ខេត្តស្វាយរៀង មានសិស្សប្រឡងបាក់ឌុបជាប់បនិទ្ទេស A មានចំនួន ១៦នាក់

ក្រសួងអប់រំ យុវជន និងកីឡា នៅថ្ងៃទី ២៤ ខែវិច្ឆិកា ឆ្នាំ ២០២៣នេះ បានប្រកាសអំពីលទ្ធផលប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ០៦ វិច្ឆិកា ២០២៣ នៅតាមបណ្ដាខេត្តនានា បន្ទាប់ពីបានប្រកាសនៅរាជធានីភ្នំពេញ និងខេត្តកណ្ដាល កាលពីថ្ងៃទី ២៣ ខែវិច្ឆិកា ឆ្នាំ ២០២៣។

សម្រាប់នៅខេត្តស្វាយរៀង ក្នុងឆ្នាំ ២០២៣នេះ មានបេក្ខជនប្រឡងសរុបចំនួន ៤,១១៩នាក់។ ក្នុងនោះស្រីមានចំនួន ២,១៤១នាក់។ ចំពោះអ្នកប្រឡងជាប់មានចំនួន ៣,០០៥នាក់។ ក្នុងនោះស្រីចំនួន ១,៦៨៧នាក់។

សម្រាប់ឆ្នាំ ២០២៣នេះ នៅទូទាំងខេត្តស្វាយរៀង មានសិស្សប្រឡងជាប់បាក់ឌុបនិទ្ទេស A មានចំនួន១៦នាក់​ ដែលក្នុងនោះស្រីចំនួន ៦នាក់។ បើប្រៀបធៀបនឹងឆ្នាំ ២០២២ សិស្សប្រឡងជាប់បាក់ឌុប​និទ្ទេស A នាឆ្នាំ ២០២៣នេះ មានការធ្លាក់ចុះចំនួនម្នាក់ ដោយនៅឆ្នាំ ២០២២ ខេត្តស្វាយរៀង មានសិស្សជាប់បនិទ្ទេស A មានចំនួន ១៧នាក់៕

អត្ថបទ៖ ភក្ដី