ព័ត៌មានជាតិ
ខេត្តកែប មានតំបន់ធំៗចំនួន ៤ កំពុងទាក់ទាញ និងរមណីយដ្ឋាន ៤២ កន្លែង សម្រាប់ទទួលភ្ញៀវទេសចរមកកម្សាន្ត
នៅថ្ងៃទី ២៤ ខែវិច្ឆិកា ឆ្នាំ ២០២៣ នេះ មន្ត្រីជំនាញ លើកឡើងថា ខេត្តកែប ជាខេត្តទេសចរណ៍តារារះទិសនិរតីមួយ នៃព្រះរាជាណាចក្រកម្ពុជា មានសក្ដានុពល ធនធានធម្មជាតិ ក្នុងភូមិសាស្ត្រអំណោយផលល្អបំផុតលើវិស័យទេសចរណ៍ ដែលមានគោលដៅទាក់ទាញភ្ញៀវទេសចរ និងរមណីយដ្ឋានសរុបចំនួន ៤២ កន្លែង បែងចែកជា ៤ តំបន់ធំៗ សម្រាប់ត្រៀមទទួលភ្ញៀវជាតិ-អន្តរជាតិ មកលេងលម្ហែកម្សាន្ត។
លោក សោម ចិន្តា ប្រធានមន្ទីរទេសចរណ៍ខេត្តកែប បានប្រាប់ឲ្យដឹងថា ការអភិវឌ្ឍវិស័យទេសចរណ៍ដ៏ទាក់ទាញ និងមានការរីកចម្រើននៅខេត្តកែប ក្រោមការដឹកនាំរបស់ លោក សោម ពិសិដ្ឋ អភិបាលខេត្តកែប លោកបានយកចិត្តទុកដាក់លើបញ្ហាសន្តិសុខ សណ្ដាប់ធ្នាប់សាធារណៈ ដើម្បីពង្រឹង និងពង្រីកហេដ្ឋារចនាសម្ព័ន្ធ ផ្លូវទឹក ភ្លើង ការរក្សាអនាម័យបរិស្ថាន កែលម្អសោភ័ណភាពទីក្រុង សួនច្បារ ឆ្នេរខ្សាច់កម្សាន្តស្អាត និងតាមកោះជាដើម…។
លោក សោម ចិន្តា បញ្ជាក់ថា បច្ចុប្បន្ន ខេត្តកែប មានកន្លែងគោលដៅទេសចរណ៍ទាក់ទាញ និងរមណីយដ្ឋានសរុបចំនួន ៤២ កន្លែង បែងចែកទៅជា ៤ តំបន់ធំៗ ដោយ ទី១.ស្ថិតក្នុងតំបន់ក្រុងកែបចាស់ ,ទី២.តំបន់ឆ្នេរអង្កោល ,ទី៣.តំបន់ភ្នំវល្លិ៍ និងទី៤.តំបន់ប្រជុំកោះ នៃខេត្តកែប។
លោកបញ្ជាក់ទៀតថា បច្ចុប្បន្ន ភ្ញៀវទេសចរជាតិ និងភ្ញៀវទេសចរអន្តរជាតិ បានចូលមកលេងលម្ហែកម្សាន្តនៅខេត្តកែប មានជម្រើសច្រើនណាស់។ ថ្វីត្បិតតែ កែប ជាខេត្តនៅជាប់មាត់សមុទ្រ ប៉ុន្តែកន្លែងម្ហូបអាហារ និងកន្លែងដើរលេងកម្សាន្ត មិនមែនមានតែឆ្នេរ និងគ្រឿងសមុទ្រប៉ុណ្ណោះនោះទេ គឺមានតំបន់រមណីយដ្ឋានជាច្រើនសំបូរបែប ពិសេសផលិតផលទេសចរណ៍ថ្មីជាច្រើន នៅតាមតំបន់ប៉ូលទេសចរណ៍ទាំង ៤ ដែលពីមួយថ្ងៃទៅមួយថ្ងៃ កាន់តែមានការអភិវឌ្ឍ និងទាក់ទាញយ៉ាងខ្លាំងទៀតផង។
លោកប្រធានមន្ទីរទេសចរណ៍ខេត្តកែប បានបន្ថែមថា ខេត្តកែប កំពុងមមាញឹក ព្រោះត្រូវធ្វើជាម្ចាស់ផ្ទះរៀបចំព្រឹត្តិការណ៍ពិធីបុណ្យសមុទ្រលើកទី ១០ ជុំទី ៣ ឆ្នាំ ២០២៣ ដែលចាប់ផ្ដើមពីថ្ងៃទី ១ រហូតដល់ថ្ងៃទី ៣ ខែធ្នូ ខាងមុខ ក្រោមប្រធានបទ«យើងទាំងអស់គ្នា ដើម្បីទេសចរណ៍» ដោយការរៀបចំត្រូវបានបែងចែកជា ៣ តំបន់ រួមមាន ៖ តំបន់ A (ទីតាំងប្រារព្ធពិធី រៀបចំនៅឆ្នេរ ២៧០០ ម៉ែត្រ ក្បែរផ្សារក្តាម នៃខេត្តកែប) , តំបន់ B (ឆ្នេរខ្សាច់ស្រី ស) និង តំបន់ C (បរិវេណខាងមុខសាលាខេត្ត)។ ចំពោះសកម្មភាពសំខាន់ៗ មានការដាក់ស្តង់ពិព័រណ៍ទំនិញ និងដាំដើមឈើនៅតាមបណ្ដោយឆ្នេរ សកម្មភាពកីឡា ការសម្ដែងសិល្បៈ និងប្រគំតន្ត្រី រួមមានការដុតកាំជ្រួច និងបង្ហោះគោមអបអរសាទរជាដើម…៕
អត្ថបទ ៖ សឹង រ៉ាត់
ផ្លែគុយនៅខេត្តកោះកុង ឆ្នាំនេះហុចផលច្រើន តែលក់ចេញពុំសូវបានតម្លៃដូចឆ្នាំទៅ
ឯកឧត្តម ហ៊ុន ម៉ានី÷ការរៀបចំព្រះរាជក្រឹត្យស្ដីពីលក្ខន្តិកៈដោយឡែកនៃអង្គសុខាភិបាល អាចផ្តល់ផលរំពឹងចំនួន៣
ឆេះផ្ទះ៣ខ្នង ក្បែរវត្តគល់ទទឹង សង្ស័យកើតចេញពីការឆ្លងចរន្តអគ្គិសនី
ក្រសួងការងារ រៀបចំសិក្ខាសាលាពិគ្រោះយោបល់លើឯកសារទស្សនាទាន ស្ដីពី “កម្លាំងពលកម្មនៅកម្ពុជា”
ស្នងការរាជធានី ៖ បុណ្យចូលឆ្នាំខ្មែរប្រពៃណីជាតិ សមត្ថកិច្ចត្រៀមកម្លាំងជាង២ពាន់នាក់ ដើម្បីការពារសន្តិសុខ
កុំចេះតែហ៊ាន! អ្នកចងការប្រាក់ម្នាក់ត្រូវកូនបំណុលប្ដឹងឲ្យជាប់ពន្ធនាគារ២ឆ្នាំ ក្រោយឆាតទារលុយតាមហ្វេសប៊ុក
ក្រសួងយុត្តិធម៌កំពុងសិក្សាលើករណីម្ចាស់បំណុលជាប់ពន្ធនាគារព្រោះទារលុយកូនបំណុលហើយ
ម៉ូតូ ២ គ្រឿង ពន្លះគ្នាពេញទំហឹង ស្លាប់ ១ នាក់ និង រងរបួសធ្ងន់ ១ នាក់
កម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៩មេសា
អង់គ្លេស ព្រមានពលរដ្ឋ ត្រូវត្រៀមរបស់របរសំខាន់ៗ សម្រាប់ការប្រើក្នុងគ្រាអាសន្នឲ្យបាន៧២ម៉ោង
-
សន្តិសុខសង្គម២ ថ្ងៃ agoឥទ្ធិពលថ្នាំញៀន! កូនមេភូមិបែកថ្នាំចូលកាប់សម្លាប់ប្រពន្ធនាយកសាលានៅបាត់ដំបង
-
សន្តិសុខសង្គម១៤ ម៉ោង agoកុំចេះតែហ៊ាន! អ្នកចងការប្រាក់ម្នាក់ត្រូវកូនបំណុលប្ដឹងឲ្យជាប់ពន្ធនាគារ២ឆ្នាំ ក្រោយឆាតទារលុយតាមហ្វេសប៊ុក
-
សន្តិសុខសង្គម២ ថ្ងៃ agoភរិយាមេព្រហ្មទណ្ឌកម្រិតធ្ងន់ខេត្តបាត់ដំបង និងបក្សពួកត្រូវចាប់ខ្លួន ករណីជួញដូរគ្រឿងញៀន
-
ព័ត៌មានជាតិ៦ ថ្ងៃ agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ២ ថ្ងៃ agoបាតុភូតចម្លែក៖ ខេត្តថៃទាំង៧៧ កើតបាតុភូតព្រះអាទិត្យដើរចំពីលើក្បាល
-
ព័ត៌មានអន្ដរជាតិ៦ ថ្ងៃ agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានជាតិ៥ ថ្ងៃ agoកម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា
-
ព័ត៌មានអន្ដរជាតិ៥ ថ្ងៃ agoមីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ