ព័ត៌មានជាតិ

វិទ្យាស្ថានពហុបច្ចេកទេសខេត្តកំពង់ឆ្នាំងជ្រើសរើសសិស្សជិត ៥០០ នាក់ សិក្សាជំនាញវិជ្ជាជីវៈ និងបច្ចេកទេស ឥតបង់ថ្លៃ

បានផុស

១ year មុន

នៅ

ថ្ងៃពុធ ២២ វិច្ឆិកា ២០២៣

ដោយ

វិទ្យាស្ថានពហុបច្ចេកទេស ខេត្តកំពង់ឆ្នាំង បានប្រកាសជ្រើសរើសយុវជន និងសិស្ស មកពីគ្រួសារក្រីក្រ និងងាយរងហានិភ័យប្រមាណជា ៤៨០ នាក់ ដើម្បីសិក្សាដោយឥតបង់ថ្លៃនូវជំនាញវិជ្ជាជីវៈ និងបច្ចេកទេស នៅក្នុងឆ្នាំសិក្សា ២០២៣-២០២៤ នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្ដីជូនដំណឹងចុះថ្ងៃទី ២០ ខែវិច្ឆិកា ឆ្នាំ ២០២៣ របស់វិទ្យាស្ថានពហុបច្ចេកទេស ខេត្តកំពង់ឆ្នាំង បានឲ្យដឹងថា សម្រាប់យុវជន យុវនារី ដែលមកពីគ្រួសារមានបណ្ណក្រីក្រ ១ និង ២ និងគ្រួសារមានបណ្ណសម្គាល់ជនងាយរងហានិភ័យ ដូច្នេះនឹងអាចចូលសិក្សាដោយឥតបង់ថ្លៃបានក្នុងឆ្នាំសិក្សាថ្មី(២០២៣-២០២៤)នេះ។ ក្នុងនោះ មុខវិជ្ជាដែលវិទ្យាស្ថានពហុបច្ចេកទេសខេត្ត បានផ្តល់ដល់យុវជន យុវនារី សិក្សា រួមមានដូចជា ៖ ការដំឡើងបណ្ដាញអគ្គិសនីក្នុងអគារ, ការថែទាំ និងជួសជុលរថយន្ត, ការកែច្នៃបន្លែ និងផ្លែឈើ, សេវាកម្មកុំព្យូទ័រ និងសេវាកម្មបរិក្ខារត្រជាក់ក្នុងគេហដ្ឋានផងដែរ។

សេចក្ដីជូនដំណឹងដដែលបញ្ជាក់ថា ហេតុដូចនេះ សម្រាប់យុវជន យុវនារី ពិសេសអ្នករស់នៅក្នុងខេត្តកំពង់ឆ្នាំងផ្ទាល់ ដែលចង់ដាក់ទទួលបានអាហារូបករណ៍ខាងលើនេះ ត្រូវមានអាយុចាប់ពី ១៥ ឆ្នាំ ដល់ ៣៥ ឆ្នាំ ព្រមទាំងមានបណ្ណសមធម៌ក្រីក្រ ១ និង ២ ឬ បណ្ណសម្គាល់គ្រួសារងាយរងហានិភ័យជាដើម។ លើសពីនេះទៀត នៅពេលទទួលបានអាហារូបករណ៍សិក្សាដោយឥតគិតថ្លៃហើយនោះ សិស្សទាំងអស់ នឹងទទួលបានប្រាក់ឧបត្ថម្ភចំនួន ២៨០,០០០ រៀល ក្នុង ១ ខែ ទៀតផង។

គួរជម្រាបថា វិទ្យាស្ថានពហុបច្ចេកទេសខេត្តកំពង់ឆ្នាំង នឹងចាប់ផ្តើមទទួលពាក្យចាប់ពីថ្ងៃជូនដំណឹងនេះតទៅ។ ហើយសម្រាប់ព័ត៌មានលម្អិត សិស្ស អាចទាក់ទងទៅកាន់លេខទូរសព្ទ ៖ ០១២ ៤៧៤ ៣៤១ / ០៩៨ ៤៧៤ ៣៤១/០១៦ ៨៩១ ៩៨៤៕

រូបភាព ៖ វិទ្យាស្ថានពហុបច្ចេកទេសខេត្តកំពង់ឆ្នាំង