ព័ត៌មានជាតិ

អាជ្ញាធរដាក់កម្លាំងលាងសំអាតទឹកស្អុយហូរចេញពីលូបន្ទាប់ពីភ្លៀងធ្លាក់១មេធំ

បានផុស

៤ years មុន

នៅ

ថ្ងៃអង្គារ ៩ កុម្ភៈ ២០២១

ដោយ

យោងតាមប្រភពពីលោក គុយ គឹមហ៊ាង ប្រធានការិយាល័យសាធារណៈការខណ្ឌច្បារអំពៅបានប្រាប់កម្ពុជាថ្មីថា នៅវេលាថ្ងៃត្រង់ទី៩ ខែកុម្ភះនេះ លោក ចេង មុនីរ៉ា អភិបាលខណ្ឌច្បារអំពៅបានអនុញាតិឲ្យរូបលោកដឹកនាំកម្លាំងចុះមកលាងសំអាតទឹកសំអុយដែលហូរចេញពីលូបន្ទាប់ពីមានភ្លៀងធ្លាក់មួយមេធំកាលពីយប់ថ្ងៃទី៨ ខែកុម្ភៈរហូតដល់ព្រឹកព្រលឹមថ្ងៃទី៩ខែកុម្ភៈមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកប្រធានការិយាល័យបានបន្តថា ទីតាំងដែលលោកដឹកនាំកម្លាំងមកលាងសំអាតនេះ គឺស្ថិតនៅមុខផ្សារបឹងព្រលឹតភូមិអូរអណ្តូង១ សង្កាត់ព្រែកប្រាខណ្ឌច្បារអំពៅរាជធានីភ្នំពេញ។ មូលហេតុដែលទឹកស្អុយហូរចេញពីលូគឺដោយសារតែភ្លៀងធ្លាក់មួយមេធំកាលពីយប់ថ្ងៃទី៨ ខែកុម្ភៈធ្វើឲ្យមានទឹកជន់លិចខ្លាំងរហូតដល់លិចលូ។ ចំណែកទឹកសំអុយបានហូរចេញពីលូដោយមានកាកសំរាមចេញបង្កឲ្យមានក្លិនស្អុយថែមទាំងមានទឹកខ្មៅហូរចេញមកពាសពេញលើទ្រូងផ្លូវមុខផ្សារបឹងព្រលឹត។ ដោយមើលឃើញនិងព្រួយបារម្ភខ្លាចមានជំងឺឆ្លងដល់បងប្អូនប្រជាពលរដ្ឋពិសេសជះក្លិនស្អុយផងនោះ លោកចេង មុនីរ៉ា អភិបាលខណ្ឌច្បារអំពៅបានចាត់ឲ្យលោក គុយ គឹមហ៊ាង ប្រធានការិយាល័យសាធារណៈការខណ្ឌដឹកនាំកម្លាំងលាងសំអាតឲ្យបានស្អាតចៀសវាងឲ្យទឹកខ្មៅកខ្វក់ដក់លើទ្រូងផ្លូវជះក្លឹនស្អុយមកលើប្រជាពលរដ្ឋដែលនាំឲ្យប៉ះពាល់ដល់សុខភាពទៀតផង៕

អត្ថបទ ៖ នរា