ព័ត៌មានជាតិ
លោក ហេង សួរ៖ រយៈពេល៦ថ្ងៃ យុវជនមកពីគ្រួសារក្រីក្រជាង១៦០០នាក់ បានចុះឈ្មោះចូលរៀនជំនាញ
លោក ហេង សួរ រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈបានលើកឡើងថាមកទល់ថ្ងៃទី២០ ខែវិច្ឆិកា ឆ្នាំ២០២៣ នេះមានយុវជនប្រមាណ១៦០៨ នាក់ បានមកចុះឈ្មោះចូលរៀនវគ្គបណ្តុះបណ្តាលជំនាញវិជ្ជាជីវៈ និងបច្ចេកទេសនៅទូទាំងប្រទេស។

ថ្លែងក្នុងពិធីជួបសំណេះសំណាលជាមួយបងប្អូនកម្មករនិយោជិតចំនួន១៨ ១០៨ នាក់មកពីបណ្តារោង
ចក្រ សហគ្រាស ដែលមានមូលដ្ឋានក្នុងខណ្ឌកំបូល រាជធានីភ្នំពេញនាថ្ងៃទី២១ ខែវិច្ឆិកា ឆ្នាំ២០២៣នេះ រដ្ឋមន្រ្តីបានគូសបញ្ជាក់ថាក្នុងចំណោម១៦០៨ នាក់ដែលបានចុះឈ្មោះ ក្នុងនោះមានរាជធានីភ្នំពេញ បាត់តំបង សៀមរាប និងបណ្តាខេត្តមួយចំនួនទៀត។
លោក ហេង សួរ បន្ថែមថា យុវជនដែលមកពីគ្រួសារក្រីក្រនិងគ្រួសារងាយរងហានិភ័យដែលបានចុះឈ្មោះចូល
រៀនវគ្គបណ្តុះបណ្តាលជំនាញវិជ្ជាជីវៈនេះនឹងទទួលបានប្រាក់ឧបត្ថម្ភចំនួន២៨០០០០រៀលក្នុងមួយខែ ហើយរៀនដោយពុំបង់ថ្លៃនោះទេ។

រដ្ឋមន្ត្រីលើកឡើងថាដើម្បីជំរុញដល់យុវជនឱ្យមកចុះឈ្មោះចូលរៀនបន្ថែមទៀត ក្រសួងការងារ នឹង
សហការជាមួយក្រុមការងាររាជរដ្ឋាភិបាលគ្រប់ក្រុង ស្រុក ខណ្ឌ សង្កាត់ ដើម្បីជួបផ្ទាល់ជាមួយបងប្អូន
យុវជនមកពីគ្រួសារក្រីក្រ និងគ្រួសារងាយរងហានិភ័យ ដើម្បីពន្យល់អំពីអត្ថប្រយោជន៍នៃកម្មវិធីនេះ
ទៅពួកគេ។
លោក ហេង សួរ ថា៖ «ដើម្បីឱ្យការបណ្តុះបណ្តាលនេះជោគជ័យក្រសួងការងារកំពុងតែខិតខំសម្រេចឱ្យបាននូវ
បាវចនារបស់សម្តេចធិបតីគឺ រៀនឱ្យចប់ រៀនឱ្យចេះ រៀនឱ្យមានការងារធ្វើ»។

លើសពីនេះទៅទៀត លោករដ្ឋមន្ត្រីបញ្ជាក់ថាក្រសួងការងារបាននឹងកំពុងធ្វើកិច្ចសហការជាមួយវិស័យ
ឯកជនធ្វើយ៉ាងណាអាចឱ្យវិស័យឯកជនទាំងនោះទទួលយកសិស្សដែលបានរៀនវគ្គបណ្តុះបណ្តាល
ជំនាញវិជ្ជាជីវៈនេះឱ្យចូលហាត់ការបាន។
ការលើកឡើងនេះបន្ទាប់ពីថ្ងៃទី ១៤ វិច្ឆិកា ឆ្នាំ២០២៣ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីកម្ពុជា បានប្រកាសឱ្យអនុវត្តជាផ្លូវការនូវការបណ្តុះបណ្តាលជំនាញវិជ្ជាជីវៈ និងបច្ចេកទេស ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ៕




-
ព័ត៌មានជាតិ២ ថ្ងៃ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៦ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ២ ថ្ងៃ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ១៨ ម៉ោង ago
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
សន្តិសុខសង្គម១ សប្តាហ៍ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៦ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
សន្តិសុខសង្គម២ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ចរាចរណ៍២ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល