធំ ខេត្តព្រះវិហារ ខេត្តក្រចេះ និងខេត្តស្ទឹងត្រែង៕

Related Topics:តំបន់ព្រៃឡង់