ក្រសួងបង្កើតក្រុមការងារអនុវត្តគម្រោងអភិវឌ្ឍក្រុងចំនួន ៣ មានក្រុងប៉ោយប៉ែត បាវិត និងក្រុងកំពត

លោក ប៉ែន សុផល រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ បានថ្លែងថា ក្រសួងបានបង្កើតនូវក្រុមការងារអនុវត្តនូវគម្រោងអភិវឌ្ឍទីក្រុងប្រកបដោយ សុខដុម រមនា រួមមានក្រុងបាវិត ខេត្តស្វាយរៀង ក្រុងកំពតខេត្តកំពត និងក្រុងប៉ោយប៉ែត ខេត្តបន្ទាយមានជ័យ ដែលស្របទៅនឹងទិសដៅអភិវឌ្ឍន៍សង្គម ដោយមានការរួមសហការគាំទ្រ​ជាមួយធនាគារអភិវឌ្ឍន៍​អាស៊ី (ADB) កសាងប្លង់គោលប្រើប្រាស់ដី និងផែនការប្រើប្រាស់​ដីក្រុងប៉ោយប៉ែតដែលបច្ចុប្បន្ននេះ​ទម្រង់នេះបានមកដល់ដំណាក់កាលនៃការប្រមូលព័ត៌មានជំហានទីមួយរួចរាល់ហើយ និងបានធ្វើ​ការ​វិភាគ យកមកធ្វើការបង្ហាញពីគោលបំណង ប្រមូលធាតុមូលក្នុងអង្គសិក្ខាសាលានេះផងដែរ។

​ការថ្លែងបែបនេះក្នុងអង្គសិក្ខាសាលាពិគ្រោះយោបល់ស្ដីពីការវិភាគស្ថានភាពចក្ខុវិស័យយុទ្ធសាស្ត្រ និងផែនការប្រើប្រាស់ដីក្រុងប៉ោយប៉ែតក្នុងខេត្តបន្ទាយមានជ័យកាលពីថ្ងៃទី ២១ ខែវិច្ឆិកា ឆ្នាំ២០២៣ នៅក្រុងប៉ោយប៉ែតក្រោមការឧបត្ថម្ភ ដោយធនាគារអភិវឌ្ឍន៍អាស៊ី និងមានការចូលរួមពីលោក ង៉ោ ម៉េងជ្រួន អភិបាលរងខេត្តបន្ទាយមានជ័យ។

លោក រីឆឺត ម៉ាប៊ិត ជាប្រធានក្រុមការងារធនាគារអភិវឌ្ឍន៍អាស៊ី និងអស់លោកលោកស្រីក៏បានឡើងធ្វើបទបង្ហាញស្ដីពីផែនការប្លង់គោលប្រើប្រាស់ដីផែនការលម្អិតចេញពីប្លង់គោលប្រើប្រាស់ដី និងបញ្ចូលនូវការបែងចែកតំបន់ ដីតាមលក្ខខណ្ឌភូមិសាស្ត្រ និងគ្រប់ជ្រុងជ្រោយយើងគួរដឹងហើយថា ក្រុងប៉ោយប៉ែតមានមូលដ្ឋានសេដ្ឋកិច្ចទូលំទូលាយដែលមានឧស្សាហកម្មពាណិជ្ជកម្មទេសចរណ៍ និងកសិកម្មទីក្រុងនេះគឺជាកន្លែងទាក់ទាញដ៏លេចធ្លោមួយ នៅក្រុងប៉ោយប៉ែតទៅ​ជាតំបន់ប្រមូលផ្ដុំកម្លាំងពលកម្មខ្ពស់បំផុតនៅក្នុងខេត្ត និងវិស័យជាច្រើនទៀតរួមមានតំបន់សេវាកម្មទេសចរណ៍ កាស៊ីណូជាដើម៕

អត្ថបទ៖ អពៅ