ព័ត៌មានជាតិ
នាយករដ្ឋមន្ត្រី អំពាវនាវពលរដ្ឋ កុំបើកបរបញ្ច្រាសទិសចរាចរណ៍ ឲ្យសោះ
សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានអំពាវនាវដល់ប្រជាពលរដ្ឋ បន្តគោរពច្បាប់ចរាចរណ៍ ហើយកុំបើកបរបញ្ច្រាសទិសចរាចរណ៍ ឲ្យសោះ។ ការអំពាវនាវនេះ ធ្វើឡើងក្នុងពិធីសម្ពោធដាក់ឲ្យប្រើប្រាស់ជាផ្លូវការ នូវកំណាត់ផ្លូវជាតិលេខ ៥ (ព្រែកក្តាម-បាត់ដំបង) និងបើកការដ្ឋានកំណាត់ផ្លូវជាតិលេខ ៥ (សេរីសោភ័ណ-ប៉ោយប៉ែត) នៅស្រុកសាមគ្គីមានជ័យ ខេត្តកំពង់ឆ្នាំង នាព្រឹកថ្ងៃទី ២២ ខែវិច្ឆិកា ឆ្នាំ ២០២៣នេះ។

សម្ដេចធិបតី ហ៊ុន ម៉ាណែត មានប្រសាសន៍ថា ករណីស្លាប់ដោយសារតែគ្រោះថ្នាក់ចរាចរណ៍នៅកម្ពុជា នៅតែមានច្រើននៅឡើយ។ ដូច្នេះ ប្រជាពលរដ្ឋ ត្រូវបន្តគោរពច្បាប់ចរាចរណ៍ឲ្យបានត្រឹមត្រូវ ពិសេសកុំបើកបរបញ្ច្រាសទិសចរាចរណ៍។
សម្ដេចធិបតី ហ៊ុន ម៉ាណែត បានថ្លែងថា «សូមបន្តគោរពច្បាប់ចរាចរណ៍ ការប្រើប្រាស់ ជាពិសេសគោរពគន្លងឲ្យបានត្រឹមត្រូវ សូមកុំជិះបញ្ច្រាស ឥឡូវគេដាក់អាផ្លូវគំនូសកណ្ដាល កាលមុនឆ្លងកាត់បាន ឥឡូវដាក់ដើម្បីកុំឲ្យមានហានិភ័យគេបាំង សូមបងប្អូនកុំជិះបញ្ច្រាសមក ព្រោះអាអត់បញ្ច្រាស បើអត់ផ្លូវអារបាំងនេះ កាលមុនបញ្ច្រាសមានការគេចចូល ឥឡូវគេចអត់ចូលមកចំតែម្ដងគ្រោះថ្នាក់»។
ប្រមុខរាជរដ្ឋាភិបាល បានលើកឡើងអំពីផ្លូវល្បឿនលឿនភ្នំពេញ-ព្រះសីហនុ ដែលពេលខ្លះមានករណីបើកបរបញ្ច្រាសទិសមកពីមុខចំតែម្ដង ដែលអាចបង្កជាគ្រោះថ្នាក់។ ដូច្នេះ ប្រជាពលរដ្ឋ ត្រូវមានការប្រុងប្រយ័ត្ន អំពីបញ្ហាគ្រោះថ្នាក់ចរាចរណ៍នេះ ដោយមិនមែនគ្រោះថ្នាក់តែខ្លួនឯងប៉ុណ្ណោះទេ តែថែមទាំងបង្កគ្រោះថ្នាក់ដល់អ្នកដទៃថែមទៀត៕

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ